الموضوع: عربيات أمريكاني تعبانة

صح الصح زمار الحى لا يطرب

ده حاجة خاصة بثقافة الشعوب. مثلا
في امريكا السفر بيبقي كتير والمسافات المقطوعة في الصحرا بين الولايات كبيرة جدا عشان كدة هما محتاجين عربيات قوية جدا و مش مهم البنزين لأن النتقال مش داخل المدينة غير في المدن الكبرى زي نيويورك و واشنطن غير كدة مشاوير من فيغاس للوس انجلوس وهكذا كمان نادرا ما يبقى في واحد اتولد و عاش في نفس الولاية من غير ما يسافر و يعيش في ولايات تانية.
في اوروبا البلاد صغيرة و غالبيتها اما مدن او أرياف (مش ذي الريف عندنا طبعا) بس الانتقال بيكون داخل المدينة عادة لذلك فهم محتاجبن عربيات موفرة في البنزين و هما بيهتموا بالبيئة وانبعاث ثاني أكسيد الكربون والهجس ده.
في مصر المحروسة بقى احنا أهم حاجة المنظرة والفشخرة على الفاضي يعني نجيب عربيات صيني عشان الكاسيت بشاشة dvd و في شاشتين في الكراسي اللي ورا و حيبوظوا كمان كام شهر بس مش مشكلة .
بنشتري عربيات تقفيل مصري سعرها أغلى من تقفيل بلدها في بلدها.و ممكن واحد يشتري bmw و أعلى من 2000 سي سي ومش حيستعملها غير جوة البلد و حيدفع فلوس قد تمنها بنزين بس على قلبه زي العسل عشان يتمنظر بيها ( طبعا في ناس بتشتري اللي شايفه انها محتاجاه مع العلم انهم يقدروا يشتروا أكتر من كدة و في ناس بتشتري عربيات bmw و مرسيدس وهما محتاجين كل ميزة في العربية و بيستخدموها أقصى استخدام ).
المهم احنا مش عارفين احنا عايزين ايه من العربيات اللي حنشتريها

المشاركة الأصلية كتبت بواسطة otefa

اسمحولي
الفيات مابتدخلش امريكا علشان حاجة ثانية خالص ,المواصفات القياسية للتلوث ,لازم العربيات تجتاز مواصفات(
united states emission standards)

وافيات بتجتاز بس المواصفات الاوربية(

(european emission standards


عندنا وفي 99% من دول الشرق الاوسط وعرفين طبعا مين 1% الي فاضلة مفيش اي مواصفات مطبقينها يعني ماشاء الله اعلي درجات التلوث علشان كدة اي عربية مش عارفين يصرفوها في الدول المحترمة يجبوهلنا ماحنا مش فارقة معانا:_alshmokh11:

حضرتك جبت الكلام ده منين؟

المواصفات الأوروبية أعلي من نظيرتها الأمريكية في مجال التلوث.

يمكن تقصد فئات فيات الموجهة للعالم النامي (باليو و سيانا و بترا) لكن (بونتو و برافو و 500 و ما على شاكلتها) سيارات منافسة على المستوى الأول.

ألفا روميو موجودة في أمريكا و هي تستعمل نفس مواتير فيات لماذا لم تمنع؟

فيات ملهاش سوق في أمريكا مثلها مثل فولكس المتواجدة عن استحياء ممثلة في الجولف.

المشاركة الأصلية كتبت بواسطة فادى

الفيات مبتدخلش امريكا مش عشان مواصفات الانبعاثات, لأن المواصفات الأوروبية أعلى من المواصفات الأمريكية, و فيات متوافقة مع المواصفات الأعلى, و بالتالى من السهل توافقها مع المواصفات الأمريكية الأقل.
الفيات و البيجو و السيتروين و الرينو استبعدوا من السوق الامريكى لأسباب أخرى, أكثرها سياسية على ما اعتقد, و تقريبا لا يوجد سيارة أوروبية من الفئة الاقتصادية فى الولايات المتحدة سوى الفولكس فقط, و وجودها محدود بشكل كبير.
لكن فيات سوف تعود فى عام 2010 الى السوق الأمريكية بعد غياب طويل, عبر مصانع و موزعين كرايزلر, و غالبا سوف تبيع هناك فيات 500 و فيات جراند بونتو و الباندا, و الألفاروميو 157 و الميتو, كما سوف تباع بعض سياراتها تحت علامة كرايزلر, بعدما اشترت فيات 20% من اسهم كرايزلر لمساعدتها على الخروج من ازمتها المالية.
و عموما فيات لها وجود قوى فى السوق الأمريكى عبر فيرارى و مازيراتى, و الذين يحققون مبيعات جيدة رغم ارتفاع اسعارهم, و المازيراتى كانت مفاجأة الأعوام الماضية حيث أصبحت احدى اكثر السيارات الفارهة مبيعا فى الولايات المتحدة.
بالنسبة للسيارات الأمريكية, فهى تعانى فعلا على صعيد الاعتمادية, لكن مش كلها, و الأمريكانى مش كلو فى سلة واحدة, الأمريكان بيكرهوا كرايزلر و ساتورن و بونتياك و فورد, لكن فى المقابل هناك سيارات أمريكية سمعتها فوق الوصف و محبوبة جدا زى شفروليه (معشوقة الأمريكيين و الأكثر مبيعا فى مجموعة جنرال موتورز), و جيب, و بويك و ميركورى.
أما اليابانى فلهوندا و تويوتا(فقط) سمعة جيدة فى الولايات المتحدة لكن الكثيرون هناك بدأو فى التذمر من سيارات تويوتا المملة و السخيفة و الفقيرة تكنولوجيا, و هم يقولون عنها boring cars و بلا روح soulless.

+1000000