مش باقي مني غير شوية لحم في كتافي
بلاش يتحرقوا في قَطر الصعيد في العيد
بلاش لكلب الصيد تناوليهم
خدي الباقي من الأمل فيهم
وابني لي من عظمهم في كل حارة مقام
وزوريني مرة وحيدة لو كل ألفين عام
ألم الجراح يتلم
ومش باقي من غير شوية دم
متلوثين بالهم
مريين وفيهم سم
ومش باقي مني غير شوية دم
مقدرش اسقيقي مواجعهم
وبرضو مقدرش ارميكي وأبيعهم
يمكن في مرة تطلبيني شهيد
هحتاج يوميها الدم ... هحتاج يوميها الدم
يمضي على شهادتي.
المفضلات