بقه كده كيس شيبسي .... احسن حاجه فيه انه من غير دم :k31:
الواحد كان نفسه يكون معاكوا بس للاسف مشغول جداااا اليومين دول .. تتعوض بإذن الله قريباً ..
كريم منير .. أ/ جمال .. شنووووري ... أبو زيد .. خالد عادل .. الحسيني ..وكل الناس الحلوة الي اتعرفت عليهم في المقابلة الي فاتت الواحد بجد مفتقدهم .. خصوصا اني مشفتش حد من يوميها غير خالد عادل بس ..
وكان نفسي اجي عشان اتعرف على الشخصية الخدومة محمد الطويل .. بس تتعوض ان شاء الله ..
ويارب عقبال كل مقابلة سعيدة جايه .. :k32:
أعضاء المنتدى الكرام اللي حضروا المقابلة وحشتوني جدا واحد واحد والله
والأعضاء اللي محضروش لازم نشوفكم المقابلة الجاية وآسف جدا اني لسه مرفعتش الفيديو لأني حصلي ظروف قهرية والحمد لله على كل مكروه بس ان شاء الله في خلال يومين بالكتير هرفع الفيديو
وعلى فكره الفيديو مسابش حاجه يا جماعه من أول تعارف الأعضاء ثم العمل داخل المطبخ
ومش هننسى طبعا مكرونه أخونا شريف حبيب الرهيبه
وشباب دمنهور اللي قضت نص اليوم في المطبخ
والراجل العسل شنوري اللي راح اشترى الفراخ
وشيكولاته المنتدى اسلام مبروك والطحينه الرهيبة وطريقة عملها اللي اتصورت فيديو يا جميل
وكريم منير اللي قعد 5 ساعات يشوي (بس الجاكوزي ظبطلك الديسك ياباشا بعد العلقة دي )
وسلاطاتك يا أشرف فتحي :verygood:
ومحمد عبد الرحمن منظم الرحله اللي شرفت بمعرفتي بيه :satelite:
ومايكل باشا وصورة الرائعه وكمل يا مايكل الصور وليك عندي شيبسي حجم عائلي بالكباب
ومش هتكلم بقى عن مضيفنا محمد بك الطويل ومش قول اكتر اني والله والله انا مشوفتش كرم ضيافه وذوق واخلاق زي الراجل دة بجد تعبناه جدا :k32: :k32: :k32:
وآسف جدا اننا روحنا على طول وكان في دماغنا نلحق الطريق قبل الليل بس كان واجب تلفت نظرنا برضه يا كريم
وألف سلامة على عميد المنتدى أستاذ جمال وتمياتي بالصحة والعافية والجايات أكتر من الرايحات بأذن الله
شريف باشا حبيب قلبي الغالي ، يا مشبعنا ومدلعنا، محرم بيه وعمد محرم بيه
الراجل ده يا جدعان صديق سفرة ، هو الوحيد اللي صمد معايا في الاخر وفضل ياكل معايا في حين الناس كلها تقهقرت وشبعت وقامت و حلت ونزلت حمام السباحة انما انا وهو فضلنا على الجبهة بنزيح في الفراخ والمكرونة :k31::k31::k31:
والله وانت كمان واحشنى يا هاني جدا
ومابرضاش اقولك عشان ببقى عارف انك مشغول خاصة يوم الجمعة
وده اللي حصل وانا جاي اليكس
http://nilemotors.net/Nile/showthread.php?t=76960
بجد الواحد فرحان جدا باليوم الرائع ده .......... والف سلامه لاستاذ/ جمال وربنا يديلو الصحه والعافيه ونظبتلنا المقابله الجايه
لاء شغال يا مايكل
جرب ده كدة
http://nilemotors.net/Nile/showpost....86&postcount=1
بص يا باشا انا لقيت اسم التوبيك فى المنتدى العام وفتح معايا عادي
لكن لما بدوس على اللينك اللى انت حاطه بيوجهنى للصفحه الاولى ويطلعنى من السيشن ويغير شكل الثيم بتاع المنتدى للشكل الجديد ويطلع الرساله المعتاده:
رسالة المنتدى أنت لم تسجل الدخول بعد أو أنك لا تملك صلاحية لدخول لهذه الصفحة. هذا قد يكون عائداً لأحد هذه الأسباب:
- أن غير مسجل للدخول. إملاء الاستمارة أدنى هذه الصفحة وحاول مرة أخرى.
- قد لا يكون لديك إمتيازات كافية لدخول هذه الصفحة. هل تحاول تحرير مشاركة شخص آخر,دخول ميزات إدارية أو نظام متميز آخر؟
- إذا كنت تحاول كتابة مشاركة, فربما قام المدير العام بحظر حسابك , أو أن حسابك لم يفعل بعد.
لكن انا وصلتله خلاص
الف شكر
أحم أحم بلاش كلام فى السياسه
اللة يخليك يا مايكل باشا وان شاء الله المرة الجاية متعوضة بس انا كمان مكنش ينفع اسيب العربية لوحدها انت عارف الصنايعية لازم تقف معاهم عموما خيرها فى غيرها واللى جى احسن ان شاء الله من اللى راح .
وزى مقولت المرة الجية انا اول واحد .
ان شاء الله تكتب هكذا
وليس انشاء
واسم الجلاله يكتب بالهاء وليس بالتاء
الله
وليس اللة
الادارة 1
السلام عليكم.....
حبايب قلبى ...وحشتونى جميعا ...فرد ..فرد !!!
اللى سعدت بلقائهم فى المقابله واللى مقدروش ييجوا برضه ...!!
أ جمال ...الف سلامه عليك يا عميد نايل موتورز...يارب دايما أتم صحه وأحسن حال ..!!!
أحمد بيك أبو زيد ...وحشتنا...وإفتقدناك وإفتقدنا الفسفور ومنتظرين مقابلتك وقت ما تقدر...!!
محمد بيك الطويل...حضرتك أكبر من أى كلام أقدر أقوله...مش هقولك غير ربنا يجازيك خير...فعلا حضرتك مثال للكرم والذوق والاخلاق العاليه ومنتظرك تنورنى أى يوم وهحاول أقلدك لكن مش هوفيك حقك فى كرم الضيافه وتحياتى للجندى المجهول أحمد بك اللى كان زى المكوك ومقعدش ثانيه واحده ربنا يجازيه خير.!!!
محمد بيك الشنورى....يابو حميد انت ملكش حل...شويه جدعنه على خفه دم على رجوله طلع منها محمد شنورى...منتظرنكم فى القاهره.
محمد بيك عبد الرحمن ...ربنا يحفظك يا محمد ويجازيك على تعبك فى التنظيم والترتيب للمقابله..بس إسمحلى انت جبت غلاسه دى منين ؟!!!...انت أبعد ما تكون عن هذه الصفه وانا شخصيا سعدت بالتواجد معاك فى مكان واحد ..
كريم بك منير....كل ما أقعد معاك أكتر يا كريم كل ما حبى ليك فى الله يكتر...إنت فعلا مثال للأدب والتواضع والروح الجميله..فى ثوانى الواحد يحس انه قاعد مع أخوه...!!
مايكل بك ساهر...النسمه الجميله والضحكه الصافيه بتاعه المقابله...!!...أشكرك على الصور الجميله وذوقك العالى يا مايكل..!!!
إسلام بك ..ملك الطحينه...وأستاذ ورئيس قسم إعداد الشيشه!!
إستمتعت جدا بطوله بالك على شنورى...ربنا يقويك عليه..!!!
أحمد بك عبد العزيز ...أخلاق وهدوء وعقل وكرم وخفه دم.
محمد بك أبو رقيه...حضرتك بالذات حسستنى بالذنب لانى كنت متوقع حد تانى خالص...لكن لاقيت قدامى حد جميل قوى وزى العسل ..الواحد يحب يسمعه ويقعد معاه ..سامحنى وربنا يديم عليك فضله وشكرا على هديتك ..كل ما همسكه هفتكرك..ويمكن أدعيلك..يللا إنشللا محد حوش..!!
شريف بك حبيب..الراجل ده إتظلم يا جماعه ..9 سنين فى الغربه بيخدم نفسه بس ولما ييجى مصر بلده يخدم عشرين واحد..بس بجد مكرونه تحفه..تسلم إيدك ..ومنتظرينك فى القاهره عشان نقعد معاك أكتر من كده..
شباب دمنهور....
أحمد بك ومحمد بك ومحمد بيك
أيه الاخلاق دى ...مش ممكن؟....يا جدعان دا محمد ومحمد قعدوا فى المطبخ ومع البصل أكتر ما قعدوا مع الناس...
شباب القاهره
خالد طلعت ومحمد مصطفى ومحمد صلاح أحلى صحبه فى أحلى سفريه لأحلى مقابله..
أحمد بك عبد المقصود ...نورتنا وشرفنا حضور حضرتك...
يا جماعه لو نسيت حد يسامحنى..!!!
اليوم كان أكتر من رأئع ...الصحبه ولا أروع..الاكل زى الفل..المكان ..جميل جدا ربنا يبارك لصاحبه فيه ويسامحنا على كركبه المكان...
يا سلام لو كنا نتقابل كل أسبوع ولا حتى كل شهر..عمرى ما هزهق..!!
فعلا انتم طمنتونى إن لسه فى ناس محترمه..إن لسه فى خير فى البلد دى...وكل ما هقابل حد مش عاجبنى أخلاقه أو تصرفاته هستحضر صوره حد فيكم فى خيالى عشان أأكد لنفسى أنه زى ما فى حد وحش وأخلاقه ........ برضه فيه شباب نايل موتورز...
كفايه بقى لحسن عينيا دمعت.....
أشرف باشا مساء الخيرات وكيف أحوالك وأخبار الجاكوزى معاك أيه عمل واجب فى اليوم ده معاك كويس ولا لأ أظن أنت بعد حبه الجاكوزى دول نمت وانت مروح صح مساء الفل على أحلى رجاله كانت موجوده راجل راجل وسلا م خاص للناس الى أستقبلونى أحسن أستقبال بعد ما كنت متوقع منهم أنى مرجعش بيتى تانى الشنورى باشا تصدق فعلا أنى كنت متخيلك ظابط أو وكيل نيابه محمد بيك عبد الرحمن مساء العسل والروقان عربيتك الى هى بنت عم عربيتى أيه
وحاجه بقى غريبه جدا أنا مش عارف ليه كده حبيتك فى الله ياكريم كده من غير أى حاجه (تقريبا دا هو الحب من أول نظره ) نننننننننننننيييييييييييي يييهههههههههههههههههههههه هههههه
يا باشا الصور جاهزه من وقتها بس مستنين محمد عبد الرحمن يعملنا توبيك كويس
وعموما خد دول تصبيره كده
http://www7.0zz0.com/2009/05/26/06/856941020.jpg
http://www7.0zz0.com/2009/05/26/06/140333022.jpg
يا باشا كلك ذوق صدقني وماتتصورش انا بكون فرهان قد ايه لما بتيجي المقابله وبتجيب معاك خالد كمان وكل بتوع القاهره
http://www10.0zz0.com/2009/05/26/06/788461010.jpg
نشوفكم قريبا انشاء الله
طبعا و بلا شك مقابلة ناجحة مثل كل مقابلات الاسكندرانية
اخباركوا ايه يارجاله انا بسلم على كل واحد كان معانا سلام غالى
بجد الواحد مش عارف يقول ايه على اليوم الجميل ده الى كان فى حاجات لسه الواحد بيفتكرها
اليوم كله زكريات جميله
اتمنى ان نلتقى دائما على خير
والى مجاش المره دى يعمل حسابه المره الجايه
[gdwl]
[blur1]ملحوظة [/blur1]
التغطيه دى هى الى مصبره الواحد على محمد عبد الرحمن اتاخرت يامحمد ليه فين التغطيه الى كنت بتقول عليها
[/gdwl]
يارب بس يكون بخير أصلو مختفى أختفاء غريب شويه
أزيك شريف باشا وحشتنى المكرونه بتاعتك جدا كان تجامده بصراحه
أشرف حبيب قلبى أخبارك
خالد الجميل عايز رقم تليفونك
موبينيلو وينك
مايكل الجميل وصفتك هايله
محمد عبد الرحمن الجدعنه
شنورى خفه الدم كلها
أحمد بيك الشعله المضيئه
محمد الطويل أبو الكرم كله
أخمد عبد العزيز الهدوء كله
كريم باشا دا حبيبى فالله من غير أى حاجه كده هو كده فى أشخاص تلاقى نفسك بتحبهم لله فى لله
أحمد أوكا بظبطلك بيعه لعربيتك
أبو رقيه أجمل حاجه المصحف الى أديتهولى بعد ما كنت بتقلى متجيش أسكندريه خالص
أسلام أبراهيم سماره حبيب قلبى صباح خفه الدم والروح الجميله
ولو نسيت حد ما يزعلش منى أصل انا مصاب بالزهيمر بصراحه
لأ ياباشه انا معايا فديو للموضوع ده وأنا الى مصوره بنفسى بس مش عارف ارفعه أزاى بصراحه
محمد عبد الرحمن كنت بكلمه من شويه وقلى بالحرف ان عنده :shyy:ظروف ومشغول شويه ويقدم اعتذاره لكل الناس الى فى المقابله وانشالله يظهر تانى ويعملنا الموضوع كامل
على فكره هو عمل الموضوع وظبطه تانى يوم بس فى مشكله انو مش عارف يرفع الصور كلها
الصور موجوده معايا كلها الى عايزها يقولى وممكن اعملهم على سى دى او فلاشه ونتفق على مكان وممكن كمان توصيل الطلبات للمنازل
وتحت امركم ياشباب
ومستنين كمان محمد يخلص الموضوع :verygood:
ياجماعة انا بجد اسسف ع التاخير .. بس انا والله عملت الموضوع وخلصته ولما جيت انزله حصلت شوية مشاكل كده في ان المشاركة مينفعش تقبل اكتر من 10 صور وبعدها الموضوع اتمسح مني وانا للاسف مكنتش عامل نسخة احتياطية وطبعا اتدايقت جدا لاني والله كنت ظبطته وكان كله تمام ... وانا بعتذرلكم بجد وانا اسف لاني كمان بعدها حصلت عندي شوية ظروف وربنا يسهل ان شاء الله وفي اقرب وقت يكون موضوع كامل مفصل عن المقابلة .. وانا دلوقتي عملت موضوع مصغر .. انا عارف انه ميلقش بيكم بس اعذروني
http://www.nilemotors.net/Nile/showthread.php?t=77155
ولا يهمك يا محمد بيك عبد الرحمن و احنا فى انتظارك و ربنا يوفقك باذن الله و يقدرك على تخطى ظروف حضرتك بكل سلام