سؤال محيرني

**eculine** · 23-05-2009 07:01 PM

لي إستفسار مهم إزاي أعرف إن البطاريه مش نافعه و لازم تتغير و لا هي سليمه و دي إشتغاله من الكهربائي حيث أنني لسه شاري العربيه من حوالي هر و لسه مغير سير دينامو و سير تقسيمه و بوجيهات و أبلاتين و كوندينسر بس العربيه ساعات متدورش إلا بعد زقه صغيره و بعد ما أسخن و أمشي بيها مشوار طويل تبقي كويسه و تدور بعد كده تمام , المهم رحت تاني للكهربائي ٌقال البطاريه فيها ربع و لازم تتغير

فهل أجد لديكم تفسير لهذه المشكله و إجابه علما بأن ملك السياره السابق يؤكد أن البطاريه لسه راكبه من حوالي 6 شهور و هي للعلم بطاريه نسر سائله .

و جزاكم الله خير الجزاء و آسف علي الإطاله

**samirayad** · 23-05-2009 09:27 PM

هى عامة البطاريه بتتقاس ويتعرف حالتها مع القياس (سواء الفولت أو الأمبير ).......وممكن يكون اللى عندك ضعف فى المارش مثلا.........عموما جرب تروح لكهربائى تانى يطمنك على البطاريه وكثافتها والشحن بتاعها ............طالما شاكك فى الكهربائى الحالى

**Sharaf2009** · 23-05-2009 10:04 PM

انا عايز اعلق على جملة "البطاريه فيها ربع" يعنى ايه ربع؟ وازاى نعرف؟ وهل يمكن اصلاحه؟

عامة البطارية اللى بتركب فى السياره (الـ 12 فولت) بتحتوى على 6 خلايا cells . جهد كل خليه (اللى بيسموها ربع) فى حالة الشحن الكامل= 2.13 فولت ويعتمد جهد الخليه على كثافة المحلول فى حالة الشحن الكامل = 1.29 جرامـ/سم مكعب.

ويمكن اختبار مستوى الشحن لكل خليه على حده اما بقياس الجهد لكل خليه باستخدام فولتاميتر شوكه او عن طريق قياس كثافة المحلول فى كل خليه باستخدام الهيدروميتر (ودى الطريقه الاسهل) ومقارنة كثافة المحلول لكل خلايا البطاريه وحساب الفرق بين القيمه العظمى والصغرى. وده اختبار سهل جدا وننتيجته كويسه وبتوضع اذا كان البطاربه فيها ربع ولا لأ.

على حد علمى ان فى ورش بتغير الربع فى البطاريه خاصة اذا كانت من الانواع اللى زى نسر

ومن رسالتك ...انا عندى امل ان البطاريه دى ممكن تشتغل معاك ...لانك قولت ...لما بتمشى بالعربيه مشوار كبير ...البطاريه بتدور معاك كويس

راجع مستوى المحلول لكل خليه على حده...ممكن الكهربائى يغير الميه ويشحنها اكتر من مره لغايه ما تقبل شحن تانى....حاجات كتير ممكن تتعمل..طبعا موضوع البطاريه ده كبير وفى تفاصيل كتيره