+1اقتباس:
المشاركة الأصلية كتبت بواسطة kareem_Ashmawy
عرض للطباعة
+1اقتباس:
المشاركة الأصلية كتبت بواسطة kareem_Ashmawy
بس مشتحيل يكون موتورها الاصلي !!!!
اكيد متسقط
+1اقتباس:
المشاركة الأصلية كتبت بواسطة fahd_628
لا ، ال 1400 سي سي هو موتورها الأصلى ، حيث إن السيارة دى كان نال منها ماتورين ال 1300 وده كان من غير تكييف ، و ال 1400 سي سي إنجكشن و ده كان بتكييف ، بس الأخير مش منتشر قوى عشان كان سعره عالى أيامها ، و كان التكييف مش فارق مع الناس كتير ايامها لإنه مكنش حاجة اساسية في العربيات
هاى يا احلى شباب
اولا كل سنه وإنتوا طيين مع غنها جايه متأخره
ثانيا:اسف لتاخير ردى عليكم بس النت كان قاطع من بعد ما جبت العربيه بكام يوم
وطبعا متشكر ليكم كلكم والله يا جماعه انا حاس إنى بكلم إخواتى بالظبط ومبسوط اوى من الروح الجميله إللى فى المنتدى وطبعا شكر خاص لحبيب قلبى دوجلاذ مساعدته ليا فى كل حاجه من اراء وخبره
العربيه يا جماعه انا جيبتها ب 35000 بس كانت لقطه عشان صاحبها كان حاجز جين 2 زيرو وكان مسافر الغردقه
وقبل العيد بيومين كنت معدى على واخد صاحبى ركنت جنب معرض وانا نازل من عند صاحبى لقيت صاحب المعرض بيقولى هى للبيع ولا لا فقلت اشوف هتجيبلى كام الحقيقه يا جماعه انا زهلت
وصلهالى ل 38000 .بصراحه كنت هموت من الفرحه لانى جبت حاجه كويسه وطبعا معنى كده يعنى لسه تجيب عشان دا تاجر يعنى هيكسب منها لكن انا طبعا مش رضيت عشان مش ناوى ابيعها
يعنى من الاخر انا الحمد لله فرحان بيها اوى
العربيه سحبها ممتاز ,تكيفها اكثر من ممتاز ,بس فى مشكله واحده مع الوزن فى المطبات بتحك حكه خفيف مش عارف اعمل إيه بفكر اغير جنوط واجيبها اكبر
المهم غنها بجد ممتازه
مره تانيه متشكر موت للكل إلى هنونى ويا رب تكونوا بخير
اخوكم كيوبيد
الف مبروك ياباشا و ربنا يباركلك فيها هى العربية ده بتعمل من 32 الى 34 حسب الحالة وطبعا ماتنساش انها انجكشن انما الكاربراتير من نفس الموديل و نفس السنه بتعمل من 37 الى 39
الف مبروك يا كيوبيد واهلاً بيك فى عالم السيات
انت الظاهر كانت نيتك حلوة عشان تجيب الموديل دة بالذات و بالسعر دة
خد بالك العربية دى تعمل 38 مستريح واللى بيدور عليها ممكن يوصلها 40 كمان
بالنسبة للحكة فى المطبات :
تجنب التحميل باوزان و المطبات العالية تاخدها بالميل و براحة ...دة بيبقى المساعدين نزلو شوية من الاستعمال ..بس متقلقش بيبقى ادامهم مدة كبيرة اوى لحد ما تحتاج تغيرهم و ممكن تبتدى ب اللى ورا الاول ..ربط بس العفشة وشيك عليها
حافظ على العربية و ماتقرص عليها غير لما تعرف كل حاجة فيها عمرها اد اية .
والف مبروك وربنا يحفظك ويديلك خيرها ان شاء الله .
الأستاذ كيوبيد
عفوا ممكن تصحيح كلمة في مشاركتك الأولى
كلمة يردي تصحيحها (بما يرضي الله)
لأن الكلمة الأولى من الردى وهو الموت وهو طبعا لا ينسب لله سبحانه وتعالى
شكرا لك
ومبارك السيارة
الف مبروك يا باشا
عقبالي انا يارب لسة بدور و مش لاقي حاجة كويسة و سعرها كويس
ياريت لو حد يعرف واحدة كويسة يبقيء يبعتلي
ربنا يباركلك فيها