السيده دي تستحق الاحترام - سيدة التمبرا
http://img223.imageshack.us/img223/2...2zno5ftfe3.gif سيدة التمبرا . صحيت النهارده بدري علي غير العاده وفوجئت بالجو الصعب... رحت السوبر ماركت اجيب كنز ولا اي حاجه ساقعه تطري الجو شويه... السوبر ماركت مش بعيد. بتاع 50 متر من الشغل فوجئت بعربيه فيات تمبرا لوحات القاهره (غريبه عن المنصوره ) وسيده عندها بتاع 45 سنه فاتحه كبوت العربيه... اقتربت منها وانا متردد في عرض المساعده... قلت بيني وبين نفسي روح السوبر ماركت وخللي عينك عليها وانت راجع... لو حسيت الموضوع عويص ابقي اعرض عليها المساعده. والمفاجأه عندما اقتربت منها. لاقيتها ماسكه منديل ومطلعه مقاس الزيت. مسحته وركبته تاني ثانيتين وبعدين طلعته تقيس الزيت... كملت طريقي للسوبر ماركت وقلت كده حاجه من اتنين... 1- يإما العربيه عطلانه وهي شافت حد قاس الزيت قدامها وبتعمل زيه علي اعتبار ان العربيه كده حتدور.. (ملاكي القاهره - عربيه راكنه وكبوت مرفوع ) 2- الست دي فاهمه هي بتعمل ايه... وصلت السوبر ماركت وتبادلت الحوار مع البائع وعيني تتابع السيده من بعيد... وكان هذا المشهد. دورت العربيه وبعدين نزلت. فتحت قربة الميه وزودت ميه. فتحت قربة الباكم بصت فيها وبعدين قفلتها. فتحت الشنطه وطلعت زعافه صغيره ومسحت التراب اللي علي العربيه... عقبال ما العربيه تسخن. وانا باتفرج علي المشهد ده افتكرت نور ومشوارها مع السفتيينا. بجد سيدة التمبرا. السيده دي تستحق الاحترام. ومش بعيد لو قابلتها تاني الاقيها بتغيير زيت ولا بتلجلش علي الفرامل. وقال ايه انا اللي كنت عاوز اساعدها.