الموضوع: المساعدة للتحويل من فودافون لا تصالات ؟

المشاركة الأصلية كتبت بواسطة أحمد كمال

ال 75 جندي بيروحوا للحكومة ...... نياه نياه نياه نياه نياه نياه نياه نياه

كمان !!؟؟

لأ انا شكلي كدا هجيب رقم اتصالات جديد و خلاص ... و هحتفظ بالرقم الفودافون بس هخليه محروق من غير لازمة استقبال بس.... سامعين يا فودافون ؟؟؟

المشاركة الأصلية كتبت بواسطة hussein

دا حقيقى وانا متفق معاك تماما ودا من اسباب انى كنت عايز احول من موبينيل بعد 10 سنين اشتراك


دا بقى انا مش متفق معاك خالص
انا عندى خطين فودافون و موبينيل و فودفون على الطريق فيها مشاكل كتير و فيها نقط كتير بيتقطع فيها الشبكة تماما لمسافة حوالى 300 م كدا و النقط دى كتير خد عندك مثلا
1- امام صقر قريش على اوتوستراد المعادى
2- مطلع المقطم من المعادى
3- قبل مدخل التجمع من ناحيةالمعادى
دول امثلة بس للنقط الكتير جدا على الطرق اللى فودافون فيها واقعة
لكن خدمة عملا ومراعاه للعميل فودفون شركة مالهاش منافس وفعلا محترفين

تقريبا دي بتبقى لما تكون سايق و تتنقل من مجال سويتش لمجال سويتش تاني (انترفيرنس)

ازود لك حتة بقى تقاطع مصطفى النحاس مع حسن مأمون (شارع النادي الاهلي - الحي الثامن) لو بتتكلم على فودافون و انت سايق حايقطع منك في الحتة دي و لازم تتصل تاني

اكيد برضة موبينيل و اتصالات بتقابلك فيها حتت مافيهاش شبكة او بتقطع

بس فودافون اقل و الشبكه بتدي سيجنال اقوي في معظم الاماكن اللي باتواجد فيها

انا في البيت عندي فودافون فول سيجنال في كل البيت

موبينيل و اتصالات حتت و حتت و توصل شرطتين او تقطع و ترجع تاني

و اتصالات تتصل ما تجمعش من اول مرة

على فكرة معروف ان اتصالات عندهم اللعب في الفواتير على ودنة بالذات في الخدمات و الاضافات زي الدولي و الفيديو كول
تقريبا مقتنعين ان الناس النضيفة قوي اللي بتتكلم دولي او فيديو كول او انترنت مش حايراجعوا وراهم و يتكلموا في مبالغ "تافهه"

شوف توقيع استاذ كريم منير مدير عام المنتدى

اتصالات محاسباة فوق ال 600 جنية فيديو كول على خط الانترنت بتاعه (اللي في اليو اس بي مودم) ههههههههه

وواحد صاحبي كان بيغالطوة في مدد الدولي و سعرالدقيقة و اخر ما قرف منهم رمى الخط برضة

المشاركة الأصلية كتبت بواسطة أحمد كمال

لا حول و لا قوة الا بالله ..... !!!
يعني حضرتك عاوز تقول ان الشركة مقعدة ناس شغلتها تفبرك لحضرتك مكالمات؟؟؟؟؟
و ده يبقى ال Position بتاعه ايه؟ حرامي و حرامي أول و تيم ليدر حرامية ؟
و "معروف" دي معناها ايه بالظبط؟

لا اله الا الله محمد رسول الله
انا ماقلتش بيفبركوا مكالمات او مقعدين حد يفبرك مكالمات انا قلت مامعناة ان الخدمات الاضافية بيضيفوا فيها مبالغ بطريقة عشوائية

معروف يعني ناس كتير من اللي معاهم اتصالات اشتكوا نفس الشكوي و انا اعرف كذا حد قال نفس الكلام مش جايبة من دماغي

موضوع كريم منير ده غلطة عادية جدا و بتحصل في اي شركة و اي شبكة

و على فكرة ..... كريم ما عندوش و لا فيديو كول واحدة عالفاتورة و انا راجعت فاتورته معاه .... الغلطة غلطة تانية خالص


و الله كريم هوة اللي كاتب الكلام دة في توقيعه و ماجبتش الكلام من دماغي

فودافون كانت بتحاسبني اما باكلم TE Data على اني باكلم كندا و اما اكلم HSBC اني باكلم الاسكا و الدقيقة بخمسة جنيه ..... .

تي داتا في كندا و البنك في الاسكا !!!!!!!!!!!!

كل الشركات فيها لجان لمراجعة الفواتير قبل الاصدار بس بيراجعوا عينات عشوائية و لو فيه مشكلة الدنيا بتتقلب ما بتقعدش و بتتصلح المشكلة قبل ما العميل يحس بيها ..... بس احيانا بتحصل اخطاء .... كريم حصلت معاه غلطة و عملنا شكوى و الفاتورة هتتصلح قبل ميعاد دفعها و الموضوع انتهى .......

بس مستحيل ان الموضوع يبقى مقصود ..... مفيش حاجة اسمها كده أصلا ..... و اللي قال لحضرتك كده بيشتغلك و بيضحك عليك ........
دة على اساس يعني اني قروي ساذج اهبل جاي من الارياف واول مرة اشوف موبايل!!!

بص اقرب حد صاحبي من ايام الطفوله هو اللي لقى الدقايق الدولي عندة فيها هسس و حسابات خاطئة و كلمهم و الردود كلها غير مقنعه ومش فاكر تفاصيل بس اللي فاكرة انة اتعصب جدا و قاللي دة نصب علني و لغى الخط, و على فكرة خدمه العملاء في اتصالات "بيئة" في الاسلوب و الطريقة

انا لا شغال في فودافون و لا لية مصلحه انا معايا فودافون من اول ما ابتدوا و مر عليا خطوط موبينيل و اتصالات كتير لفترات لكن الثابت هو الفودافون لانة ببساطه أفضلهم



واضح ان حضرتك شغال في اتصالات و مش حاتقتنع الا بإن اتصالات دول ملايكة و فودافون دول ابالسة