سلام عليكم
انا بشوف مواضيع كتير فى المنتدي عن ناس بتغير حاجات كتير فى العربيه بس مش ببقى عارف الموديل
يعنى مثلا الواحد لو جاب لانوس زيرو يبتدي يصرف عليها بعد كام سنه ما عدا طبعا الزيت والبنزين والكلام ده
ملوحظه لو كان استعمال متوسط يعنى فى العادي كويس وساعات شد على خفيف بس فى اهتمام
:b4_592: حد فاهم حاجه
5 سنوات على الاقل لو المتوسط 10 الاف كيلو فى السنة
أنت وأستخدامك..........
+1اقتباس:
المشاركة الأصلية كتبت بواسطة astsaae
كل عربيه وليها ظروفها وملابساتها
وفيه ظروف كتير بتتحكم في العمر الافتراضي للقطع المكونة للسيارة
ومنها طريقة الاستعمال والمكان وطريقة الصيانة والعناية بالسيارة
دا اذا استبعدنا الزيوت والفلاتر والسيور والبوجيهات
وممكن عربية زيرو ونلاقي فيها مشاكل بعد شهر
وممكن بعد 4 سنوات حسب الظروف والحظوظ
اعتقد مش قبل 50 الف كم ،، لما تبتدي تعمل شغل في العفشة ( و مبدئيا هتغير كاوتش بعد 50 الف )
و مش قبل 150 الف كم لما يكون فيه شغل في مجموعة نقل الحركة
و مش قبل 250 الف كم عشان تفتح حاجة في الموتور
ده من قراءاتي لبعض الأعمار الافتراضية للسيارات الحديثة من توصيات المصنعين انفسهم
و طبعا ده علي الاستخدام المتوسط يعني ممكن الأعمار دي تكون أكثر من كده بكتير و غير طبعا عيوب الصناعة
و ممكن تكون اول عشرتلاف كم ،،
حسب الاستخدام و الصيانة الدورية السليمة
و ممكن الخبرا هنا يفيدوك بالاعمار الافتراضية لمكونات السيارة
و الله اعلم ،،
ممم تمام كويس حتي لو 3 سنيين برضو معقول على اساس انها كوري تقفيل مصري
الف شكر يا شباب معلش تاعبكم كل شوية
مهو الاول نقول تعريف كلمة "مشاكل" عشان نبقى فاهمين احنى بنتكلم على ايه؟؟
يعنى مثلا لما عربيتك تبقى عاملة 100 الف و خلالهم تكون مغير طلمبة مية و قربة مية و طقم طنابير و اويلسيل سكترة و طقم مساعدين... هل دى تدخل تحد بند المشاكل اللى تقصدة؟؟
ولا قصدك المشاكل انك تحتاج تعمر الموتور او تغير الفتيس او تلحم الشاسية و كدة؟؟
MMamdouh
اقتباس:
المشاركة الأصلية كتبت بواسطة mmamdouh
حضرتك هو قصده تقريبا (و ده سؤالى بردوا) هفضل أد إيه متهنى بيها و هى زيرو و أبدأ أعملها صيانة ...
بخلاف السيور و الفلاتر و الزيت و البوجيهات...
لما تفتح بقها ...
أصل أنا نفسى لما أشترى عربية تعد فترة طويلة ماحطش إيدى فيها على الأقل 7 سنين !
كل واحد واستخدامة وصيانتة طبعا
لو انا راكب bmw واستعمالى قاسى ووحش ومن غير صيانة اكيد حيبان فيها بسرعة
عموما الانوس عربية زى الفل
ده قصدياقتباس:
المشاركة الأصلية كتبت بواسطة Relentless_mayhem
مغير طلمبة مية و قربة مية و طقم طنابير و اويلسيل سكترة و طقم مساعدين.اقتباس:
المشاركة الأصلية كتبت بواسطة MMamdouh
ده قصدي برضو
:satelite:
طلمبة ميه متغيرة عند 80 الف كاجراء وقائى مش اكتر مع تغيير سير الكاتينة التانى لتوفير المصنعيات (عربيتى عاملة 91 الف بالطلمبة الاصلية لحد دلوقتى بدون مشاكل)اقتباس:
المشاركة الأصلية كتبت بواسطة badrawy
قربة المية ب 60 جنية و تغييرها بياخد 10 دقايق... و فى استخدام 10 سنوات مش وحش انك تغير مكون مصنع من البلاستيك بيتعرض لاجهاد حرارى مستمر
طقم الطنابير انا غيرتة عند 60 الف ثم طقم تانى عند 125 الف... انا بحمل على الفرامل جامد و مش اى حد معاه عربية حيستهلك الفرامل زى كدة... طقم الطنابير ب 200 جنية و تغييرة بياخد 20 دقيقة
اويل سيل السكترة ملوش معيار فى الاستخدام... الاويل سيل شخصيا ب 5 جنية لكن تغييرة مقرف جدا و بياخد وقت و بيكلف فلوس... و اعتقد هو اكتر حاجة مقرفة فى كا ما ذكرت
طقم المساعدين متغير عند 77 الف كيلو (سبع سنوات)... و اتغير عشان انا حسيت ان الثبات فى العربية بقى مش قد كدة... مكنش فيه مساعدين ضاربة زيت او كدة
نسيت اقول ان فى ال10 سنولت دول انا غيرت الماسورة السوستة و علبتين الشكمان نتيجة التاكل بسبب الصداء (متغيروش مرة واحدة)
MMamdouh
خسارة كنت فاكر إن ممكن حد مايفتحش كبوت العربية لمدة 5 سنين ..اقتباس:
المشاركة الأصلية كتبت بواسطة mmamdouh
بس سؤال يعنى إيه أويل سيل السكترة؟؟؟
الف شكر على المعلومات والاهتمام بجد :k32:
يا بدراوى دماغك بقى انت معاك نوبيرا مالك ومال الالانوس خليك فى الغاز
نوبيرا ايه ؟ انا معيش نوبيرا :N_no[1]:اقتباس:
المشاركة الأصلية كتبت بواسطة yah
وبعدين غاز ايه لول
انا معايا 128 وتريوس :shyy:
حكاية ال5 سنين وال 7 سنين انا شايف انها كتيرة شوية
وبعدين مفيش حاجة اسمها مش هافتح الكبوت لمده خمس سنين
دي مكنه ماشية علي الارض ولازم تتصين صح علشان متعملهاش معاك
اخدم عربيتك تخدمك
وزي ما قال عمنا محمد ممدوح القصة قصة ايه تعريف المشكله وحسب الاستخدام
مثلا عن تجربة شخصية
العربية معاياي من 11/2006 كنت جايبها زيرو لانوس هاق
النهاردة بعد سنتين ونص عامل بيها 91000
لاني بسافر يومي من العاشر للزقازيق والعكس
الحمد لله العربية معملتش معايا مشاكل غير حاجات بسيطة
1- طبعا الصيانات الدورية دي اساسي وزي ما بيقول الكتاب بعد 10 الاف كيلو غيرت سير التكييف والبليه بس البلية غيرتها في الضمان
2- غيرت كاوتش بعد 70 الف كيلو (انا عارف انه كتير بس الظروف)
3- دراع النور غيرته مرتين ساح مني مرة مش عارف ليه وجبت واحد بس اتضحك عليا فيه وطلع مش اصلي وشيع بعد فترة بسيطة وجبت واحد اصلي ورحت مركب كتاوت ومقوي النور
الفانوس الاماي اتكر نتيجة خبطة بسيطة وجبت واحد تايواني وكذللك الفانوس الخلفي شمال وركبت تايواني ولونه اجري رحت مفيم الاتنين
4- تغيير تيل فرامل 3 مرات علي 30 الف
تغيير الطنابر علي 80 الف
5- كابلات بوجيهات علي 88 الف
6- تغيير اويل سيل الموبينة
اعتقد ان الحاجات دي في عربية عامله 90 الف مش كتير
ولا ايه راي الخبرا بتوعنا
الحمد لله العفشة سليمة مغيرتش فيها مسمار
مع ملاحظة ان 80 % من مشاويوي علي الطوالي مش داخل المدينة
دوارة العربي للان كويسة مش بتغيب
استهلاك البنزين جوة وبرة المدينة حوالي 255 للصفيحة
وربنا يخلي لنا لانوس حبيبة قلبي
ممكن فى حالة من اتنين... اما متستعملش العربية خالص... و اما تهمل جميع انواع الصيانات (لاحظ ان اغلى و افخم و احسن عربيت فى الدنيا لازم يتعمل ليها صيانة)اقتباس:
المشاركة الأصلية كتبت بواسطة Relentless_mayhem
الاويل سيل دة بيبقى عازل بيمنع تسرب السوائل من حوالين عمود بيلف... و السكترة بيبقى خارج منها عامود واصل للدركسيون... الاويل سيل بيمنع تسرب زيت الباور من حوالين العامود دةاقتباس:
بس سؤال يعنى إيه أويل سيل السكترة؟؟؟
MMamdouh
انا رأى الشخصى لو عايز ما تفتحش الكبوت لمدة 4 سنين عليك و على اليابانى. انا كان معايا لانسر 97 و كنت كل شويه افتح الكبوت و اشيك على كل حاجه و كأنها 128 و بعد كام شهر عرفت ان مفيش حاجه بتقل و بطلت افتحه الا لعمل الصيانات الدوريه المتابعده. دلوقتى معايا لانوس حديثه و الوضع مختلف خالص
مممم يعنى اللانسر الكريستاله احسن من اللانوس موديلات 2006 -- 2008 ؟؟اقتباس:
المشاركة الأصلية كتبت بواسطة Egy_fan
طيب ايه المشاكل او الوضع المختلف فى اللانوس :shyy:
طول ما فى صيانة دورية
وعناية ومحافظة على العربية
وكمان صيانة وقائية ونضافة
وطريقة سواقة عادية
كلة فى التمام
والله اللانوس زي الفل و بترضي بقليله يا دوب البنزين و الزيت و السيور و الالتزام بمتطلبات الصيانة الدورية هتفضل ان شاء الله متهني معاها علي طول