-
طقطقة و انا بلف شمال
فيه يا جماعة حاجة محيراني في سيارتي لانوس 1 و هو وجود صوت طقطقة لما بلف شمال بس لازم اكون كاسر الدركسيون علي الاخر و برضه الموضوع ده مش بيتكرر علي طول ساعات اه و ساعات لا هل ده دليل علي قرب نهاية عمر الكوبلن و لو كان كده هو الكوبلن لازم يتغيروا الاثنين مع بعض و لا اللي تالف فقط و حاجة اخيرة لو حد يعرف انواع الكبالن الجيدة و اسعارها بالنسبة للانوس يا ريت يفيدني و لكم الشكر
-
الطقطقة دى معناها ان الكبالن انتهت و عاوزة تتغير وخلى بالك متسبهاش كتير عشان خطر
-
-
واضح من كلمة انها مش دايما بتحصل ان برده ممكن تكون حاجة تانية مش كوبلن
يعني لو الدركسيون عندك مش مظبوط و فيه لفة اكبر من لفة و اوقات الجنط بيخبط في المقص و العادي انه يكون في حتة رصاصة داخلية
تحك و تعمل صوت خبطة او طقة و ممكن تكون فيه حتة فبرة من الكرتيرة بتاعت العجلة بتحك في العجلة
طيب علشان نحدد كوبلن ولا لا نعمل ايه
حضرتك تجي في حتة فاضية و تلف الدركسيون على الاخر و تنزل تبص هل الجنط قريب او من المقص ولا لا
او برده في حتة فاضية تلف الدركسيون على الاخر و تمشي بالعربية و تسمع صوت الطقة طقة الكوبلن منتظمة و الوقت بين الطقة و الطقة قصير
اما لو المشكلة من احتكاك الجنط بتجد ان الوقت بين الطقة و الطقة طويل و بين الطقة و الطقة صوت احتكاك
طيب لو طلعوا كبالن المفروض يتغيروا اتنين مع بعض وممكن تحتفظ بالسليم علشان لو اتكرر نفس الموضوع بعد فترة تركبة مكان البايز
-
اعتقد ان دى الاسكتره بتاعه اباور واعتقد ان اللانوس ممكن الاسكتره تتحشى وفيه واحد اعرف انه كوس وهو مش واحد بس دول تلاته متخصصين جمب سينما راديون الى وسط البلد ناحيه كشرى ابوطارق
-
لا ده مش عيب اسكاترا خالص
-
يا ريت صاحب الموضوع يقولنا عمل ايه
Content Relevant URLs by
vBSEO 3.6.0 PL2