TOFEL iBT ولا IELTS

**kemo0o** · 22-05-2009 09:02 AM

السلام عليكم

ازيكم يا اخواننا من العنوان طبعا باين هل في حد فيكم دخل الامتحانات دي ولا لأ ؟؟ ولو حد دخل ياريت يقول لنا اي واحد فيهم سهل عن التاني شوية !! يعني لان انا محتاج الامتحان ده ضروري ولازم اسجل فيه فياريت الافادة منكم

**Ruin Scud** · 22-05-2009 09:22 AM

انا امتحنت ال IELTS والكلام ده من سنه وجبت فيه Band Score 7 و بالنسبة لأنهي الأسهل , لأ هوا الموضوع مش كده الموضوع انت عايز الإمتحان ليه يعني للهجرة لأستراليا لازم ال IELTS ماينفعشي غيره لازم تشوف الأول انت عايزه ليه
ونصيحة IELTS لازم تتدرب كتيير قبل ماتدخلو لأنو عايز ممارسة وتعود على نظام الإمتحان وتكلفته 850 وبتحجزه في العجوزة او اسكندرية هما مركزين بس للحجز على مستوى الجمهورية اما الإمتحان مكانه ممكن في كذا مكان
ولازم تعرف برضو انت عايز انهي IELTS هل IELTS General او IELTS ACADEMIC لأنو في فرق في نظام الإمتحانين
وده http://www.britishcouncil.org/egypt-...test-dates.pdf هنا في مصر للمواعيد والأماكن

**kemo0o** · 22-05-2009 10:02 AM

المشاركة الأصلية كتبت بواسطة Ruin Scud

انا امتحنت ال IELTS والكلام ده من سنه وجبت فيه Band Score 7 و بالنسبة لأنهي الأسهل , لأ هوا الموضوع مش كده الموضوع انت عايز الإمتحان ليه يعني للهجرة لأستراليا لازم ال IELTS ماينفعشي غيره لازم تشوف الأول انت عايزه ليه
ونصيحة IELTS لازم تتدرب كتيير قبل ماتدخلو لأنو عايز ممارسة وتعود على نظام الإمتحان وتكلفته 850 وبتحجزه في العجوزة او اسكندرية هما مركزين بس للحجز على مستوى الجمهورية اما الإمتحان مكانه ممكن في كذا مكان
ولازم تعرف برضو انت عايز انهي IELTS هل IELTS General او IELTS ACADEMIC لأنو في فرق في نظام الإمتحانين
وده http://www.britishcouncil.org/egypt-...test-dates.pdf هنا في مصر للمواعيد والأماكن

متشكر جدا جدا ليك بس انا عاوز ال academic طبعا لان انا محتاجة للدراسة
فايه انطباعاتك عنه يعني اشرح لنا بالضبط الامتحان ازاي كمان انا سمعت ان فيه ielts cb (Computer based ) ده ايه ظروفه ؟؟
معلش داوشك معايا

وبعدين ايه حكاية التدريب دي انا هدخل كده على طول من غير كورسات ولا تقصد اي online practice !؟

**Sameh** · 22-05-2009 10:22 AM

إمتحنت ال TOEFL فى الجامعة الأمريكية ودفعت رسوم الإمتحان فقط وكانت بسيطة للإمتحان ال local بس ده الشهادة بتاعته صلاحيتها 6 شهور فقط للأسف ، إنما فيه إمتحان تويفل تانى international مصاريفه أغلى وأعتقد شهادته مستديمة يا إما صلاحيتها طويلة

ال score بتاع ال local تقريباً 650 أو 675 حاجة كدة ، ومعظم الجامعات فى مصر للدراسات العليا أو بالنسبة لطلبات الهجرة وغيره بيطلبوا 500 ، أنا جبت 538 من أول مرة وكنت طول عمرى فى مدارس حكومة مش لغات بس الكلية كانت إنجليزى ، فأعتقد ال 500 مستوى متوسط وممكن تحقيقه بسهولة

بالنسبة لل international TOEFL ال score بتاعه أعتقد أعلى من كدة ، بس برضه الإمتحان متدرج وسهل تحقق فيه كتير بس رسومة أغلى

**bishoy02010** · 22-05-2009 11:09 AM

متابع باهتمام

**amado ibrahim** · 22-05-2009 11:27 AM

السلام عليكم
انا امتحنت iBT TOEFL من حوالى سنة ونصف و حصلت على 80 درجة التويفل سهل لكن عايز تدريب مكثف و اى استفسار انا تحت امرك

**kemo0o** · 22-05-2009 11:46 AM

المشاركة الأصلية كتبت بواسطة amado ibrahim

السلام عليكم
انا امتحنت ibt toefl من حوالى سنة ونصف و حصلت على 80 درجة التويفل سهل لكن عايز تدريب مكثف و اى استفسار انا تحت امرك

هو خلاص انا قررت امتحن ibt ولقيت اول ميعاد متاح ويكون مناسب ليا 12 يونيو وده في طنطا وفيه بعد كده 20 يونيو ومتاح في طنطا والمنصورة انما الفاهرة اول ميعاد متاح بيتهيألي يوم 25 يوليه 2009

فان شاء الله ناوي اروح احجز بكرة وربنا يسهل

وياريت لو تقول لنا طبيعة الامتحان ومستواه

**amado ibrahim** · 22-05-2009 04:34 PM

اخى العزيز
ال TOEFL مجرد تحدى للوقت وقياس لقدراتك اللغوية فى وقت محدد
فنصيحة حاول تتدرب على امتحانات ال TOEFL الموجودة فى Baron & Cambridge انا عايزك تجلس امام الكومبيوتر 4 ساعات (وقت الامتحان) متتالية وتجرب نفسك فى جميع مجالات الامتحان
وقوللى اخبارك ايه
اخوك احمد

**kemo0o** · 22-05-2009 06:33 PM

المشاركة الأصلية كتبت بواسطة amado ibrahim

اخى العزيز
ال toefl مجرد تحدى للوقت وقياس لقدراتك اللغوية فى وقت محدد
فنصيحة حاول تتدرب على امتحانات ال toefl الموجودة فى baron & cambridge انا عايزك تجلس امام الكومبيوتر 4 ساعات (وقت الامتحان) متتالية وتجرب نفسك فى جميع مجالات الامتحان
وقوللى اخبارك ايه
اخوك احمد

ان شاء الله هحاول
المشكلة الكبيرة ان الامتحان ده جاي في وقت عندي فية امتحانات الكلية ومابنفعش يتأجل خالص ربنا يسهل