انا خلاص هتجنن ومش عارف اعمل ايه

**samirayad** · 23-05-2009 07:02 PM

المشاركة الأصلية كتبت بواسطة waleedraafat

والله يا باشمهندس انا اتمني ان الموضوع يكون مشكلة حساس فقط بس الفكرة ان النقر ده بيحصل والعربية في السلانسية وبعد ما امشي بيها شوية حلوين الصوت بيختفي تماما وعموما انا هجرب موضوع الاسكانر ده اهو يشيك علي العربية كلها مع ملاحظة انه مش بيحصل مع كل مرة ادور فيها العربية وهيا باردة ده بيحصل مرة ومرتين لأ

ياعنى الدق ده فى البدايه وبيستمر ثوانى قليله وبعد كده بيروح وأنت واقف لما المكنه تبدأ تشد حيلها مثلا ......................يعنى صورلنا الوضع بالضبط لأنها بتفرق برضه

**kareembelal** · 23-05-2009 07:51 PM

الدايو 2008 صوتها عالي وخشن اكتر من موديل 99 اضعاف

ما فيش مقارنه اصلا لدرجة انه لو واحد اعمي سمع الاتنين هايقولك علي موديل 99 انها الزيرو

وعموما انا عندي لانوس وكان صوتها عالي جدا وبعد 5000 كيلو بدأت تهدي شويه مع وجود خشونه ملحوظه في صوت الموتور

مع وجود بعض العيوب الللي مش دايما موجوده مثل التزييق داخل صالون العربيه مجهول المصدر واللخبطه في الموتور والبرجله في الصباح اول الدواره ومش كل يوم مع عيوب الفرامل عالي وواطي عند الضغط عليها

وعيوب الزوايا اللي مش بتتظبط

يبدو ان موديل 2008 مصاب بانفلونزا الاعطال لانه مصري وعموما بتوع التوكيل عملاء لا يهمهم مصلحة صاحب العربيه

فهي في المقام الاخير

**bishoy02010** · 23-05-2009 09:45 PM

انا مقدر بصراحة احساس حضرتك انك جايب عربية زيرووو وحاصل فيها كده بس الناس اللى فى التوكيل دول سورى ناس ............* وانا لو مكانك هطلع على التوكيل وهدخل العربية وهقول على كل العيوب اللى فيها واهم حاجة تصور الورق بالعيوب اللى طلبت انها تتصلح وتصور الفاتورة ولو العربية طلعت مش مظبوطة وفيها الهواااا اسمع كلامى وجرب الموضوع ده مش هتخسر حاجة بس هتكسب انشاءالله عليك بعديها على حماية المستهلك واسأل مجرب :) ديه عالم تخاف متختشيش وياسلام لو معاك فواتير او اى حاجة تثبت انك روحت قبل كده عشان عيوب ولسة العيوب ديه موجودة والعربية 14 الف ياسلام هيعملوا احلى شغل

**zocor742** · 23-05-2009 10:11 PM

ربنا يطمنك ياباشا وان شاء اللة خير

ما هو الى خلانى اجيب دايو اوروبى السبب دة اهمال العمال فى التقفيل النهائى والتوكيل الى عندهم برود اعصاب متناهى انا جربت الرخامة بتاعتهم مع عربيت خالى وكأنك شارى مثلا عربية هيونداى ورايح تعمل صيانة فى دايو ربنا يهديهم ويرحموا الناس الى دافعة دم قلبهم فى العربيات دى عشان قرف المواصلات والزحمة مش الوقوف طوابير التوكيل المقرف الى بقى مش مهتم حاليا غير للشيفورلية

**waleedraafat** · 23-05-2009 10:46 PM

المشكلة مش في اني اتخانق واطلع علي جهاز حماية المستهلك وخلافه دا مش هيحل المشكلة الاساسية الي هي ان ممكن تكون العربية معيوبة ومنتجة من خامات رديئة الهدف منها انها تعدي بالكاد فترة الضمان (زي المنتجات الصيني مثلا)والموضوع اني فاقد الثقة في العربية بمعني لو صلحوا العيب ده دلوقت ايه الي ممكن يطمني ان بعد 60 الف كيلو المحرك ما يفوتش مثلا او يتشرخ او تجيلة اي نصيبة من اي حته تانية انا مش عارفها ولاق نفسي خسرت فلوسي

الاهم في الموضوع هو فقدان الثقة يعني انت مثلا لو معاك 128 كل شوية بتعمل مشاكل وبدون مبررات وبرغم انفاقك الغالي والرخيص عليها هتفضل فيات وممكن تغدر بيك تفتكر هتقدر مثلا تتجرأ وتاخد عيلتك وتسافر علي طريق صحراوي 500 كم ، استحالة انت متوقع الغدر في اي لحظة

انا دلوقت متوقع ان السيارة كل ما يحصل فيها حاجة هاخد مسكنات لحد الضمان ما ينتهي ، وبعد كده ممكن البس في الحيط دا غير اني مابقتش متوقع ان العربية الزيرو الجديدة ممكن مع الحفاظ والعناية استمتع بيها لسنين طويلة زي ما كنت مخطط لها

يعني زي الي نايم في سرير واحد مع واحد ناوي يغزه في اي لحظة ويسرق محفظته، تفتكر هيجي له نوم

**waleedraafat** · 23-05-2009 11:03 PM

عموما النقر ده بيحصل بصورة متكررة علي فترات عند بداية دوارة السيارة ومش بيروح الا مع المشي بالسيارة لفترة واول مرة حصل معا كان في التوكيل وتغامز ساعتها الميكانيكي في التوكيل مع زميله المهندس وقعد يزود بنزين بصورة عالية حتي اختفي الصوت ودا الي بيحصل معايا بانفض لصوت التكتكة ومع المشي بيروح

**samirayad** · 23-05-2009 11:10 PM

طيب ماهو كده يا استاذ / وليد عالى حسب كلامك الأخير يبقى العيب فى طلمبة الزيت ( ضعيفه شويه ).....وده ممكن يكون عيب صناعه

**waleedraafat** · 23-05-2009 11:19 PM

عموما انا رايح صيانة 15 الف الاسبوع الجاي واتمني من الله ان الموضوع يطلع بسيط ويكون طلمبة الزيت مثلا ودي حاجة ما تخوفش علي ما اظن

**waleedraafat** · 23-05-2009 11:21 PM

طيب للاسفسار ، عيب البلوف بيفضل مستمر طالما المحرك شغال ولا بيختفي مع سير السيارة زي ما بيحصل معايا

**otefa** · 23-05-2009 11:26 PM

المشاركة الأصلية كتبت بواسطة otefa

هقولك ياباشا علي طريفة بلدي تقربك من الحل
هاتجيب مفك طويل وتحط بوزه علي غطي التاكيهات كل مرة علي بستن والناحية الئانية البلاستيك عند الاذن وتشوف التكتكة جية من سلندر واحد ولا اكثر بس طبعا خلي بالك علي نفسك من الجزاء المتحركة

حاول تشوف الموضوع ده او لو مش عايز خلي اي ميكانيكي تعرفه يشوف المشكلة دي جاية من كل التاكيهات ولا من بعضهم
ليه ! علشان لو من كلهم يبقي 90% المشكلة ضغط الزيت لو من بعضهم هتبقي قصة تانية