تزايد أعداد المجاهرين بالإفطار

**AlmAhAtmA** · 30-09-2007 07:58 PM

المشاركة الأصلية كتبت بواسطة Hossam Hassan

طب و احنا عملنا ايه؟ و لا نخلينا فى أضعف الأيمان؟

امبارح كنت في كارفور اسكندريه قبل ما اجي الافطار
و لقيت ان كل محلات الاكل شغاله و فارشه بره و الناس بتاكل و واحد و مراته محجبه بيشرب حاجه في مج
الصراحه بعت ايميل النهارده لستاربكس علشان الموضوع ده و طلبت ان تقديم الطعام و الشراب بقتصر علي المساحه الداخليه للمكان
و حبعت الايميل نفسه لكل مكان يقع تحت ايدي الايميل بتاعه

**Hossam_Hassan** · 30-09-2007 08:00 PM

هو ده الكلام

**محمد ابراهيم 1** · 30-09-2007 08:17 PM

ولسه لما الحر يشتد

**د.أحمد سمير** · 30-09-2007 08:27 PM

هل تعلموا أنه لا توجد عقوبة في الإسلام على الإفطار في رمضان ، فقد جعله الله عز وجل له وحده وهو يجزي به .
ولكن العقوبة على من يجاهر بالفطر في نهار رمضان .. فاللي عايز يفطر ولا يتمسك بشعائر دينه .. هو حر .. مسلم عاصي ولا انسان فاسق ، ولكن أن يمس الشعور العام للصائمين فهذا يدل على الاستهانة بشعائر الله تعالى ، والاستهانة بجموع الناس .

على فكرة توجد عقوبة في القانون المصري في حالة ضبط المجاهر بالفطر في رمضان ، وهي جنحة يعاقب صاحبها بالحبس مدة لا تزيد عن ثلاثة اشهر ، وبغرامة فورية لا تزيد عن ألف جنيه أو إحدى العقوبتين ، هذا نصها على ما أذكر ، وقد رأيت بعيني رأسي منذ حوالي سبع سنوات حملة للشرطة على المجاهرين بالفطر أمام إحدى المقاهي بمنطقة الساحل ، وعوقب صاحب المقهى بالإغلاق لمدة ثلاثة ايام لافتراش الرصيف أمام المقهى ، وقبضوا على كل مفطر في الشارع .

يا ريت نفعل القانون ، ونبلغ المحلات ان افتراش الأرصفة خارج المحلات في نهار رمضان مخالف للقانون ويعرضها للمساءلة القانونية .

وربنا يعفينا من هذه المناظر .
تقبلوا خالص مودتي

**sherif_84** · 30-09-2007 09:11 PM

ربنا يهديهم و يشيل الغشاوة اللى على قلوبــهم

**Akram** · 30-09-2007 09:43 PM

آآآآآآآآآآآآآآآآآآآآآآآآآ آآآآآآآآآآآآآآآآآآمين

30-09-2007 11:38 PM

المشاركة الأصلية كتبت بواسطة AlmAhAtmA

زمان كان فيه ورانا عماره الدور الارضي كان بجنينه
الجنينه دي كانت بتاعت مدام منيره
مدام منيره في رمضان كانت بتتغدي معانا علي المدفع
تخيلوا ليه
علشان ريحت اكلها و هيه بتسخنوا ما تضايقش الناس
و كانت بتجيب لابنها هدوم في العيد و ييجي معانا الصلاه الصبح و يستنانا نصلي و نروح نتفسح مع بعض
مدام منيره قبطيه مصريه جميله
ده موقف من زمان
الان بقه واحد زميل والدتي في الشغل بتحكلي لي انه مجاهر بافطاره و لما كلموه تخيل الرد كان ايه انا بشتري صيامي ب 10 جنيه بفطر بيها صايم كل يوم
انا اتجننت لما سمعت كده لا ده انت مش جاهل بالدين لا و كمان بتفتي
حاجات كتير اتغيرت و اتقلت بركتها حتي نفوس الناس

+1

**hazem_khidr** · 30-09-2007 11:57 PM

كان معايا واحد في الامارات كان بيفطر طول الشهر و قدامنا و عيني عينك يشرب ميه و الادهي من كده انه ساعه الفطار يجي يفطر و يتخانق علي الاكل كمان و حاجه اخر قرف لحد ما شديت في يوم عليه و قولت للناس يا انا يا هو في الفطار و بعد الموقف دا بيومين اتمسك و هو في وضع مخجل و اتكنسل !!!!!
و برضه مش بيتعظ
حسبي الله و نعم الوكيل في الاشكال دي

**محمدايهاب** · 01-10-2007 12:00 AM

اقتباس:

السمكري اللي كان بيعملي عربيتي كان بيدخن

المشكلة يا كريم هي أن في شيخ حلل التدخين بحجة إنها دخان و ليست طعام أو شراب!!!!!!!
اقتباس:

زمان كان فيه ورانا عماره الدور الارضي كان بجنينه
الجنينه دي كانت بتاعت مدام منيره
مدام منيره في رمضان كانت بتتغدي معانا علي المدفع
تخيلوا ليه
علشان ريحت اكلها و هيه بتسخنوا ما تضايقش الناس
و كانت بتجيب لابنها هدوم في العيد و ييجي معانا الصلاه الصبح و يستنانا نصلي و نروح نتفسح مع بعض
مدام منيره قبطيه مصريه جميله
ده موقف من زمان

كان في لاعب جورة مسيحي بيقول أنه صام مع الفريق 29 يوم من رمضان و اليوم الأخير ماعرفش يصوم لأنه كان عيان !!!!!

**OsKaR** · 01-10-2007 12:12 AM

هل تعلموا أنه لا توجد عقوبة في الإسلام على الإفطار في رمضان ، فقد جعله الله عز وجل له وحده وهو يجزي به .
ولكن العقوبة على من يجاهر بالفطر في نهار رمضان .. فاللي عايز يفطر ولا يتمسك بشعائر دينه .. هو حر .. مسلم عاصي ولا انسان فاسق ، ولكن أن يمس الشعور العام للصائمين فهذا يدل على الاستهانة بشعائر الله تعالى ، والاستهانة بجموع الناس .

:?: :?: :?: :?: :?: :?: :?: :?: :?: :?: :?: :?: :?: :?: :?: :?: :?: :?: :?: :?: :?: :?: :?: :?: :?: :?: :?: :?: :?: :?: :?:
ده كلام برضه ايه بقى الكفاره و افطار المساكين :roll: :x