الجزء السابع والأخير : السفنتينا للبيع
الحمد لله لحد كدة
سوف يتم وقف سلسلة العذاب
مع السفنتينا بقرار البيع
............*
كان نفسي نكمل مع بعض أكتر من كدة
لكن دي أخدت مني مصاريف أكتر من قسط زيرو في الشهر الواحد
يعني قرار القسط كان أرحم
............*
المهم إني الحمد لله
اتعلمت السواقة عليها كويس
كسرت فوانيس بما فيه الكفاية
اتعرفت على ميكانيكا السيارات نوعا ما
اضحك عليا ... واتنصحت
وانتهى المطاف بمعرفة ناس أمناء وكويسين
إن شاء الله يكونو مساعدين ليا في أي موقف بعد كدة
............*
اتعلمت إنه متفرقش تاخد العربية من حد تعرفعه أو حد غريب
كدة كدة حتاخد نصيبك ... ونصيحتي متشتريش من حد تعرفه
عشان لو طلعت بايظة متزعلش وتشيل منه
........*
أنا مؤمنة بقضاء ربنا واشتريتها باستخارة
وكانت الامور ميسرة .. اتعرضت لكوارس معاها
بس الحمد لله قدر ولطف .. وفي النهاية
العربيات ... جديدة ... أو مستعملة ... زي البطيخة
............
أهم حاجة إني مبخلتش عليها
وصرفت عليها بذمة وضمير وغيرت فيها حاجات كتيير
عشان فلوسي إللي اتحطت فيها حلال
وفلوسي إللي عاوزاها منها لازم ترجعلي حلال
والحمد لله على كل حال
............
ورغم تعبي معاها
بس شكرا سفنتينا .. اتعلمت السواقة عليكي
علمتيني آخد بالي من صوت ماتورك
فهمت طلباتك واحتياجاتك
وصلت بيكي لبر الأمان مع ميكانيكي أمين وكهربائي كويس
ومحل قطع غيار ممتاز السعر
بعد تجربة مريرة مع مستغلين
................
مشيت وجريت بيكي ووصلت لحد 80 وأكتر برافوا عليكي
اتعلمت السواقة .. والاشارات ... واليوترنات .. والتحكم في اتجاهات السيارة
كدة أقدر أجرب أي عربية تانية تست درايف وأنا مطمنة وعندي خبرة
........*
ربنا يوفقك مع واحد يرعاك
ويوفقني مع عربية ترعاني في مشاويري الصغننة
............
http://www11.0zz0.com/2009/05/22/14/487576801.jpg
وداعاً ... سفنتينا
:B4_611: