ماهى اسرار عدم حب البعض لسيارات الاوبل و عدم انتشارها
مع انها سيارات عملية و قويه
و تحتوى على التكنولوجيا و الثبات الالمانى
عرض للطباعة
ماهى اسرار عدم حب البعض لسيارات الاوبل و عدم انتشارها
مع انها سيارات عملية و قويه
و تحتوى على التكنولوجيا و الثبات الالمانى
فين رواد المنتدى
و فين رواد الاوبل
صديقي العزيز الأوبل من السيارات المحترمه فعلا ولكن أرتفاع أسعار قطع الغيار يعتبر من ضمن عيوبها التي تمنع أن يقبل الناس عليها
ولكن هناك الكثيرين مِن مَن يقدرون هذه السياره الجميله ولا ينظرون إلى أرتفاع أسعار قطع الغيار وخلافه
بس متهيقلي الكورسا(السيدان) علشان اغلب قطع الغيار متصنعه في البرازيل غالمفروض انهامش غاليه قوي( علي فكره دا مش عيب الفولكس واجن جيتا الي بتتصدر للعالم كله بتتصنع في المكسيك)
وفي حاجه متلا فلتر الزيت ب 14
فلتر البنزين ب 35
شكرا بايوووو وشكراasaberعلى التفاعل
وده فعلا انا لاحظته ان جوده الكورسا عالية جدا رغم ان فى ناس كتيير خوفتنى
منها بسبب تصنيعها فى البرازيل :roll:
طبعا قطع الغيار غاليه جدا دا غير كده نره السمكري او الميكانيكي او اي واحد يشتغل في العربيه لما يشوفك راكب اوبل تلاقيه ضرب في العالي حتي لو عمل حاجه بسيطه تساله ليه يقولك دا انت راكب اوبل يا بيه !!
انا فكرت في الفيكترا ال 97 فيما فوق لكن ليا واحد صاحبي خوفني منها و قالي كانت معايا سنه صارف عليها 8000 جنيه علي العفشه و شويه حاجات خفيفه تانيه تخيل بقي!!!!1
هى فعلا مشكلة العربية الأوبل دى هو غلاء اسعار قطع الغيار جدا بطريقة مبالغ فيها
مع العلم انها سيارة جيدة جدا جدا
وكفاية انها المانى
بس الناس بتخاف منها ومن قطع غيارها مع ان قطعة الغيار فى الاوبل مش بتتغير الا كل فترة طويلة جدا
بالنسبة
اقتباس
[fade:6d27fb86aa]انا فكرت في الفيكترا ال 97 فيما فوق لكن ليا واحد صاحبي خوفني منها و قالي كانت معايا سنه صارف عليها 8000 جنيه علي العفشه و شويه حاجات خفيفه تانيه تخيل بقي!!!!1[/fade:6d27fb86aa]
انا مغير العفشة كلها بحوالى 3000 جنيه للفيكترا 99
بالنسبة للوضع الحالي لسيارات أوبل...انا معنديش اي استعداد انا أدفع 160 ألف في عربية مانيوال و لا 150 ألف في عربية هاتش باك
واحد من مديرى مبيعات أوبل ورانى مقانة أسعار بين الأوبل و بين عربيات تانية
الأوبل أغلى فى حاجات وأرخص فى حاجات والفرق مش كبير
المشكلة فى الأوبل ان حاجات كتير مش موجودة غير فى التوكيل وفعلا أسعار التوكيل أغلى من محلات قطع الغيار
عامة وعن نفسى اى مكونات فى الموتور هشتريها من التوكيل لكن اى حاجة تانية من برة
بس عامة وبالرغم من ان عربيتى الأستر برازيلى مش المانى الا انها راسية جدا على الأقل بالنسبة لى أقصى سرعة جبتها 160
وسحبها جميل يعيبها التكييف بطئ شوية على مايبرد بس فى النهاية بيبرد كويس بس قبل مانزل :)
ومافيش حد عارف يركبلها إنذار :)
فعلا بفكر عربيتى الجاية تكون ألأسترا الجديدة بس أتمنى ينزل منها سيدان خصوصا ان درجاتها عالية وأحسن من عربيات تانية تعتبر عربيات جامدة زى السيفيك و ال 307 والكورولا والميجان
السلام عليكم
انا عندى اوبل فيكترا 95
و بصراحة العربية تمام معايا و ميفهاش مشاكل تخليك تمنع انك تشتريها
العربية اللى معايا ده بقالها 12 سنة و مغيرتش فيها حاجة غير التكييف علشان كفائته مش عاجبانى غير كده مغير فيها حاجات اكسسوارات و العربية ماشية بالضبط 316000
و يسم الله ماشاء الله عليها بجيب بيها 180 على الصحراوى و مرتاح كمان
و بالنسبة لقطع الغيار انا الفانوس جايبه ب 120 جنيه امامى و الشبكة ب 100 و ناوى ان شاء الله اضبط ماتورها و اعمل فيه شغل
بالمناسبة...
مافيش حاجة اسمها " بيتهيقلى "
الفعل : تهيأ مش تهيق
يعنى اكتبها بيتهيألى
إلا لو كنت بتكتب أحمد قحمد
بس هل كفائه الأوبل كألماني زي كفائه الفولكس او الأودي (مش هقول مرسيدس و بي ام) ؟ هل الأوبل مازالت تعتبر سياره المانيه اصيله بعد ما اصبحت تبع جنرال موتورز؟ اسئله تحتاج لجواب.
لا طبعا فيه اختلاف فالتقفيل ده على حد علمى
اوبل طول عمرها جنرال موتورزاقتباس:
هل الأوبل مازالت تعتبر سياره المانيه اصيله بعد ما اصبحت تبع جنرال موتورز؟ اسئله تحتاج لجواب
انا من رأيي ان الاربعة اسباب كلهم و الحمد لله متوفرين فيها :lol: :lol: :lol:
بس اول حاجة صعوبة الصيانة
غلاء قطع الغيار
سوء الصيانة ( قليل اوي اللي بيفهم فيها )
غلاء الاسعار
بمناسبة قطع الغيار
مرة الكاتاليزر اتكسر ( عبارة عن علبة شكمان فيها سنسور و ما اكترهم في الموتور ال1000
روحت تزكيل رابعة العدوية
لقيتها - العلبة من غير الحساس ب 4400 جنية مصري فقط لا غير !!!!!!!!!!!!!
طبعا لما الراجل قالي كده
رديت غليه قلتو هيا العربية فيها كام 4000 جنيه
و نزلت الحفيين جبتها ب 400 من غير حساس و ركبت حساس اللي كان عندي
و بعت القديمة ب 150 جنية :?: :?: :?:
بس كنت هموت و اعرف اللي اشتري القديمة يعمل بيها اية ؟
علي فكرة هيا فيها مادة من جوه زي الفحم بيقولوا انو بينقي البيئة !!!
بس اكيد الراجل مش هينقي البيئة !!!
مش عارف بس لو حد عندو فكرة يا ريت يفيدنا
انا راى لأن العربية سعرها عالى و قطع الغيار كمان غالية زى كل الألمانى
بس الغالى تمنه فيه يا جماعة
أنا رأي أن سعر الأوبل عالي مقارنة بفئتها مثلا الأوبل أسترا و لا السيفيك أو الماذا3 هاتشباك
الفيكترا و لا الأفنسيس او الوكتافيا أو 407 ( أغلى شوية )
يا جماعة انا عندي اوبل فكترا ومش حاسس ان قطع غيارها غالية مقارنة بباقي السيارات يعني العفشة مش ب 8000 جنيه ولا حاجة دا همة 3500 جنيه يظبطوا العفشة تمام.
ثم بصراحة قطع غيارها معمرة جداً.
غير ان في مركز صيانة مقار بيقبلو انك تجيب قطع غيار استيراد وهما بيركبوها بس على ضمانتك وبياخدو مصنعيتهم بس وشغلهم نضيف جداً. والمصنعية على فكرة مش غالية اوي زي ماحنا متصورين واحيانا والله بتبقى اقل من برة في بعض الحالات.
ثانيا انا بلاحظ ان فيه اوبل فكترا كتيرة جدا في البلد. لأن من سنة 95 لحد 2002 كانت منتشرة بطريقة رهيبة وحتى الآن. وقطع الغيار الاستيراد متوفرة جداً واسعارها ممتازة.
انا لم اصوت على اي اختيار لأني مافيش اي اختيار انا متفق معاه لأني بحب العربية ديه جداً ومريحاني جدا جدا لدرجة اني بقيت بغير عليها من اي حد يقول عليها اي حاجة :):)
انا شايف ان اسعار اعاده بيعها بتدل على الكلام اللى مكتوب فى الاستفتاء