منظف الرشاشات ( العلبه الحمراء ولا السوداء )

فاكرين طبعآ مشكلة التتليته اللي استقرينا انها من الرشاشات
وفكيت الرشاشات بارشاد من محمد ممدوح.
وبدلتهم بنصيحه من سمير عياد.

واتضح فعلا ان المشكله من الرشاشين 2 و 3


1 - قلت اجرب المنظف.

بس لاقيت في بنزينة توتال نوعين من المنظف. والعامل اللي في البنزينه. قاللي ده بتاع الانجكشن
وعلبته حمراء ومكتوب عليه.

ABRO
Cleans Carburator Intacke Maniflod & Ports
GT-507
U.S.A
Do Not Use in 2-Cycle Circuit engines
• Helps Clean Carburetors and Intake Manifold Ports
• Guards Against Gas Tank and Fuel Line Rust
• Improves Fuel Economy
GASOLINE TREATMENT
ودي صورته
http://www.hbsales.com.au/catalog/im...-TREATMENT.jpg


لكن مش مكتوب عليعه الجزء العلوي
مكتوب فقط

Cleans Carburator intact maniflop &ports
بدل
cleans Deposits fuel Injectors


ياتري ده فعلا بتاع الانجكشن ولا ده بتاع كربراتير...

ودي صورة التاني الاسود...

http://www.hbsales.com.au/catalog/im...umbs/ic509.jpg

يا جماعه انا جبت العلبه الحمراء ومش عاوز استعملها الا لما أتاكد...
وانا شاكك بنسبه كبيره ان دي للكبراتير مش الانجكشن.


منتظر الرد

اقتباس:

---

cleans carburator intacke maniflod & ports

---

دايما بتجيب لنا المواضيع المحمله يامحمود باشا .......والموضوع ده مهم جدا وحتكلم فيه علشان أستفيد برضه .....على الرغم أنى ماشوفتوش أساسا .......بس حفكر معاكم من خلال البيانات اللى موجوده على العبوه

_ واضح أن ده عباره عن معالج لأبخرة البنزين اللى بتكون موجوده على مشعب هواء الدخول وكذلك لفتحات دخول الهواء الى المكنه .........وليس منظف رشاشات بالمعنى الدقيق .....والدليل شكك فى أمره

اقتباس:

---

do not use in 2-cycle circuit engines

---

وأدى دليل آخر على أن كلامى يحتمل الحقيقه .......أزاى

_ فى المحركات ثنائية الأشواط ....لايوجد مانيفولد هواء....ولا صبابات سحب هواء .............

اقتباس:

---

المشاركة الأصلية كتبت بواسطة Drift_Lover

ودي صورة التاني الاسود...

http://www.hbsales.com.au/catalog/im...umbs/ic509.jpg

---

ده الصح................

اقتباس:

---

المشاركة الأصلية كتبت بواسطة Drift_Lover

يا جماعه انا جبت العلبه الحمراء ومش عاوز استعملها الا لما أتاكد...
وانا شاكك بنسبه كبيره ان دي للكبراتير مش الانجكشن.


منتظر الرد

---

بدلها بالسوداء ياباشا.................

مش عارف اشكرك ازاي يا باشا...
انت عارف الواحد بيبقي مقلق... مع ان العامل حلف لي ان ده بتاع الرشاشات والكل بيستعمل ده. لدرجة أنه شكنني في المكتوب..
وعلشان اول مره أجربه قلت الزم أسأل.

اقتباس:

---

مش عارف اشكرك ازاي يا باشا

---

لاشكر على واجب أحنا أخوات يا أبو حنفى.............

اقتباس:

---

انت عارف الواحد بيبقي مقلق

---

كويس أنك ما أستعملتوش (كانت فلوس على الفاضى ......ولا كان حيعمل حاجه )

اقتباس:

---

مع ان العامل حلف لي ان ده بتاع الرشاشات والكل بيستعمل ده.

---

ياباشا ....لايكلف الله نفسا الا وسعها ....دا عامل فى بنزينه ( مع أحترامنا الكامل ليه طبعا .....وحاشا لله .....لا أقصد شيئا )......ومن ناحية كله بيستعمله فده عادى للى مش واخد باله ومركزش زيك كده (بجد الله ينور عليك فى شكك فى أمر هذا المنتج ).......مش بيقولوا كله عند العرب صابون ......هههههههههههه.......وهى دى مشكلتنا فعلا (عدم تحرى الدقه .......بس كويس أنها معدتش عليك وكنت دقيقا ......وهو ده الصح )................................................. .................................................[gdwl]وبرضه أفكرك بطلبى منك لما تفوق وعاوزينه بخطوات السهل الممتنع .........علشان الغلابه اللى زى[/gdwl]

اقتباس:

---

وبرضه أفكرك بطلبى منك لما تفوق وعاوزينه بخطوات السهل الممتنع .........علشان الغلابه اللى زى

---

يا باشا غلابة أيه مانت شغال الله ينور وبتعمل براويز.... (ده أر خللي بالك ههههههه )
انا مش ناسي طبعآ...

انا نزلت دلوقتي أفول التانك لأن البنزينه جنب البيت.
والمستفز بقي وانا باتكلم مع العامل.
باقوله هات لي الاسود... اللي انت اعطيته لي ده بتاع الكربراتير.
لاقيته جايب لي ده.
http://www.abro.cn/index/tuku/CHANPIN/big/DT-508.jpg

لا حول ولا قوة الا بالله...
عاطيني بتاع الديزل.
يعني لو الواحد ماكنش أخد باله كانت الدنيا باظت...
قلت له ياعم ده بتاع الجاز. هات اللي جمبه.
وحطيته في التانك وفولت 30 لتر ولسه حاجرب بكره ان شاء الله . لأنه لسه ماوصلش للرشاشات.

ياريت يا جماعه كلنا نتوخي الحذر ومش عيب اننا نسأل لو شكينا في حاجه ولو حتي بسيطه... وبلاش نعتمد كليآ علي الصنايعي او العامل.

اقتباس:

---

يا باشا غلابة أيه مانت شغال الله ينور وبتعمل براويز.... (ده أر خللي بالك ههههههه )

---

ماهى دى الحاجه اللى بأعرف ألونها فى الصندوق الماسى ......ومش عارف أختار الألوان................هههههههههه ههههههههه

اقتباس:

---

وحطيته في التانك وفولت 30 لتر ولسه حاجرب بكره ان شاء الله .

---

ماهى دى عداتك برضه يا أبو حنفى ( لأن ده لمحركات الديزل .....يعنى لتنكات السولار مش البنزين )

اقتباس:

---

لأنه لسه ماوصلش للرشاشات

---

كويس أنه لسه ماوصلش للرشاشات ..........ربنا يستر (عموما أعتقد مش حيكون فيه مشاكل .....لأن ده منظف للوقود عامة ......وكله من أصل بترولى سواء ديزل أو بنزين ).........................يظهر أنى حسدتك...................:satelite:

اقتباس:

---

ياريت يا جماعه كلنا نتوخي الحذر ومش عيب اننا نسأل لو شكينا في حاجه ولو حتي بسيطه

---

:k48:

اقتباس:

---

وبلاش نعتمد كليآ علي الصنايعي او العامل

---

NO COMMENT

اقتباس:

---

قلت له ياعم ده بتاع الجاز. هات اللي جمبه.

---

آه كده فهمتها .............اللى جانبه بتاع البنزين (أصل فعلا أفتكرتك حطيت بتاع الديزل اللى أنت رافع صورته )...هههههههه

اقتباس:

---

آه كده فهمتها .............اللى جانبه بتاع البنزين (أصل فعلا أفتكرتك حطيت بتاع الديزل اللى أنت رافع صورته )...هههههههه

---

.
ولا يهمك يا هندسه...
جت سليمه.

الجميل بقي ومع إن المنظف لسه ماشتغلش... إلا إني حسيت ان تجميع العربيه إتحسن وبالأخص علي الغيار الثاني... ( 20 كم استهلاك من وقت الاضافه )...
مش عارف ده من تأثير المنظف ولا تهيآآآآآت. (علشان اخوك لسه مانامش من إمبارح ).

جاري التجربة وإضافة التفاصيل.

اقتباس:

---

الجميل بقي ومع إن المنظف لسه ماشتغلش

---

أزاى ياباشا ......دا أشتغل وبقه زى الفل وألف مبروك طبعا

اقتباس:

---

إلا إني حسيت ان تجميع العربيه إتحسن وبالأخص علي الغيار الثاني... ( 20 كم استهلاك من وقت الاضافه

---

هما 20 كم شويه ( شوف كم مره البنزين راح للرشاشات ) وهو محملا بالمنظف

اقتباس:

---

مش عارف ده من تأثير المنظف ولا تهيآآآآآت.

---

لا ياباشا .....دى حقيقه مش تهيأأأااااااات

اقتباس:

---

علشان اخوك لسه مانامش من إمبارح

---

لا توكل على الله وريح .....ونم قرير العين ......وكله تمام بأذن الله.................[gdwl]وبرضه نصيحه من أخوك ( لا تركب السياره وأنت مرهق ......لأن ده مش صح طبعا )[/gdwl]

اقتباس:

---

أزاى ياباشا ......دا أشتغل وبقه زى الفل وألف مبروك طبعا

---

اقتباس:

---

هما 20 كم شويه ( شوف كم مره البنزين راح للرشاشات ) وهو محملا بالمنظف

---

انا استهلاك البنزين معايا من 14 الي 16 كم/ لتر...

إعتقادي ان استهلاك لتر تقريبآ هو اللي كان متخزن في دورة البنزين والفلتر... ولو سحب حاجه تبقي حاجه بسيطه مالحقتش تنظف...

وهل التأثير يجب ان يكون ملحوظ مع اول دفعة بنزين مخلوطه بالمنظف.

لان التجميع بجد حاسس انه فرق جامد.
من 15 : 20 كم مع الغيار.
يعني مثلا التاني مع تشبيع الغيار ماكنش بيعدي 60 او 65 كم (مقياسآ باسلوبي الشخصي في تشبيع الغيار )
فوجئت النهارده الصبح وانا جاي وصل 80 و 85 كم وبيكمل.

بس ماحبتش أقرص أكتر علي التاني.
( زي مانت عارف الصبح بيكون صوت الموتور مش مسموع زي بالليل مع وجود ال Noise الخارجيه )...

لكنه لو كان اشتغل فعلآ فالنتائج كده مبشره جدآ.

بكام يباشا المنظف دة؟؟

انا اشتريته ب 13 جنيه من بنزينة توتال... لكن علي ما يبدو ان العامل مش عارف سعره... او انه مش مطلوب عندهم ( لاني من 4 شهور ماشفتش غير 5 علب علي الرف وكنت متابع لاني كنت عاوز استعمله بس مقلق. وماحتاجتوش الا لما قابلتني المشكلة...)

و فوجئت بسعره علي موقع الشركة حوالي 6.5 دولار يعني 33 جنيه تقريبآ.

اقتباس:

---

المشاركة الأصلية كتبت بواسطة drift_lover

انا اشتريته ب 13 جنيه من بنزينة توتال... لكن علي ما يبدو ان العامل مش عارف سعره... او انه مش مطلوب عندهم ( لاني من 4 شهور ماشفتش غير 5 علب علي الرف وكنت متابع لاني كنت عاوز استعمله بس مقلق. وماحتاجتوش الا لما قابلتني المشكلة...)

و فوجئت بسعره علي موقع الشركة حوالي 6.5 دولار يعني 33 جنيه تقريبآ.

---

السلام عليكم،،،
هل يباع في محلات الزيوت وألا في محطات توتال فقط
وما هو الأختلاف بين الزجاجة السوداء بتاعة موبيل والزجاجة السوداء بتاعة توتال، وشكراً

اقتباس:

---

السلام عليكم،،،
هل يباع في محلات الزيوت وألا في محطات توتال فقط
وما هو الأختلاف بين الزجاجة السوداء بتاعة موبيل والزجاجة السوداء بتاعة توتال، وشكراً

---

ما هو انا لو كنت عارف ماكنتش سألت...
بس الأكيد انه بيتباع في توتال.
والاختلاف يفيدك فيه المهندس سبعاوي لانه احتك بالموضوع ده.
او الاستشاري/ محمد ممدوح.
او الباحث سمير عياد.
او اي حد يكون جرب الاتنين.

اقتباس:

---

المشاركة الأصلية كتبت بواسطة drift_lover

انا استهلاك البنزين معايا من 14 الي 16 كم/ لتر...

إعتقادي ان استهلاك لتر تقريبآ هو اللي كان متخزن في دورة البنزين والفلتر... ولو سحب حاجه تبقي حاجه بسيطه مالحقتش تنظف...

وهل التأثير يجب ان يكون ملحوظ مع اول دفعة بنزين مخلوطه بالمنظف.

لان التجميع بجد حاسس انه فرق جامد.
من 15 : 20 كم مع الغيار.
يعني مثلا التاني مع تشبيع الغيار ماكنش بيعدي 60 او 65 كم (مقياسآ باسلوبي الشخصي في تشبيع الغيار )
فوجئت النهارده الصبح وانا جاي وصل 80 و 85 كم وبيكمل.

بس ماحبتش أقرص أكتر علي التاني.
( زي مانت عارف الصبح بيكون صوت الموتور مش مسموع زي بالليل مع وجود ال noise الخارجيه )...

لكنه لو كان اشتغل فعلآ فالنتائج كده مبشره جدآ.

---

أعتقد التجربه خير وسيله وحننتظر المستجدات الجيده أن شاء الله ......وخللى بالك الفلتر ( أعتقد مش حيتعدى من ربع الى تلت لتر بنزين )............دا غير أن فيه أثر النظافه بتاع فيش الرشاشات

انا جبت الأسود فعلا من بنزينة موبيل ب 25 جنية ودة بتاع الرشاشات ومكتوب يضاف علي 20 جالون وقود يعني حوالي 45 لتر ويستهلك حتي قرب نفاذ الخزان اكيد للحفاظ علي التركيز الفعال و السيارة كانت مكتومة ولاتزال والحمد لله يمكن في سبب اخر علي الرغم ان البوجيهات جديدة واتنين شمعة والفلاتر جديدة موش عارف يمكن اعوز اعمل تنظيف للمانفولد و البوابات بس لما اتشجع


يرجى من العضو مراعاه صحة كتابة لفظ الجلالة

مشرف القسم

ولليوم التاني.

1- تحسن ملحوظ في تجميع العربيه. بعد استهلاك 50 كم يعني تقريبآ 3.5 لتر.
2- صوت الموتور أصبح أنعم من الأول (علي بنزين 80 ) وتقريبآ مش مسموع في السلانسيه ليلآ او نهارآ.

معلش سؤال

* المنظف ده بيشتغل انه يتحط في تنك البنزين و هو بينضف الراشات لوحده , ده اللي انا فهمته , هل هو صح ؟
و باحط منه قد ايه لو كده ؟ و باعرف امتى انه بدأ يشتغل ؟

المفروض العلبه السوداء اللي في المشاركه الاولي تضاف قبل التفويل... وهي تكفي 20 لتر ... (خللي بالك العلبه السوداء مش الحمراء)
يعني ممكن تحط علبتين قبل التفويله لو التانك فاضي.
لكن انا فضلت اني اجرب علبه واحده مع التفويله.
واستخدامه لتنظيف الرشاشات يوصي به كل 5000 : 10000 كم

اقتباس:

---

المشاركة الأصلية كتبت بواسطة drift_lover

المفروض العلبه السوداء اللي في المشاركه الاولي تضاف قبل التفويل... وهي تكفي 20 لتر ... (خللي بالك العلبه السوداء مش الحمراء)
يعني ممكن تحط علبتين قبل التفويله لو التانك فاضي.
لكن انا فضلت اني اجرب علبه واحده مع التفويله.
واستخدامه لتنظيف الرشاشات يوصي به كل 5000 : 10000 كم

---

اشكرك جدا
معلش سؤال
هو بيكفي 20 لتر ولا 20 جالون ؟
العلبة اللي مكتوب عليها شكله كده جالون مش لتر

سلام عليكم تاني
مش عارف الموضوع ده لسه حد بيشوفه ولا لأ

انا اشتريت امبارح العبوة دي من محطة موبيل
http://img37.imageshack.us/img37/216...rcleaner01.jpg

http://img37.imageshack.us/img37/212...rcleaner02.jpg

طبعا العامل اللي في البنزينة ما كانش فاهم حاجة في حاجة و سابني مع نفسي
ريح دماغه و دماغي بصراحة
:)

كنت عايز اتأكد من حد عمل الموضوع قبل كده ان العبوة دي ليها نفس وظيفة العبوة السودة اللي هنا , انا قريت المكتوب , ما لقيتش حاجة غريبة , بس اهو زيادة تأكد
كان فيه برده حاجات هناك بتاعة ديزل و كاربيراتير زي ما اتقال

و كنت عايز اعرف لو هي دي , اروح البنزينة اصبها في التنك و افول التانك فوقيها , ولا ايه بالظبط
و هاصب العبوة كلها و لا قد ايه ؟

انا مجرب النوع دة قبل كدة ودة افضل نوع موجود فى السوق حطها وفول ياباشا
او على الاقل يكون التنك مليان الى النصف

خلى بالك لو الرشاشات عندك مفهاش مشكلة مش هتحس بفرق

أشكرك يا باشا

و في الاغلب الرشاشات عندي فيها مشكلة لأن العربية بتتأخر في الدوارة بصورة عشوائية تماما , كنت بافكر اغيرهم , و بعدين قلت اجرب موضوع التنضيف ده الاول

و دا يا جماعة ينفع للعربيات الجديدة ولا ايه؟

اقتباس:

---

المشاركة الأصلية كتبت بواسطة tlrsiap

أشكرك يا باشا

و في الاغلب الرشاشات عندي فيها مشكلة لأن العربية بتتأخر في الدوارة بصورة عشوائية تماما , كنت بافكر اغيرهم , و بعدين قلت اجرب موضوع التنضيف ده الاول

---

منظف الرشاشات اجراء وقائى (فقط) مش بيحل مشكلة قائمة

اقتباس:

---

المشاركة الأصلية كتبت بواسطة sherif khalifa

منظف الرشاشات اجراء وقائى (فقط) مش بيحل مشكلة قائمة

---

انا فاهم بس قلت اجرب الاول لربما يكون الموضوع محتاج تنضيف و خلاص
ان لقيته ما جابش نتيجة هامشي ان شاء الله في موضوع التغيير