طلب لصديق..هايشتغل سائق لرجل اعمال شهير..

**i_Am_Legend** · 22-05-2009 09:43 PM

واحد صاحبى هايشتغل سائق لرجل اعمال .......هو مالوش فى الموضوع دة قوى بس دة اللى لقاه
حاليا......هو بيسوق عربيتة 128 وهو اصلا محاسب .....وسنة 24 سنة فهو معظم شغلة هايبقى سفر مع الراجل ........هو مش حافظ طرق قوى......ومش متعود على العربيات الحديثة.....احتمال يركب مرسيدس موديل السنة دى واوتوماتيك......يعنى فرق كبير بين ال128 بتاعتة والمرسيدس.......وهو قلقان جدااااااا ياريت يا جماعة كل واحد يقول خلاصة خبرتة لانة قلقان انة يغلط والراجل معاه......

**SeiffoZ** · 22-05-2009 11:02 PM

المشاركة الأصلية كتبت بواسطة i_am_legend

واحد صاحبى هايشتغل سائق لرجل اعمال .......هو مالوش فى الموضوع دة قوى بس دة اللى لقاه
حاليا......هو بيسوق عربيتة 128 وهو اصلا محاسب .....وسنة 24 سنة فهو معظم شغلة هايبقى سفر مع الراجل ........هو مش حافظ طرق قوى......ومش متعود على العربيات الحديثة.....احتمال يركب مرسيدس موديل السنة دى واوتوماتيك......يعنى فرق كبير بين ال128 بتاعتة والمرسيدس.......وهو قلقان جدااااااا ياريت يا جماعة كل واحد يقول خلاصة خبرتة لانة قلقان انة يغلط والراجل معاه......:_alshmokh22[1]:

حاجة بسيطة جدا ...
صديقك هيتعود على الموضوع ده بسهولة ... لكذا سبب ..

1- أولا هيبدأ يبطل يروح جيم عشان يقوى عضلاته من أجل التعامل مع الدريكسيون و الفتيس الخاص بال 128..
فى المرسيدس إختراع إسمه باور سيترنج كهرباء .. و طبعا هيوفر فى الميزانية ..

2- هيبدأ يعرف يعنى إيه ثبات و إتزان ... المرسيدس عندها ثبات ..

3- هيبدأ يتعرف على حاجة إسمها الفرامل و دى هتوقف العربية علطول ... فى ال128 أكيد ماكنش عنده الإختراع ده ...

4- هيبدأ يفهم مفهوم التكييف و الجو الجميل ...

5- هيبدأ يدوس بنزين و العربية تمشى بدل موضوع تغيير النقلة إللى كان بيستلزم مهارات خاصة فى ال128 ..
6- رفاهية القيادة ...

حاجاااات كتيييير!!! يا راجل ده هيتعود عليها هوا .. لأن هو إتنقل من المستحيل للسهل ...

و ربنا يوفقه

**نور العمر** · 22-05-2009 11:10 PM

أنا طبعا معنديش أي فكرة أفيدك بيها

بس اسمع إن إللي ساق مانيوال ... سهل يسوق أوتوماتيك .. بس هو ياخد بالو ويمشي على الهادي في الأول ... وإللي معاه مش حيعترضوا ... عشان أكيد حيكون خايفين على العربية

المهم ...سيبك من كل ده

ده شاب 100100 برافو عليه ... أنا اتقدم إليه بكل تشجيع وتقدير .. برافو عليه .. إنسان عملي .. خالي ون الكلاكيع والعقد

وربنا حيوفقوا وينجح ويعلا مع رجل الاعمال هذا ... إن شاء الله

**fady.bekatcho** · 22-05-2009 11:14 PM

طبعا متهيالى الاحسن لة

ان يشوف واحد صحبة عنده عربية اتوماتيك يخرج ماعة مرتين يظبط على العربية ويا سلام على عربية حديثة علشان يتعود على دوسة الفرامل بتاعتها لانها طبعا مختلفة نهائى عن ال128

وربنا معاة ويوفقة يا رب

**member** · 22-05-2009 11:18 PM

أنا رأيي يستلف أو حتى يأجر أي عربية أوتوماتيك موديل السنة دي ويلف بيها على قد ما يقدر عشان يتعود على الأوتوماتيك وحساسية الموديلات الحديثة لأن فرق كبير جدا الصراحة

**Abo.Omar** · 22-05-2009 11:31 PM

+1111111111

**PoweRPassioN** · 22-05-2009 11:40 PM

لو يقدر يروح مرسيدس يعمل تست درايف للعربيه ويسيب البايع يشرح له كل حاجه
يبقى كده هو جاهز
وبالتوفيق بإذن الله

**fady.bekatcho** · 22-05-2009 11:51 PM

المشاركة الأصلية كتبت بواسطة s m a r t m a n

لو يقدر يروح مرسيدس يعمل تست درايف للعربيه ويسيب البايع يشرح له كل حاجه
يبقى كده هو جاهز
وبالتوفيق بإذن الله

+11111111111111111

**badblood** · 23-05-2009 12:25 AM

بأختصار شديد التركيز

**نور القمر** · 23-05-2009 12:51 AM

بالنسبة للطرق في كتب للخرائط مفيدة جدا
لما يكون في مشوار جديد عليه ياخد فكرة من الخريطه
زوجي ديما يستخدم كتاب الخرائط بينفعه كتير لما يكون رايح منطقة مش عارفها

اما بقه تغيير العربية فميش شك ان التغيير للافضل واي حد محتاج مشوار واحد علشان رجله تبدأ تاخد على العربية الجديدة

الموضوع: طلب لصديق..هايشتغل سائق لرجل اعمال شهير..

LinkBack

أدوات الموضوع

عرض

طلب لصديق..هايشتغل سائق لرجل اعمال شهير.. - انشر الموضوع فى :

-

-

-

-

-

-

المواضيع المتشابهه

فديو تحفة لرجل مرور فى نيجيريا جااااااامد

مطلوب مهندسين اعمال حديديه وعمال حديد (حدادين) لمصنع اعمال حديديه جمالونات-تنكات-

عاجل .........عملية نصب داخل معرض سيارات شهير

الكلمات الدلالية لهذا الموضوع

المفضلات

المفضلات

ضوابط المشاركة