:36_7_4[1]:
يوم الجمعه قرأت فى ملحق سيارات الاهرام مقال شدنى عنوانه جدا وهو تغيير مفتاح سيارتك لمفتاح مشفر
طبعا ذهلت وقلت دا يبقى روعه لو عرفت ازاى وفين ااقله الواحد يتمنظر حبه بالمفتاح المشفر ده
المهم قرات المقال شرح كيفيه عمل المفتاح وايه اللى بيحصل لما المفتاح بيعمل والطراز الاحدث من المفاتيح المشفره اللى بتغيير شفرتها فى كل مره العربيه تدور وانا قاعد اقول خلاص هنوصل للخلاصه علشان اغير الى مفتاح مشفر لحد نهايه المقال لقيت سطرين خلاصتهم ان المفتاح المشفر ودائرته حاجه معقده ومحتاجه للناس سوبر تخصص علشان تركبه وانه مش موجود فى البلد :ma(30)::_Alshmokh11:
ادى المقال عنوان يشد وخلاص لااستفدت شئ ولا عرفت حاجه عن التغيير اسلوب سخيف لشد الناس لشراء المجله ولا الجريده علشان موضوع مش موجود اصلا
ولو بايدى لحاسبت الناس دى بتهمه النصب والاحتيال
المقال ده لفت نظرى الى المجلات والجرائد اللى مفروض انها متخصصه فى السيارات لفت نظرى الى ان كل المجلات والجرائد دى مش بتتكلم عنى ولا عنا ولا عن عربيتنا 75% من صفحتها اعلانات عن موديلات جديده والباقى عن سيارات لا هنقدر نشتريه ولا حتى نشوفها ولا هتنزل مصر من اساسه
الله طيب واحنا وعربيتنا مين يقولنا بكل حياد عيوب ومميزات كل عربيه مين يعلمنا حاجات عن الصيانه عن الاسلوب المهنى فى القياده وحاجات كتير
تفتكروا ممكن فى يوم نلاقى حاجه كده ولا اتكتب علينا المجلات والجرايد اللى بتقبض من الوكلاء وخلاص
بجد ماعنديش امل نهائى :beatdeadhorse5: