الرابط دة ممكن يفيدك
http://www.nilemotors.net/Nile/showthread.php?t=60519
رقم العضوية : 40494
تاريخ التسجيل : 17May2009
المشاركات : 2,106
النوع : ذكر
الاقامة : EL Haram
السيارة: Tempra 1.6 SX 99 سابقا
السيارة[2]: Mitsubishi lancer GL 98
دراجة بخارية: مفيش
الحالة :
السلام عليكم
يا جماعة ده اول موضوع ليا في المنتدي ده و بصراحة عجبني جدا و استفدت منه قوي
انا لسه مبتدئ و ماليش اي خبرة خالص بالعربيات
المهم مش هاطول عليكوا
انا ناوي ان شاء الله اجيب عربية مستعملة و استقريت علي التمبرا بمشورة بعض الناس بعد مقارنتها بما يعادل نفس ثمنها من باقي العربيات زي الهيونداي اكسيل مثلا
المهم انا معايا حولي 31000 بالظبط
هل السعر ده بقي يجيب عربيه حالتها كويسة و بالتكييف ؟؟ انا بقول حالتها كويسة بس .. يعني مش عربية مش عاوزة مصاريف .. انا بعدين هابقي اصرف عليها بس هو 31000 اللي املكة دلوقتي
و ياريت كمان لو تقولولي ايه عيوبها و ايه مميزاتها
انا بتوقع ان المنتدي ده الاقي فيه كل الاجابات خصوصا ان جربت كام منتدي كده بيقولو انهم من اكبر المنتديات و طلعوا فشنك .. بس بعد ما دخلت هنا توسمت خير في المنتدي ده
اسف علي الاطالة
رقم العضوية : 20571
تاريخ التسجيل : 29Sep2008
المشاركات : 690
النوع : ذكر
الاقامة : cairo
السيارة: BMW 316 E90
السيارة[2]: octavia
دراجة بخارية: no
الحالة :
ما اعظم ان تكون غائبا حاضرا علي ان تكون حاضرا غائبا
رقم العضوية : 29936
تاريخ التسجيل : 13Jan2009
المشاركات : 425
النوع : ذكر
الاقامة : في قلوب الناس
السيارة: فيات تمبرا
السيارة[2]: -----------
الحالة :
أهلا بالاخ بونانزا
أختيار موفق يا اخ بونانزا سواء في المنتدى او العربية , أنا لسه شاري تمبرا من حوالي شهرين و نصف و أخيرا بعد شهرين أتوضبت و بقت ميه ميه .
أنا اشتريتها موديل 98 ب 36.5 الف جنيه ووضبتها بحوالي 1500 جنيه كمان عبارة عن الآتي : 800 جنيه سمكرة و رش لبعض الاجزاء + 500 خرطوم ضغط الزيت العالي لطلمبة الباور + 100 جنيه لحام رادياتير + 100 جنيه شحن تكييف .
التمبرا عيني عليها باردة عربية زي الفل و ناعمة و انسيابية و صالونها و شنطتها واسعة جدا و كفاية انها فيات .
قطع غيارها مماثلة لقطع غيار الريجاتا و ال 131 و بنفس الثمن تقريبا يعني المساعدين و الكبالن ثمنهم زي أي عربية
فيات أخرى و لكن أغلى حاجة في قطع غيار التمبرا هي علبة الركسيون و مستلزماتها سواء طلمبة الباور أو خراطيم
الضغط التي تنقل الزيت من طلمبة الباور الى علبة الدركسيون خاصة خرطوم الضغط العالي و أيضا مستلزمات التكييف .
أنا بعد ما اشتريت العربية أكتشفت نقص بزيت الباور و لما كشفت على خرطوم الضغط العالي لقيته بيسرب لانه كان فابريكا و بقاله 11 سنة , طبعا تخيلت انه سيكون ب 50 أو 100 جنيه بالكثير و لكن للأسف لقيته أصلي ب 450 جنيه بالتمام و الكمال .
لكن فيما عدا هذا , فلتر الزيت ب 15 جنيه , جوز تيل الفرامل الامامي ب 60 جنيه و سألت عن جوز المساعدين الامامي و الخلفي و البارات لقيتهم في المعقول بنفس ثمن ال 125 و ال 131 و الريجاتا .
نيجي للاهم و هو السعر أنا بعد بحث حوالي 3 شهور أستطيع ان أقول لك أن متوسط سعر التمبرا الكويسة المكيفة
فول ابشن سواء المصري أو الايطالي هو من 35 الى 40 الف و لو نزل السعر عن 35 الف يبقى غالبا العربية فيها شغل كثير .
ممكن تجيب تمبرا ب 28 أو 30 الف و لكنها غالبا بتكون فاضية بدون كماليات و غالبا بتكون 1400 سي سي موديل 1990 أو 1991 لكن 1600 سي سي كاملة مانيوال و بحالة جيدة لن تقل عن 35 الف جنيه .
أنا كان نفسي الاسعار تنزل عن كده و اشتري أحسن حاجة في التمبرا بأقل من 35 الف جنيه لكن الاسعار مانزلتش لهذا المستوى .
العام الماضي في أوائل 2008 كانت التمبرا النظيفة بتتباع من 42 الى 46 الف و السنة دي مع الركود نزل متوسطها
الى من 35 و حتى 40 و كنت بأتعشم أقل من كده لكن ( حتى الآن ) لم يحدث .
لو عايز رأيي هي عربية ممتازة و سابقة زمنها يعني بعد توضيبها ما تفرقهاش عن العربيات الزيرو و هي برقبة الهيونداي و البروتون و الاسبرانزا و كافة العربيات الاسيوية الغريبة التي بدأت تهل علينا .
عموما راقع المواقع الآتية و ستجد فيهم تشكيلة من العربيات التمبرا المستعملة
www.carmisr.com
www.contactcars.com
www.masrawy.com
www.ewaseet.com
رقم العضوية : 40494
تاريخ التسجيل : 17May2009
المشاركات : 2,106
النوع : ذكر
الاقامة : EL Haram
السيارة: Tempra 1.6 SX 99 سابقا
السيارة[2]: Mitsubishi lancer GL 98
دراجة بخارية: مفيش
الحالة :
شكرا ليك علي الرد اكيد الموضوع ده انا استفدت منه جزاك الله خير
الف الف شكر يا استاذ عبد المسيح علي الرد الوافي ده بجد انت جاوبت علي كل استفساراتي عن العربية و حببتني فيها فعلا اكتر ... انا مش فهم ليه بقي الناس بتجري علي الكوري و هو بنفس تمن العربية المحترمة دي .. ما علينا لولا اختلاف الازواق لبارت السلع
المهم بقي انا بردو كل اللي معايا هايكون 31000 بالظبط و انا مش عاوز العربية فول اوبشن كاملة انا كل اللي طالبة انها تكون بتكييف شغال و باور ، معرفش ده بقي بيتطلب ان العربية تبقي فول اوبشانز ولا لأ .. اعذرني لقلة خبرتي ، كمان انا عاوزها اي موديل يعني ممكن موديل 90 حتي ... ولا انت تنصحني بموديل معين ؟؟
و الف شكر ليك مرة تانية ... فعلا المنتدي ماخيبش ظني و فعلا اعضائة ناس محترمين زي حضرتك
رقم العضوية : 29936
تاريخ التسجيل : 13Jan2009
المشاركات : 425
النوع : ذكر
الاقامة : في قلوب الناس
السيارة: فيات تمبرا
السيارة[2]: -----------
الحالة :
[OVERLINE]أهلا يا أخ بونانزا
فعلا مقولة حق : لولا أختلاف الاذواق لبارت السلع و لكن للأسف عندنا في مصر سياسة التقليد أو سياسة القطيع
و التجار عارفينها يعني تطلع اشاعة ان بضاعة معينة هايلة , تلاقي الكل بيجري عليها و قد لا تكون بالكفاءة المطلوبة
حاليا كل الناس تقوللك جيب كوري الهيونداي دلوقتي متوافر زي فيات زمان و هذا كلام نصفه صح
الكوري فعلا منتشر و متوافر لكنه ليس مثل الفيات , ببساطة شديدة جدا شوف حالة 132 أو 125 أو 131 أو حتى 127
أيطالي منذ السبعينيات و قارنها بحالة هيونداي اكسيل من التسعينيات و شوف الفارق .
هل تعتقد مثلا أن موديلات هيونداي أو كيا ستظل تسير في شوارعنا المليئة بالمطبات 35 و 40 سنة زي الفيات ؟؟؟؟؟
اترك لك الاجابة .
أنا برضه مش خبير في العربيات عموما لكن بعد بحث و قراءة عن التمبرا ثلاثة شهور و بعد قراءة كتالوج التمبرا المثبت في منتدانا أقدر أقوللك أن موديلات التمبرا 90 و 91 و 92 كانت بتنزل فاضية يعني لا تكييف و لاباور و أن كان دركسيونها ناعم و لكن من 93 و حتى 96 في الايطالي و من 97 الى 2000 في التجميع المصري كانت بتنزل بتكييف و باور .
عموما ربنا يوفقك في واحدة سعرها كويس و في حاليا أثنان معروضان في موقع carmisr بمتوسط سعر مقارب لامكانياتك , راجع الرابط التالي :
http://carmisr.com/start.php?menue=d...View_Car=77198
هذه السيارة موديل 1993 ايطالي و 1600 و فيها تكييف و باور و سنتر و معروضة على 33 و مع الفصال ممكن تخلص على 30 أو 31 و أنت و شطارتك .
و دي كمان نفس المواصفات و لكن ب 28 فقط و ربما تكون حالتها مش كويسة
http://carmisr.com/start.php?menue=d...View_Car=74549
و هذا الرابط أيضا :
http://carmisr.com/start.php?menue=d...View_Car=75883
و هذه السيارة من الموديلات القديمة شوية مو 91 و هي 1500 سي سي و لكنها فاضية بدون كماليات و معروضة على 29 و مع الفصال ممكن تقل عن كده .
بس نصيحة لازم تفحص العربية كويس جدا و ربنا يوفقك [/OVERLINE]
رقم العضوية : 25216
تاريخ التسجيل : 15Nov2008
المشاركات : 14,019
النوع : ذكر
الاقامة : Haram & My mobile phone
السيارة: New Accent 08
السيارة[2]: Picanto 09
دراجة بخارية: no
الحالة :
ليا صديق عايز يبيعها ابعتلى على الخاص لو عايز رقمه
A.Saad
رقم العضوية : 40494
تاريخ التسجيل : 17May2009
المشاركات : 2,106
النوع : ذكر
الاقامة : EL Haram
السيارة: Tempra 1.6 SX 99 سابقا
السيارة[2]: Mitsubishi lancer GL 98
دراجة بخارية: مفيش
الحالة :
المفضلات