تعلمت السواقة جديد فماذا أشتري ؟

**alimosa2010** · 22-05-2009 03:40 PM

إلى أصحاب الخبرة الأفاضل في المنتدي
تعملت السواقة حديثاً في مركز تعليم قيادة سيارات و لم أمارس القيادة على سيارة خاصة لي و امامي عدة اختيارات :
الاختيار الأول : سيارة مستعملة في حدود 15000 جنيه للتعليم عليها والتخبط بها
والبدائل المتاحة في هذه الحالة هي : بيجو 305 أو فيات 128 أو مازدا 323
الاختيار الثاني : سيارة جديدة في حدود 50 إلى 60 ألف وسوف أشتريها بالتقسيط
والبدائل المتاحة سبارك ـ بيكانتو ـ هيونداي i10

أرجو الإفادة من الأخوة الأفاضل أصحاب الخبرة لأنى في حيرة شديدة هناك من يقول لي لا تشتري مستعمل لأنك سوف تكره نفسك .... و هناك من يقول لي لا تشتري جديد لأن خبرتك في السواقة ضعيفة و خسارة تعرض السيارة الجديدة للخبطات الناتجة عن قلة الخبرة .

فماذا أفعل .. أفيدوني من فضلكم !!

**ah-gawad** · 22-05-2009 09:26 PM

شوف يا اخي نصيحة لوجه الله اوعي تجيب اول عربية ليك زيرو لان فيه خبرات كتير لكيفية الحفاظ علي السيارة حرام جدا تتعلمها في الزيرو و نصيحة كمان حاجة مهمه جيب عربية مستعملة بافضل حالة ممكنة عل اد ميزانيتك يعني بالبلدي تجيب 127 بحالة ممتازة احسن الف مرة انك تجيب 128 بحالة نص نص عشان الاثنين بنفس الفلوس و الله الموفق

**mxz911** · 23-05-2009 01:11 AM

بص يا باشا انا هجيبلك من الاخر على حسب كلامك

انت لو عاوز مستعمله وحلوه .. يبقى مازدا 323 عربيه جميله ودريكسيون خفيف ولذيذه جدا لو العربيه حالتها كويسه ومش متهانه زى ما بيقولوا

لو جديد بقى يبقى انا مش برجح ف الفئه دى .. يعنى على المبلغ شويه بسيطه وهات لانوس .. او فيرنا .. هتبقى ب حوالى 65 اعتقد ف الرينج ده .. تريحك وموتور عالى وأوسع من اى عربيه من اللى فوق دول

ونصيحتى خليك ف المستعمل لانك لسه متعلم حديد