سر تعاسه معظم الازواج

**hamedo0** · 25-05-2009 01:07 PM

يارب استر علينا ومكنش في يوم من الايام هذا الرجل ولا زوجتي هذه المراه

**PoweRPassioN** · 25-05-2009 01:11 PM

يعني انت يا سيدي الفاضل ترضى مراتك تلبس كاش مايوه وتقعد على الشاطيء !!
طبعا مرفوض !!
وبعدين لازم الواحد يحب حياته لانها احسن من حياة الاجانب اللي انت بتتمناهم بكتير
وأسأل مجرب ..

**نور القمر** · 25-05-2009 01:16 PM

المشاركة الأصلية كتبت بواسطة eng.octooo

يارب ويوفقنا كلنا

طبعا الدين دة صح بس جوة البيت ولوحدهم مفيش حاجة تنفع يعنى الدين مامنعناش نصحى على اشعة الشمس والمطبخ ووووو هههههه ولا انتى عاوزانا نصحى على البصل والملوخية

هو في احلى من رحة البصل على الصبح كدة لما تشمها تفوقك وتخليك نشيط
ولا ريحة تقلية الملوخية يا روحي عليها
انا سمعت هينزلوا برفانات بروائح المطبخ المختلفة علشان السيدة العاملة اللي مقضياها دليفري ومعندهاش وقت تطبخ اواعداء المطبخ زي حالاتي ومش بيتعطروا بعطور الطبيخ الطبيعيه تتعطر بالبرفاانات الصناعية
وطبعا اي موضه جديدة بتنتشر بين بنات وسيدات مصر بسرعه

**zeka127** · 25-05-2009 01:21 PM

علشان كده الى بيتجوز اجنبيه بيبقى مبسوط بتدلعه ولو ملبستش الكاش مايوه يبقى فعلا دين وحياء لاكن هنا مبيلبسوهوش مجبرين ده الاغلبيه على ما اعتقد...

**Drift_Lover** · 25-05-2009 01:26 PM

هو في احلى من رحة البصل على الصبح كدة لما تشمها تفوقك وتخليك نشيط
ولا ريحة تقلية الملوخية يا روحي عليها
انا سمعت هينزلوا برفانات بروائح المطبخ المختلفة علشان السيدة العاملة اللي مقضياها دليفري ومعندهاش وقت تطبخ اواعداء المطبخ زي حالاتي ومش بيتعطروا بعطور الطبيخ الطبيعيه تتعطر بالبرفاانات الصناعية

[marq="2;up;3;alternate"]
No CommenTTTTTTTTTT

.
[/marq]

**compuland** · 25-05-2009 01:37 PM

المشاركة الأصلية كتبت بواسطة نور القمر

هو في احلى من رحة البصل على الصبح كدة لما تشمها تفوقك وتخليك نشيط
ولا ريحة تقلية الملوخية يا روحي عليها
انا سمعت هينزلوا برفانات بروائح المطبخ المختلفة علشان السيدة العاملة اللي مقضياها دليفري ومعندهاش وقت تطبخ اواعداء المطبخ زي حالاتي ومش بيتعطروا بعطور الطبيخ الطبيعيه تتعطر بالبرفاانات الصناعية
وطبعا اي موضه جديدة بتنتشر بين بنات وسيدات مصر بسرعه

ياسلام
هيه ناقصه اصلها برفانات بعطور الطبيخ الطبيعيه.

**نور القمر** · 25-05-2009 01:48 PM

انا عارفه ان الموضوع ده للتهريج والضحك والردود كمان
انا عندي سؤال بجد لكل الاعضاء اللي شاركوا بالموضوع
طبعا مفيش شك ان من حق الزوج يصحى الصبح على مناظر جميله وروائح اجمل
لكن فعلا انتم شايفين انكم هتكونوا اسعد حالاً لوزوجاتكم قلدوا بنات الغرب في كل حاجة حتى المايوهات ؟؟؟؟؟

**compuland** · 25-05-2009 01:56 PM

المشاركة الأصلية كتبت بواسطة نور القمر

انا عارفه ان الموضوع ده للتهريج والضحك والردود كمان
انا عندي سؤال بجد لكل الاعضاء اللي شاركوا بالموضوع
طبعا مفيش شك ان من حق الزوج يصحى الصبح على مناظر جميله وروائح اجمل
لكن فعلا انتم شايفين انكم هتكونوا اسعد حالاً لوزوجاتكم قلدوا بنات الغرب في كل حاجة حتى المايوهات ؟؟؟؟؟

هو اشمعنا المايوهات اللى ماسكين فيها
ممكن نعمل كل حاجه تانيه حلوة برضوا فى حدود الدين والعادات والتقاليد
ولا ايه؟

وان كان على المايوه ممكن يتلبس فى البيت بردو

**wesam_salom** · 25-05-2009 03:15 PM

لا تعليق

لانى لو اتكلمت هاجى فى صف الستات

والرجاله هتهدر دمى

**Karim_Monir** · 25-05-2009 04:13 PM

رغم عدم ميلي للاجتماعي اطلاقا لكن هارد:

فسوف يستيقظ الرجل من تحت اللحاف المشجر ويجد الحجرة ضلمة كحل لا داخلها شمس ولانور

لأن زوجته مقفلة الشبابيك عشان محدش يجيله نزلة برد رغم أن نزلة البرد مكمكمة في المنزل

ونفسها تلاقي باب شباك اتفتح عشان تخرج منه،

اللحاف المشجر هو اللي اختاره لما اختار عروسته والبيئة اللي جايه منها يبقي محدش يلوم الا نفسه
والاوضه ضلمة عشان البيوت والعمارات اللي لازقة في بعض ولو فتحت الشباك هايقولها انتي بتخلي الناس تبص عليكي وتبقي وقعتها سودة

ثم يمسك الرجل أنفه بسبب ريحه البصل وغلي اللحمة وهبو المطبخ

ماهو لو كان فكر من الاول وركب شفاط في المطبخ ماكنتش الريحة خنقته
ولو عملته توست وجبنه هايقولها ايه الكلام الفارغ اللي عاملاه ده

ثم ينزل من على السرير وهو يرتدي ترينج التوحيد والنور ليذهب إلى زوجته في المطبخ

والله كويس انها هيا اللي مستحملاه بترينج التوحيد والنور

ثم تحدف له الفوطة المتسخة المصرية الشهيرة وتقول له ارفع اللحمة من ع النار

فهي تجهز طعام الغداء منذ الصباح،

ماهو لو كان استضف وجاب جوانتي حراري ماكنش هايلاقي الفوطة (المصرية)في وشه (بقت المصرية هيا المتسخة لا والله ونعم الانتماء للي كاتب مش ناقل)
وهو صاحي الضهر بسلامته على اساس انه يوم اجازته ده لو يوم جمعة ماقامش يصلي ليه
ولو مش يوم جمعة كفاية انها واقفة في المطبخ من الصبح عشان بسلامته يتغدى
يبقي كتر خيرها بقي

وبالطبع كل ذلك وهي ترتدي جلابية وتحتها بنطلون وتيشيرت هاي كول صوف

برضه هو وذوقه اذا كان هو لابس من التوحيد والنور ماهي طبعا هاتلبسله تيل نادية
اووف على التفرقة العنصرية دي
اطبخي يا جارية كلف يا باشمهندس

مش هاكمل على الباقي لانه غير لائق اني ارد عليه لانه
لا يناسب عقائدنا ولا طباعنا كشرقيين

لكن كل فعل له رد فعل
واذا كان الكرش موجود فانت السبب فيه باكلك زي فرس النهر وعدم لعبك لرياضة
مش هيا السبب باكلها ومعرفش ايه
قليل من العدل يا سادة

الموضوع: سر تعاسه معظم الازواج

LinkBack

أدوات الموضوع

عرض

-

-

-

-

-

المواضيع المتشابهه

موقف الازواج و الزوجات(الغير اعضاء) في وقوع المنتدي

خاصية فى معظم العربيات الأوروبى

ليه معظم مواضيع الاوبل مشاكــــــــــــــل

اعترافات الازواج المفتريين

إلي كل الازواج و الزوجات

الكلمات الدلالية لهذا الموضوع

المفضلات

المفضلات

ضوابط المشاركة