اوكتافيا a4 مانيوال ولا رومستار اوتوماتيك ؟؟؟؟

السلام عليكم
مكنتش اتصور ان موصوع شراء عربية جديدة ممكن يكون محير لهذه الدرجة ..
المهم انا عاوز اخد رأيكم .. الافضل الاوكتافيا a4 مانيوال ب 121500
ولا رومستار اوتوماتيك ب 114000 ؟؟؟

مع العلم ان موتور الرومستار 2 كامة 105 حصان اما موتور ال a4 كامة واحدة 102 حصان
-الرومستار ممكن تكون اوسع حاجة بسيطة من ال a4
-الرومستار شكلها غريب شويه بس برده ال a4 شكلها قديم
-الرومستارالاوتوماتيك فيها esp و asr اما ال a4 فيها abs فقط
-الاتنين فيهم 1 اير باج وسماعتين ومثبت سرعة
-والمفروض على حد علمي ان الاتنين الماني وقطع الموتور كلها مكتوب عليها vw وتقفيلهم في التشيك
-الرومستار لسه عربية جديدة في السوق اما ال a4 بقالها سنين في مصر واثبتت كفاءة عالية في العالم كله مش بس مصر
-الرومستار ارخص 7 الاف جنيه .. والفتيس اوتوماتيك ... وان كان موضوع الفتيس ده ميفرقش معايا اوي
معنديش فكرة الصراحة اذا كانت الرومستار بنفس ثبات ال a4 ولا لأ .. فيا ريت لو حد جرب الاتنين يقولنا

اكيد بعد كل اللي قلته ده انتوا محتارين برده ... بس يا ريت تقولوا رأيكم خصوصا اللي استخدموا العربيتين سواء ال a4 او الرومستار

وجزاكم الله كل خير

ويا ريت كل واحد يقول رأيه .. يوضح الاسباب
الله يبارك فيكم جميعا

الرومستر طبعا !! دي عاوزة سؤال ؟
موتور أحسن
وسع أكتر
أوبشنز أعلى
شكل مش زهقنين منه
تصميم دخلي رائع
ثبات وآمان أعلى
أوتوماتيك ستيبترونيك
أرخص

أنا مش شايف حاجة واحدة الـ a4 أحسن فيها ؟ أنت بتفكر في ايه ؟ وحيران ليه ؟؟

اقتباس:

---

المشاركة الأصلية كتبت بواسطة abou_ruqi

الرومستر طبعا !! دي عاوزة سؤال ؟
موتور أحسن
وسع أكتر
أوبشنز أعلى
شكل مش زهقنين منه
تصميم دخلي رائع
ثبات وآمان أعلى
أوتوماتيك ستيبترونيك
أرخص

أنا مش شايف حاجة واحدة الـ a4 أحسن فيها ؟ أنت بتفكر في ايه ؟ وحيران ليه ؟؟

---

اشكرك على ردك جزاك الله كل خير
هي بس حتة الثبات دي انا مش متأكد منها لأن الرومستر ارتفاعها اعلى بكتير من ال a4
اللي مقلقني برده من الرومستر انها لسه جديدة ولم تثبت جدارتها زي الاوكتافيا
ومسألة قطع الغيار وسعر اعادة البيع لو اضطريت ابيعها لأي ظرف لا قدر الله ... دي تقريبا مفيش ولا عربية منها في المحافظة اللي انا فيها وكل ماخد رأي حد يقولي خليك في اللي احنا عارفينه والمضمون

بس هي فعلا افضل كتير من الa4
ربنا يوفق الى ما فيه الخير
اشكرك مرة تانية ويا ريت الناس الباقية ترد وتقولي رأيها برده

السلام عليكم
رايي الايه 4 بدون كلام .......
شكل قديم ...... و انت مالك بالناس اهم حاجه تكون مقتنع بيها
اداء تحفه
عفشه محترمه .. ناشفه سنه
تكييف رائع ... احسن من الايه 5
رومستر كويسه بس بتاكل بنزين كتير و شكلها يعني و ماحدش يعرف قطع غيارها اخبرها ايه
يعني انا كنت بفكر في رومستر لصاحبي بس كان معاه 90 و رايح يجيب النترا
قلتله لا هات رومستر ب مانيوال ب 78
بس طالما طلعت لل 120 روح عل ايه 4 احسن حاجه موجوده في مصر في حدود سعر ده
معلش ده رايي
ربنا يوفقك
سلام

محدش تاني عاوز يقول رأيه؟؟؟؟

؟؟؟؟؟؟؟؟؟؟؟؟؟؟؟؟؟؟

بص من وجهه نظري الايه 4 احسن في
الثبات و المتانه و قطع غيار منتشره
الرومستر احسن في
(رايي) الشكل من جوه و من بره
الوسع
السحب و التكيف طبعا (لانها اخف من لايه فور)
ارخص في السعر
مختلفه
وفيه كماليات اكتر

انا بفضل الرمستر لاني شايف الايه فور ملهاش زهوه كفايه ان كنبه الرومستر الي ورا ممكن تشيلها بره العربيه اساسا و تبقي عربيه نقل
اما الايه فور ضيقه من ورا و استهلاك بنزينها اعلي لانها 8 vavle

طبعا الرومستر لو هتخليها و متفكرش انك تبيعها قبل 10 سنين
اما لو من هواة التغيير كل فتره يبقا ال a4 علشان سعر اعادة البيع هيكون اعلى كتير من الرومستر
وخلى بالك العربيات دى معمره جدا جدا و مش بتبوظ بسرعه زى الكورى و الصينى

اقتباس:

---

المشاركة الأصلية كتبت بواسطة faragalla

طبعا الرومستر لو هتخليها و متفكرش انك تبيعها قبل 10 سنين
اما لو من هواة التغيير كل فتره يبقا ال a4 علشان سعر اعادة البيع هيكون اعلى كتير من الرومستر
وخلى بالك العربيات دى معمره جدا جدا و مش بتبوظ بسرعه زى الكورى و الصينى

---

اشكرك على ردك ... وجهة نظر كويسة جدا
جزاك الله كل خير
فين اراء باقي الناس في المنتدى ؟؟؟؟

رومستر, و ادخل شوف المقارن اللي في التوقيع بتاعي

اقتباس:

---

المشاركة الأصلية كتبت بواسطة eng_a_fahmy

رومستر, و ادخل شوف المقارن اللي في التوقيع بتاعي

---

اشكرك جزاك الله كل خير

اوكتافيا a4 افضل لان انتشارها كبير جدا ودى معناه سهولة اعادة البيع وتوافر قطع الغيار

i was in the tawkeel today because i wanted to buy the new fabia and i met a friend of mine working in the tawkeel..and he told me that a lot of people are complaining from the romster and they say that a lot of it's functions is not working all of a sudden...so i guess u have to go to the maintenance center and ask the people who bought this car

غريب شوية الكلام ده ... ازاي تبقى عربية من شركة كبيرة زي دي وفي امكانيات فيها مش شغالة

اقتباس:

---

المشاركة الأصلية كتبت بواسطة osamaz

i was in the tawkeel today because i wanted to buy the new fabia and i met a friend of mine working in the tawkeel..and he told me that a lot of people are complaining from the romster and they say that a lot of it's functions is not working all of a sudden...so i guess u have to go to the maintenance center and ask the people who bought this car

---

طيب ازاي نتأكد من الكلام ده, يا ريت اي حد معاه العربية دي و يا ريت لو شاريها قريب يأكد او ينفي الكلام ده؟ لانه غريب شوية

انا صحبي عامله معا 2000كيلو المانيوال اول فئه مبسوط منها جدا و الله اعلم هو مشتكاش خالص

اقتباس:

---

المشاركة الأصلية كتبت بواسطة semihuman

انا صحبي عامله معا 2000كيلو المانيوال اول فئه مبسوط منها جدا و الله اعلم هو مشتكاش خالص

---

ربنا يطمنك, يا ريت تسألوا على معاملة الناس فس الصيانة و اذا كان لا قدر الله اتعرض لانه يحتاج اي قطع غيار هل لاقاها و لا لأ

من غير تفكير طبعا ال a4 سيارة سعر إعادة البيع عالى إستهلاك البنزين 10-10 أم الرومستر جميلة ولكن لا ترتقى من حيث الثبات لل a4 أو حتى من حيث الشكل