الموضوع: يا فورداوية : الفورد كا و الفورد فيستا الجداد وصلوا المينا

محدش عايز يقول حاجة يعنى ...
طب دى صور للميعرفهومش

الفورد كا




و الفورد فيستا

يا ترى الفيستا هتنزل بكام على قد ايه كماليات؟ انا شوفتها في توب جير عملولها شـــو جامد محصلش

انا شوفت الشو دة برده ,, انا حسيت انها احسن عربية فى العالم :)
و بالنسبة للاسعار انا نفسى بس حد كون يعرف يوصل لحاجة فى التوكيل

ألف مبروك لكل الفرداوية على الأخبار الجميله ده
و فعلا الواحد كان نفسة يشوف العربيات ده فى مصر
بس يا ترى الأسعار بقى هاتبقى إزاى
انا أتمنى إن سعرها يبقى معقول شوية

و انا بعتقد إن سعرها هايبقى فى حدود من 90 إلى 100

أعتقد ان الفيستا لن تقل عن 100 الف جم

الكورولا على msn cars بتبتدى من 15000 دولار و الفيستا من 9000 دولار او اقل شوية
فعلى ما اعتقد انها هتبتدى من 95 او 100 و الهاى لاين بتاعها كان ب14000 دولار يعنى ممكن تبقا ب120000 ,, طبعا دى ارقام انا بعتقدها مش اكتر
و ياريت تقولوا رأيكم

الجين 2 بتتباع فى إنجلترا ب 9630 جنية إسترلينى و فى مصر بتتباع دلوقتى ب 85000 جنية و أقل من كدة جمان واحد صحبى جابها ب 82000 جنية من عز العرب مباشرة
و الفيستا هناك بتبدى من 9950 جنية يعنى المفروض تبقى بدايتها فى نفس سعر الجين 2 تقريبا مش أكتر من كدة

بس ده المفروض لكن مش عارفين فكرى هاينزلها بكام
انا بتمنى بس إن سعرها يكون فى الحدود ده عشان تنتشر لأنها تستحق
الخوف بقى لينزل العربية الفورد كا زى سعر الفيات 500 ساعتها يبقى ننسى الإنتشار و نفضل فى نفس الدايرة
عربيات تستحق لكن مش منتشرة بسبب الوكيل

عامة الفورد كا مابنية على نفس شاسيه الفيات 500 و فى نفس المصنع فى بولندا ,, بس ماينفعش تنزل بسعر عالى كدة لانها بتنافس الi10 و البيكانتو
و يا سلام لو الفيستا تنزل بالسعر دة ,, هتعمل ضجة جامدة اوييييييي ,, لأن الفيستا نازلة عشان تنافس الفابيا و الابيزا و البولو و الكورسا الجديدة ( ال يا رب تنزل فى المعرض )و السوزوكى سويفت