عرض للطباعة
السلام عليكم ورحمة الله وبراكاته
ادخل فى الموضوع عالطول
انا من سنه ركبت فلتر رياضي للعربيه النوبيرا بس وانا بفك العمه اتكسر مسكه من الاربع مسكات الي بتمسك غطا العمه بالعلبه المتثبته فا كبرت دماغي وركبت الفلتر
المهم دلوقتي عاوز اركب الفلتر بتاع العربيه الاصلي بس خايف للفلتر ياخد تراب من الحته ال موش مضغوطه كويس
هل فى حل عشان الموضوع دا ولا اغير العلبه كلها وخلاص
ممكن تعمل فتحة بسلك حديد أو مفك رفيع أوى بعد ما تسخنه فى العلبة و الغطاء من عند الكلبس المكسور و بعد كده أربط الغطاء بالعلبة باستخدام أفيز ضفيرة.أو تغير العلبة كلها ثمنها حوالى 125 جنيه بالفلتر الأصلى.
اعتقد تجيب واحدة جديدة افضل ما تلعب فيها وتطلع مش قد كدة
بس ممكن اسأل حضرتك سؤال ؟حضرتك هتشيل الفلتر الرياضى وترجع العربية زى مكانت عشان سبب سلبىمن الفلتر الرياضى ولا عادى كمان سحب العربية اختلف معاك لما حطيت الفلتر الرياضى انا بفكر اركب واحد بس خايف مش عارف لية
بالنسبه للفلتر الرياضي مفيش كلام بعد كده يعني استجابه وتسارع احسن من الفلتر الاصلي بتاع العربيه
بس دلوقتي الجو بقى حر وانا ماشي بشغل التكيف وكله دا والفلتر طبعا بياخد هوا سخن مولع من حوض الموتور فا بحس ان العربيه بتكون مخنوقه ودا طبعا بسبب الحر بس بليل الحاله الرياضيه بترجع عادي خالص
من الاخر انا احسن حاجه عملتها اني ركبت الفلتر دا والحمدلله بقالي سنه والعربيه زي الفل ساعت ما اهمسلها تتحول لطياره
الحمدلله
وطبعا الفلتر احسن من الشكمان الديفل لان الفلتر بيدي صوت تمام ولو موش عاوزه يعمل صوت يبقى متقرصشي على البنزين ونضافه ولا مشاكل ولا حاجه
انا كنت هركب الديفل بس سمعت انه بيكتم الموتور بعد فتره فالواحد المفروض يحسن فى العربيه موش يبوظ فيها
واخر حاجه لو قلبك خفيف وبتسخن عالطول بلاش تركب فلتر لانه بيشجعك انك تشد مع اي حد من اول السلحفه لحد الكائنات الفضائيه ودا عن تجربه
عموما الفلتر موش وحش وميزه كويسه بتريح الموتور بس مشكلته الهوا السخن الي بيكون فى حوض الموتور
عموما انا هشوف حد بتاع قطع غيار واجيب العلبه من عنده واهو تغير شويه بعد سنه جنان وشد على الفاضي والمليان
عموما شكري للجميع وان شاء الله هقلكم على اي تطور هعمله فى العربيه
تحياتي وربنا يبارك لينا وليكم ويحفظ الجميع من اي حاجه وحشه
يعنى انت رأيك انة فوق العربية اكتر من وضعها الاساسى بفرق ملحوظ يعنى اتكل على الله واجيب واحد بس عايز نوع محترم حضرتك كنت مركب نوع اسمة اية والفلتر الرياضى هو الفلتر الريس ولا حاجة تانية
ممك تتطول الماسورة لتنزل من فتحة الهواء لتنزل لتحت الرفرف و دى هتجيب هواء بارد
الحل:اقتباس:
المشاركة الأصلية كتبت بواسطة speed3001
http://i83.photobucket.com/albums/j3...ootech/CAI.jpg
MMamdouh
بس تفتكراوا كدة لو حصلة مياة او تراب مش هيأثر عالية
اكيد... بس ايه اللى حيجيبلة مية؟؟
MMamdouh