السلام عليكم
انا الموقف اللى حصل معى ملوش علاقة بالزيت او اى حاجة سهله ممكن تتغير مشكلتى كانت فى زجاج العربية اليدوى عشان كنت بضايق لما اكون ماشى وتيجى عربية على يمينى ويحب صاحبها يسال عن حاجة او اكون فى اى مكان وعاوز اسال عن حاجةوطبعا الرصيف برضة على اليمين بكون مضطر انى اميل افتح الزجاج بايدى اما لو كنت ماشى مكنش ينفع اعمل كدة خالص.
الهم سالت واحد صحبى معى فى الشغل على حد بيركب زجاج كهرباء قالى طبعا اعرف انا عندى واحد دكتور من الاخر وانا عارف ان صحبى دا اصلا اصلا معندهوش عربية المهم قولت يمكن اتعامل معه فى عربية حد يعرفه سالته دا كويس قالى عيب عليك بقولك دا دكتور زجاج كهربا دا متخصص فى الزجاج الكهرباء بس.
المهم رحت للراجل بساله عاوز اركب زجاج كهربا قالى بس اولا اديك فكرة انا ركبت للعربية الشاهين بتاع المحامى فلان الفلانى ودكتور فلان كان عنده دايو ومهندس فلان حسسنى انه بيتعامل مع عربيات مؤهلاات عليا فقط.
اناعارف انى طولت عليكو المشكلة انى ساكن ف اكتوبر وهو فى الحدائق الموضوع دا خد منى 4ايام تركيب غير التخريم اللى عمله فى الباب وغير مفصلات فكها عشان الباب يقفل كويس وخلافه وخلافه المهم بعد دا كله ندمت انى ركبت زجاج كهرباء عشان ساعات كتير الزجاج يا اما بيعلق يا اما بيقع فى المجرة ودى تجربتى مع الافتاء وربنا يسامح المفتى صحبى