ماتور العربية سبب بعادي كل الفترة دي

**Thaer** · 23-05-2009 03:32 PM

يا جماعة العربية بحاجة لتجديد الترخيص! معرفش حضراتكم بتسموه ايه؟ اللي هو استمارة العربية يعني

المهم الترخيص ده بيلزمه فحص فني للعربية، و اخوكم رحت جاري لدائرة السير و انا متطمن انه اموري حتكون حلاوة بالعسل.
لكن قالوللي انه في دخان و روح اعمله! و بدأت دوخة الميكانيكية و الصنايعية و المفتين العامين و الخصوصي!
المهم آخر واحد قاللي انه في جلود للصبابات " اظن انه اسمهم بساتن عندكم" و عايزيين يتغيروا و الكلام دة يلكلف تقريبا 200 دولار!

معرفش الكلام ده صحيح ولا لا، لكن الاعراض هي: اول التشغيل ما فيش دخنة، لكن بعد التشغيل ب 10 دقائق يظهر دخان ابيض خفيف و لما ادوس جامد على البنزين بيطلع دخنة سودة!! اعمل ايع بالمصيبة السودة دي؟؟؟

و دمتم

**samirayad** · 23-05-2009 03:44 PM

طيب قولنا على موقف البيانات الموضحه فوق فى الموضوع المثبت....علشان نفكر كويس فى سبب الدخنه

**abzoabzo** · 23-05-2009 03:53 PM

بيتهيالى العربية ده عايزة عامرة موتور

**Thaer** · 23-05-2009 04:03 PM

المشاركة الأصلية كتبت بواسطة samirayad

طيب قولنا على موقف البيانات الموضحه فوق فى الموضوع المثبت....علشان نفكر كويس فى سبب الدخنه

انا اسف يا استاذ سمير بس مفهمتش ايه يعني "طيب قولنا على موقف البيانات الموضحه فوق فى الموضوع المثبت"
لكن انا ممكن اضيف و اقول انه فتحة الشكمان فيها آثار ترسبات زيت، مع اني براجع على الزبت كل فترة و فترة و بلاقي انه مش بينقص.

مش عارف هل الكلام ده كافي لحضرتك. طبعا بالنسبة لسحب الماتور و قوته انا شايف كويس و انا من النوع اللي ما بيشدش على العربية بالعكس آآآآخر دلال عبد العزيز.

**samirayad** · 23-05-2009 04:18 PM

انا اسف يا استاذ سمير بس مفهمتش ايه يعني "طيب قولنا على موقف البيانات الموضحه فوق فى الموضوع المثبت"

ياباشا ولايهمك : فيه فوق فى المواضيع المثبته أعلى القسم البيانات المطلوبه وقت تشخيص عيب بالمكنه..............

لكن انا ممكن اضيف و اقول انه فتحة الشكمان فيها آثار ترسبات زيت،

طالما من عند الشكمان فيه زيت ....يبقى الزيت بينقص .....وده ممكن يكون سببه كاوتش (جلد الصباب) أو المكنه بتفوت من عند الشنابر .....وده ممكن تعرفه بأختبار خروج البخار اللى رايح من الكرتير لخرطوم الهواء ( وده بنسميه خط الفائظ )....لأنه بيهوى عن كرتير المحرك

و انا من النوع اللي ما بيشدش على العربية بالعكس آآآآخر دلال عبد العزيز.

هههههههههه ياعم خليك فى حالك ( أنت فى أيه ولا أيه )......وبعدين الأردن مليانه برضه ممثلات ....ههههههههههه.....وفى الغالب حيكون فعلا جلد الصباب هو السبب ( طالما مابتشدش زى مابتقول )

**MMamdouh** · 23-05-2009 04:40 PM

غالبا عربيتك عايزة طقم كاوتش صباب

MMamdouh

**samirayad** · 23-05-2009 04:45 PM

لا حتة أن موتور الأفيو يركب على العربيه دى أنا معرفش فيها وأكيد مستشارنا هو اللى حيفيدنا فى النقطه دى.....

**Thaer** · 23-05-2009 04:47 PM

متشكر يا عم، كلك زوق و الله، على العموم ده اللي أجمع عليه الاخوة هنا و الصنايعية اللي شفتهم...
طبعا و كلامك انت و سمير أكد لي الموضوع.
شكرا كتير لحضراتكم

**samirayad** · 23-05-2009 04:51 PM

هو كاوتش الصباب مش مستحق أنك تغير الموتور علشانه .....دا أنت حطلع رأس السلندر وكل حاجه فى مكانها ......وأعمل روديه بالمره ونضف مجارى التبريد......وخلصت ( مع تغيير الجوانات طبعا ...رأس سلندر وغطاء تاكيهات )