رقم العضوية : 29338
تاريخ التسجيل : 06Jan2009
المشاركات : 526
النوع : ذكر
الاقامة : cairo
السيارة: Gen2
السيارة[2]: Daewoo
الحالة :
قانون المرور المصري "2010" طازة من الكنترول
نرجو القراءة بتمعن سواء كان عندك عربية أو لا .., من الأخر فتح دماغك
القاعدة الأولى:
لو عربيتك كبيرة أو قديمة ، أستخدم المبدأ القانوني: اللي خايف على عربيته يوسع!!
ملحوظة: ابعد عن سكة العربيات المخرشمة ، بيسوقوا بنظرية ضربوا الأعور على عينه!!
القاعده الثانيه:
البوز بيز Booze Base : اللي يدخل ببوز عربيته الأول للتقاطع هو صاحب أولوية المرور! احرص على أن تكون صاحب أول بوز.
ملحوظة: لا تطبق الـ Booze Base مع أي لوري أو أتوبيس ، حرصاً على بوزك لا مؤاخذة.
القاعدة الثالثة:
الإشارات تكشف نواياك للأعداء ، أياك أن تستخدمها!
القاعدة الرابعة:
لا تترك مسافة للأمان بينك و بين السياة التي أمامك فهذا له عدة مخاطر:
1. عربية ثانية هتمليء الفراغ في ثواني و برضه ما يبقاش فيه مسافة بينك و بين الي قدامك ، كل الي كسبته انك اتأخرت لورا شوية.
2. تعطي فرصة للعيال يعملوا غرز قدامك.
3. كل المشاة حيغمضوا عينيهم و يعدوا من الحته دي.
4. الي وراك حيقعد يزمر - لو كان مؤدب - أو تسمع شوية أسامي حيوانات لو كان سواق تاكس - مؤدب - ، أو حيخبطك من ورا لو كان سواق ميكروباص - و دول مفيش حد منهم مؤدب.
الإشارات مش معمولة علشان تنظم المرور ، معمولة علشان شكل القاهرة يبقى متحضر بس!
اعتمد على العساكر ( مع تحملك كامل المسؤلية لو واحد منهم شاورلك تعدي و بلدياته الناحية الثانية فتح السكة للوري ) أو يفضل أن تستعمل البوز بيز ( راجع القاعدة الثانية ).
القاعدة الخامسة:
اذا كنت مش واقف في الصف الأول في الاشارة اعمل حسابك تزمر بشكل متواصل و هستيري أول ما الأشارة تفتح ، لأن الناس الي قدام بيبقوا واقفين في الاشارة من زمان و جايز جداً يكونوا ناموا!!
القاعدة السادسة:
معظم الحوادث تحدث في التقاطعات أول الأشارة ما تحمر، كل ما عديت الإشارة الحمراء أسرع كل ما قلت فرصة انك تتخبط!
القاعدة السابعة:
الشارع مكان مقرف ، سوق بأسرع ما يمكن حتى تتخلص من هذا الهم بسرعة ،
الناس الي ماشيين بالراحة مرضى نفسيين بيستمتعوا بالعذاب ، يستاهلوا الي يجرى لهم.
القاعدة الثامنة:
من حقوقك الدستورية أن تركن أمام باب المحل الذي تريد أن تشتري منه ، اذا سبقك واحد ابن ستين في سبعين و ركن قدام الباب ، فمن حقك أن تقفل عليه و تركن صف ثاني أو ثالث، و مش مهم لو الشارع اتقفل ، ايه يعني أما الناس تتعطل عشر دقائق علشان تستمتع بحقوقك الدستورية؟ هيا يعني الدنيا طارت ولا كان وراهم الديوان؟
القاعدة التاسعة:
من حقك أيضاً أن تخرج من مكان انتظارك في أي لحظة تشاء ، اكسر الدركسيون شمال و اطلع ، أي حد ماشي في الشارع لازم يقف لك فورا ً، راجع البند السابق.
القاعدة العاشرة:
إحترس من ثلاث أنواع من السائقيين بيسوقوا و كأنهم مش ممكن يموتوا:
1. العيال الروشين الي بيلعبوا Computer Games و فاكريين إن ممكن يكسبوا Life زيادة لو ساقوا أسرع.
2. موتوسيكلات توصيل الطلبات ( Home Delivery ).
3. سواقين الميكروباص.
ملحوظة: إوعى تحاول تثبت لحد منهم إن فكرته غلط. فاهمني!!!.
القاعدة الحادية عشر:
لما تشوف حادثة لازم تهدي و تتفرج - مش مهم تساعد - الحجات دي دمها أخف من الأخبار المملة بتاعة التلفيزيون ، و بعدين لما الطريق وراك يقف تحمي المجتمع من حادثة تانية.
القاعدة الثانية عشر:
الكناسين لازم يحللوا اللقمة الي بياكلوها ، حاول تنفعهم و ترمي أي حاجة من الشباك.
القاعدة الثالثة عشر:
لما تخلص سيجارة أوعى تحطها في الطفاية ، ارميها من الشباك أول ما تشوف واحد بموتوسيكل معدي جنبك ( علشان يحرم يعمل غرز ).
القاعدة الرابعة عشر:
من حقك أن تعبر الشارع في أي وقت و من أي مكان.
القاعدة الخامسة عشر:
اذا كان هناك سيارة قادمة اعمل نفسك مش واخد بالك و عدي براحتك خالص،ما تخافش، هوا حيقف، هو اهبل يدوسك و يودي نفسه في داهية؟
القاعدة السادسة عشر:
اياك أن تنظر نحو السيارات القادمة ، أعبر الطريق و ظهرك لها حتى لا يشك أحد قائدي السيارات أنك تراه و يحاول يخوفك علشان تقف انت.
القاعدة السابعة عشر:
حتى لو شفته أوعى تخاف - خصوصاً لو معاك مراتك - تبقى راجل ملو هدومك و تخاف من حته عربية؟ عرض قفاك و سيبه يتفلق.
القاعدة الثامنة عشر:
الرصيف ليس للمشاه ، بل لركن السيارات و فرشات الباعة الجائليين و المحلات... الخ ، لذلك يحق للمشاة السير في وسط الشارع ، لمزيد من الأمان ، راجع القاعدة السابقة.
القاعدة التاسعة عشر:
إذا كان الماشي من فئة النقل الثقيل ، فمن أبسط حقوقة إنه يمشي على أقل من مهله و يهتز براحته. واللي مش عاجبة الهز يدور على لوري يخبطة...
رقم العضوية : 17535
تاريخ التسجيل : 30Aug2008
المشاركات : 1,584
النوع : ذكر
الاقامة : mansurah
السيارة: بدور
السيارة[2]: كتير اوى - ولسة ان شاء الله
الحالة :
اكثروا من الإستغفارفكل ابن آدم خطاء وخير الخطائين التوابون
رقم العضوية : 22719
تاريخ التسجيل : 20Oct2008
المشاركات : 3,543
النوع : ذكر
الاقامة : Egypt
السيارة: none
السيارة[2]: Accent rb
دراجة بخارية: none
الحالة :
ده قانون الغابة مش قانون المرور
رقم العضوية : 5577
تاريخ التسجيل : 12Feb2008
المشاركات : 4,439
النوع : ذكر
الاقامة : cairo
السيارة: يا رب
السيارة[2]: Fiat One twenty eight M/T
دراجة بخارية: لا يوجد
الحالة :
اكتر حاجة ضحكتني ..
"الإشارات تكشف نواياك للأعداء ، أياك أن تستخدمها!"
فعلاً الواحد لما يدي اشارة يمين أو شمال .. اجارك الله بيركبه مليون عفريت .. وبيحلف طلاق تلاتة أنه ميعدكش .. حاجة غريبة .. واعتقد انها محتاجة علاج نفسي
رقم العضوية : 2665
تاريخ التسجيل : 17Oct2007
المشاركات : 2,326
النوع : ذكر
الاقامة : cairo
السيارة: لا يوجد
السيارة[2]: 128 حمرا
دراجة بخارية: لا يوجد
الحالة :
موضوع مكرر
سبحان الله وبحمده سبحان الله العظيم
اخوكم : محمد عماد الدين
الوظيفه : محاسب
سبحانك اللهم وبحمدك ، أشهد أن لا إله إلا أنت أستغفرك وأتوب إليك
رقم العضوية : 30094
تاريخ التسجيل : 14Jan2009
المشاركات : 2,256
النوع : ذكر
الاقامة : EgYpTo
السيارة: Only One
السيارة[2]: Private
دراجة بخارية: RR
الحالة :
مكرر بس لذيذ
دا طازه من الكنترول يا راجل !!
دا متسرب أديله ردح من الزمن
هو انت ماخدش نسخه ولا ايه !!
[glow1=#7a3131]Dr.Ahmed AlSherif[/glow1]
رقم العضوية : 25425
تاريخ التسجيل : 17Nov2008
المشاركات : 7,576
النوع : ذكر
الاقامة : cairo
السيارة: 1
السيارة[2]: 1
دراجة بخارية: no
الحالة :
بس انت نسيت فئه العريات الكارووووووووو
ونسيت تتكلم على اللجان المروريه
ونسيت تتكلم عن المواكب بتاعة الناس اللى هما
ونسيت تتكلم العربيات اللى بتعطل وتتصلح فى مكانها (منتصف الشارع)
ونسيت تتكلم عن مباريات كره القدم وتاثيرها ع الشارع
واكيد فى حاجات انا ناسيها الاعضاء يبقوا يفتكروها
وشكرا ع الموضوع
رقم العضوية : 14603
تاريخ التسجيل : 12Jul2008
المشاركات : 3,270
النوع : ذكر
الاقامة : Egypt, Cairo, Heliopolis
السيارة: Honda Civic EL 1992
السيارة[2]: Honda Civic VTi 1996
دراجة بخارية: لا يوجد
الحالة :
بس دة مش 2010 ده الواقع اللى عايشينه من اكثر من 5 سنين ومازال، حتى زمان كانوا بيبعتوا على الإميل
HONDA THE POWER OF DREAMS
رقم العضوية : 14080
تاريخ التسجيل : 03Jul2008
المشاركات : 2,925
النوع : ذكر
الاقامة : Nasr city,cairo-egypt
السيارة: Hyundai Excel Gls
السيارة[2]: FIAT Uno 45
دراجة بخارية: none
الحالة :
جامد اوييييييي و علي فكرة اللي غلطان بيعمل نفسه عبيط
انا مرة سواق تاكسي غلكان كان هيخبكني و ولا بصلي حتي و كان معايا 4 صحابي
قولتلو لا يا راجل معرفتكش انا كده بقي :) ... يا اخي معرفتكش انا بقي
رقم العضوية : 35540
تاريخ التسجيل : 14Mar2009
المشاركات : 26,487
النوع : انثى
الاقامة : Egypt_Alexandria
السيارة: لا يوجد
السيارة[2]: لا يوجد
دراجة بخارية: -
الحالة :
انا شوفت عنوان الموضوع قولت هم لحقوا يغيروا قوانين المرور تانى
لقيت ............
موضوع دمه خفيف
المفضلات