مافيش غير حل من الاتنين
1 * البيع
2 * جنوط مقاس 16 كاوتش 225/55 والعربيه هاتكون فى قمة ثباتها بس سرعتها هاتقل لان الجنوط هاتكون اتقل والكاوتش بالبلدى كده هايكلبش فى الارض
عرض للطباعة
مافيش غير حل من الاتنين
1 * البيع
2 * جنوط مقاس 16 كاوتش 225/55 والعربيه هاتكون فى قمة ثباتها بس سرعتها هاتقل لان الجنوط هاتكون اتقل والكاوتش بالبلدى كده هايكلبش فى الارض
مقاس الكاوتش على 55 ده هايخلى العربيه واطيه مش عاليه بس عيبه انك لازم تتعامل مع المطبات بحذر علشان الجنط مايتأثرش
طيب الكاوتش يكون نوعه ايه الافضل ؟
هوا دا الكاوتش اللي راكب في النيفا مش كده ؟
تحياتي
بُص يا سيدي الفاضل
العربية دي ...... أخت الدايهاتسو التريوس القديمة
معرفش بقى أن كان الصينيين سارقين التصميم أو أشتروه . مش قصتنا .
و لو عملت أيه العربية عمرها ما هاتتعدل .
العربية دي مش للجري ........مش للجري خالص خصوصا في الملفات .
أتقلبت 3 مرات بواحد صاحبي ( بس الدايهاتسو الياباني ) .
بس هو غبي ....... كل مرة يتقلب ........ و مفيش فايدة .......رجله تقيله على البنزين .
و في الأخر باعها .......
العربية كنزة و مش عريضة ........ و عالية ........ و مش متصممة للجري و لا الملفات .
فنصيحة ......... وفر أي فلوس هاتحطها في العربية ...... و أستحملها على كدا . أو بيعها لواحد غاوي 4x4 لأستخدام الصحراء مش الطرق المسفلتة
ده عيب تصميم خطير و ملوش حل . ( عيب من دايهاتسو ) علشان الصين معملوش حاجة غير أنهم نسخوا التصميم القديم .
بالنسبه للكاوتش انا ارشح كومهو كورى والجنوط اندونيسى
هيا اصلا الشركة اللي كانت بتعمل هيكل التريوس القديمة و لما وقف انتاجها اخذوا الحق من تويوتا مالكه دايهاتسو
المهم انا فعلا مش باقي عليها يعني ممكن ابيعها بس الخسارة بتكون كبيرة لانها موديل 2008:_Alshmokh11:
طيب سؤال ليه مش ممكن توطي او لما اجيب كاوتش عريض زي محمد عزت لما قال ميكونش الثبات معقول ؟
احترامي يا استاذ توت :satelite:
أولا تحياتي و أنا فعلا زعلان لحضرتك علشان موضوع الثبات و الملفات .
أنا بقولك ليه ما تصرفش على العربية علشان مش هايجيب فايدة ؟؟
علشان توفر فلوسك ......... و علشان فعلا أنه مش هايطلع فايدة
العربية قاعدة عجلاتها ضيقة ...... و بالتالي دي ملهاش حل .
العربية عالية جدا عن الأرض ...... و دي ممكن حل بتوطية السوست و كاوتش عريض زي ما الأستاذ محمد عزت قال .
بس هاتوطي السوست أد أيه ؟؟؟ أقصد هاتقدر توطي السوست أد أيه ؟؟
في النهاية النتيجة اللي هاتطلع من التعديلات دي ما تساويش 10 % من اللي هايتصرف عليها .
يبقى بجد حرام تصرف أي فلوس على حاجة مش هاتديك اللي أنت عاوزه .
العربية شكلها حلو و شكلها عائلي و عالية مش بتحك في أي مطبات ........ حاول تبص لنص الكوب المليان .
و بالتالي مش عربية جري ........ بل عربية أستمتاع و تحميل للأسرة ........ و سوق على مهلك سوق خلي الدنيا تروق على رأي شادية الله يمسيها بالخير و يغفر لها و لنا .
يبقى أستحملها على عيوبها ........ و شوف مميزاتها و ركز مع المميزات ....... و ربنا يباركلك فيها إن شاء الله .
بالنسبة للعربية عايزك تحذر
السرعات العالية ...... و الأنعطاف المفاجئ ....... و الملفات .
و ربنا يستر طريقك .
فى حاجات مش فاكر اسمها اية بتركب ورا العجلة وبعد كدة تركب العجلة فوقيها وبتخلى العجلة بارزة خارج العربية شوية
دى بيستعملوها لما تركب جنوط وتلاقيها بتحك فى العفشة فبيركبوها علشان يبعدو الكاوتش شوية برا العربية
إسأل عليها واتأكد
دى لو استخدمتها هتعرض معاك شوية قاعدة العجلات و ممكن مع الكاوتش العريض تدى معاك ثبات افضل
واكيد برضو لو وطيت العربية شوية هتفرق اكتر واكتر
عموما جربها كدة الأول مش هتكلفك وشوف موضوع توطية العربية شوية كدة