الموضوع: ايه افضل تيل فرامل للجين تو؟؟

المشاركة الأصلية كتبت بواسطة compuland

يعنى الريمسا مش بيصفر
مالوش مشاكل يعنى؟؟
تيل امامى ولا خلفى؟؟
جيبته منين وبكام؟؟
ياريت لو عندك صوره للتيل والعلبه بتاعته يبقى كتر خيرك

ومشكور على المشاركه

أظن انو موجود فى محل -المدينه- اللى فى شارع دمشق

المشاركة الأصلية كتبت بواسطة tweety26980

الاستاذ م - مرموش
اولا اهلا بحضرتك
ثانيا الراجل الميكانيكي مالوش ذنب وهو الراجل شرحلي حاجه وانا شفتها بعيني واقتنعت بيها
واللي هي
ان شكل التيل بيبان مبدأيا واللي هو لما يكون فيه نحاس كتير لازم يصفر ودي بتظهر على شكل قطع صفراء صغيره على التيل


ثالثا لما التيل بتاع التوكيل بعد 7000 كم وعلى طرق سريعه مش جوه البلد احس بحكته في رجلي واسمع منه الصفاره الجميله دي واقرر اني اغيره بره يبقى ده راجع لانه الخامه بتاعته لما فكيناه من العربيه وشفناه ناشفه جدا بدليل اننا لقيناه مانقصتش سماكته وكأنه مش بيخلص وده بالتالي بياثر على الطنابير
من المفروض انه يحصل تأااكل للتيل مع المشي ولكن منين بأه
الضمان بتاع الطنابير مش هيهمني لاني لو غيرت التيل بره 3 مرات يبقى جبت تمن الطنابير الجديده
ولا ايه ؟؟؟؟

تحياتي

بالمناسبه انا من الاعضاء اللي عمري مااقول اي معلومه وانا مش متأكد منها
لازم اكون مجربها او سمعتها من مصدر موثوق منه
ولكن مش بحب افتي

أخى الأستاذ تويتى
أولا أنا ماقلتش أنك بتفتى خالص, أنا كان قصدى على الميكانيكى (عشان ماتفهمنيش غلط)
ثانيا أنا مشاركتى كان القصد منها أنى بعتقد أن التيل اللى فى التوكيل أتغير لأنى مش شايف فيه أى مشكله لحد دلوقتى مع العلم أنى معملتش نفس الكيلومتر بتاعك (ولا حته ربعه ) بس أعتقد أن لو فيه مشكله مش حتستنى كل ده وكانت ظهرت من بدرى (أدينا لسه بنجرب و ممكن تظهر مع الأستعمال)

ثالثا الضمان مهم لأن الطنابير ثمنهم 1400 جنيه (الأماميين فقط) يعن أغلى من تمن التيل (225) فأنا ممكن أضحى بال 225 كل 20,000 كم ولكن مش حجازف ب 1,400 و خصوصا أنهم بيبوظو لوحدهم (مع التيل الأصلى) ..... فى الأخر وجهات نظر

أرجو أن أكون وضحت وجهات نظرى

وشكرا

يا جماعه التيل اللى فى التوكيل دلوقتى مافيهوش حاجه

أنا مجربه لغاية دلوقتى أكثر من 2500 كم و مش فارق عن البوش الألمانى فى حاجه (لابيصفر ولابيحك)

ياريت لو حد غيره برده فى التوكيل قريب يفدنا