عايز عربية اتوماتيك اعتمادية..اختار ايه

السلام عليكم
انا عايز مساعدتكم لانى معرفتى بالعربيات بسيطة جدا

انا عايز عربية اتوماتيك تكون تستحمل لانى فى خلال سنة ونص شغلى حيتنقل 6 اكتوبر وانا فى مدينة نصر

مليش فى الميكانيا نهائيا ولا عندى وقت ...فعايز حاجة تسندنى وتكون محترمة (بفضل يابانى لكن ممكن اغير راى)


عيلتى صغيرة بس مش عايز برده حاجة نقدر ناخد حد معانا او نشيل شنط (عربيتى الحالية صغيرة) وانا طويل اوى فلازم يبقى فى براح:Ta_clap[1]:

العربية بالقسط فالميزانية ممكن تكون مرنة شوية لان الفرق فى السعر مش حيبان اوى فى القسط يعنى ممكن تلاقى 200 جنيه فرق

الميزانية من 100 - 130 الف

الحقيقة انا مبهتمش بالكماليات ولا الشكل بس المهم العربية تبقى ليها سمعة كويسة وممكن تتباع بسهولة


قدامى شوية اقتراحات لكن الموضوع مفتوح لاى اقتراح جديد

الياريس: بس سعرها كان غالى ولسه غالى اوى ومستخسر ادفع 105 فى عربية 1300 سي سي

التريوس: محترمة وجميلة بس تقريبا على الميزاينة دى مش حتبقى دفع رباعى بس الحقيقة بيقولوى بلاش التريوس علشان سنك صغير والناس حتقعد تنبر وهى قسط اصلا:beatdeadhorse5:

السيتى: اغلاهم تقريبا


لانسر القديمة: سمعتها كويسة بس الشكل خلص بقاله اكتر من سنة فحتبقى قديمة اوى لكن مفيش مشكلة


افانزا: مش معروفة وشكلها غريب شوية بس تعتبر ارخصهم بس مش منتشرة وتقييمها مش اوى وخاصة فى الثبات


سمعت ان المازدا ممكن تكون فى نفس الفئة السعرية بس معرفش عنها حاجة وبسمع عن السيراتو وبرده مش عارف حاجة وبرده فكرت فى الماتيرا بس طبعا حخد تريقة للصبح



ايه رايكم ولو حد عنده اقتراحات تانية

شكرا لكم

انا اظن ان حضرتك ممكن تجيب كورولا خليجي وممكن كسر زيرو
متهيألي هيا دي العربيه اللي ممكن تلاقيها تعطيك اغلب او كل اللي انت قولت عليه
انا رايي كورولا من الأخر وانسى العربيه بجد

اخ عبد الله اهلا بيك
قصدك كورلا جديد خليجى؟ تعمل كام تقريبا
طيب ومشكلة الصيانة والضمان بتتحل ازاى؟

اقتباس:

---

المشاركة الأصلية كتبت بواسطة ahmed4000

اخ عبد الله اهلا بيك
قصدك كورلا جديد خليجى؟ تعمل كام تقريبا
طيب ومشكلة الصيانة والضمان بتتحل ازاى؟

---

موضوع الضمان ده انساه في الكورولا بجد
يعني متقلقشي الخليجي مغرقه الدنيا ولا الهوا
ده غير ان في معارض من اللي بتبيع تقريبا بتضمن العربيه وهيا مش محتاجه اصلا

اما عن سعرها
فلا اعلم بالظبط كام دلوقتي
بس انا بشوف منها كسر زيرو معروض على النت بــ 130 الف تقريبا

طيب حشوف الخليجى ينفع تقسيط مع البنك بتاعى ولا لا
حد عنده راى تانى

انا راى الشخصى خاليك فى الزيرو وخد لانسر 1600الشكل القديم عربيه كويسه جدا

think about Nissan Tiida Or Sokda Roomster, both are very good

بفضل الاوبل فيكترا

من اللي حضرتك ذكرتهم

اختياري الاول هيكون التيريوس

اختياري التاني هيكون النيو سيراتو

و ربنا يوفقك لما فيه الخير لك

مادام مش فارقه معاك ولا شكل ولا كماليات

هات لانسر 1600

عربيه اعتماديه واعطال شبه غير موجوده

انا من راى الخاص مازدا 3 طبعا
فيها حاجات كتيرة حلوة بس الضمان مشكلتة هتتحل كمنا كام شهر معدودين

مبدائيا في الي انت قلتهم
لانسر تكسب كل دول.........
بلاش التريوس لان ثباتها مش كويس وانت بتمشي 6 اكتوبر كل اليوم
الماتيريا مشكلتها شكلها بس بصراحه العربيه كويسه جدا
الياريس تخرج بره المقارنه اساسا
هوندا سيتي ...معرفش عنها حاجه
الافانز.....معتقدش
السيراتو حلو جدا وفيها كل اللي بتقوله....بس لو انت دماغك بتقول ياباني وغيره مش حتبقي مستريحلها
الكورولا كسر الزيرو خليجي او مصرع ....كويسه بس شوف البنك ....لان معظم البنوك بترفض تقسيط كسر الزيرو
المازدا متنفعش معاك لانها عند التحميل بتخبط الارض ...الا لو ده مش فارق معاك ومش واسعه من كنبتها
فيه اقتراح تاني وهو ....نيسان تيدا سواء الهاتش باك او السيدان
العربيه ياباني وممتازه وحلوه وثباتها بيشكرو فيه...وممكن ترجع لقسم نيسان حتشوف تققيمها بنفسك
الهاتش باك الفل اوبشن بلاس ب 127500
وممكن ارخص كمان وفيها ميزه ان الكنبه بتطلع لقدام وبتتحرك زي الكراسي بتدي مساحه للشنطه وقابله للطي
والعربيه واسعه جداجدا
علي فكره انا معايا النيو سيراتو

ممكن الانسر الشكل القديم او سيراتو الجديدة او القديمة او الجين 2 وابعد عن الياريس لانها خسارة فيها السعر ده وكذالك التيريوس ثباتها وحش والموتور 1500 سي سي وبيتاثر بالتكييف وسحبها مش قد كده

التدا 1600 ياباني اعتمادية جوده

فيات جراند بونتو

1400 سي سي 77 حصان
عربية ب 90000 جنيه بس تعد فيها تحس انها ب 200000 جنيه
شوفها و حطها في اعتبارك

الجراند سعرها نزل 3000 ومن فترة شفتها في الجرايد بسعر اقل من 87

كرولالالالالالالالالالا بالتاكيد

بيرسونا1600cc ‎‏ أوتوماتيك فول أوبشنز ب 91000:
شكل رائع و إنسيابى جدا‎ ‎‏ مش منتشر
موتور قوى 110 حصان
ثبات أكثر من رائع
و عوامل أمان كتيره
كماليات كتير جدا على السعر ده:
1 2إير باج
2 كاسيت بلو بنكت mp3‎وأربع سماعات
3 طارة إسبور مع مالتى فانكشن
4 جنوط إسبور 15 205/60
5 فوانيس شابورة أمامى
6 فانوس فرامل خلفى
7 زجاج حرارى خلفى
8 4 زجاج كهربا
9 2 مرايا كهربا بلون العربية
10 سنتر لوك بيقفل أوتوماتيك أول ماتطلع بالعربية وتدوس فرامل
11 2 مفتاح ريموت و بيفتح الشنطة
12 كمبيوتر رحلات
13 باور بيفصل أوتوماتك بعد 90
14 إمكانية طى الكنبة الخلفية وتبقى جزء من الشنطة
15 فتح الشنطة والتانك من الداخل
16 إمكانية التحكم فى درجة إضاءة التابلوه
17 فرامل ABS ‎‎& EBD
....*أهم حاجة
*علو العربية عن الأرض 16.5 سم
*وزن العربية 1200 كجم يعنى ثبات
*تابلو أكثر من رائع
*إستهلاك بنزين 6.8 لتر لكل 100كم بالنسبة للأوتوماتيك
*صاج العربية سمكه 0.8

اقتباس:

---

وانا طويل اوى فلازم يبقى فى براح

---

اقتباس:

---

الميزانية من 100 - 130 الف

---

نيسان تيدا

عربية محترمة
هادئة جداً .. ماشاء الله
واسعة جداً
مريحة
من كلام واحد صاحبي : اسعار قطع غيارها منافسة

و حضرتك اسأل عليها برضه.. و بالتوفيق إنشاء الله

مادام مش فارقه معاك ولا شكل ولا كماليات


لانسر 1600

و لو مش لازم ياباني هات أوبترا.......سعرها حلو و مريحة و واسسسسسععععة

وعندك النيسان الصنى super salon عربية ممتازة
وفيها أوبشن مش موجود فى ولاة عربية من دول وهى أن فيها مريات ضم كهرباء

انا مش هافسحك و اديلك اختيارات خارج اللي اقترحته

انت عايز :

عربية بدون أعطال + عربية متوسط سعرها 115 الف + لا تهتم بالشكل ولا الكماليات الكثيرة+ اعادة بيع جيدة+ مش عايز عربية حد يقر عليها كتير + تستحمل عائلة متوسطة ...صح

انت بتقول لانسر بوما 1600 بس مش واخد بالك

انا لو مكانك اقرص على نفسى شوية واجيب الامبريزااااااااااااااااا ا
حقيقى عربية ملهاش حل ... ثبات تحفة بمعنى الكلمة
دفع رباعى هتفيدك اوى علشان اكتوبر مش ضامن مشاوريك جواها
وقت الجد والشد متشتكيش متهكعش منك ولا تشتكى
كفاية انها من عيلة سوبارو

Nissan Tiida


http://car-reviews.automobile.com/im...s/30723/01.jpg


http://img2.netcarshow.com/Nissan-Ti...llpaper_08.jpg

اللي افضل من كل اللي ذكرتهم دول من وجهة نظري هي :
هيونداي النترا
عربية محترمة و شيك جدا و مافيهاش عيوب

اقتباس:

---

المشاركة الأصلية كتبت بواسطة ahmed4000

السلام عليكم
انا عايز مساعدتكم لانى معرفتى بالعربيات بسيطة جدا

انا عايز عربية اتوماتيك تكون تستحمل لانى فى خلال سنة ونص شغلى حيتنقل 6 اكتوبر وانا فى مدينة نصر

مليش فى الميكانيا نهائيا ولا عندى وقت ...فعايز حاجة تسندنى وتكون محترمة (بفضل يابانى لكن ممكن اغير راى)


عيلتى صغيرة بس مش عايز برده حاجة نقدر ناخد حد معانا او نشيل شنط (عربيتى الحالية صغيرة) وانا طويل اوى فلازم يبقى فى براح:ta_clap[1]:

العربية بالقسط فالميزانية ممكن تكون مرنة شوية لان الفرق فى السعر مش حيبان اوى فى القسط يعنى ممكن تلاقى 200 جنيه فرق

الميزانية من 100 - 130 الف

الحقيقة انا مبهتمش بالكماليات ولا الشكل بس المهم العربية تبقى ليها سمعة كويسة وممكن تتباع بسهولة


قدامى شوية اقتراحات لكن الموضوع مفتوح لاى اقتراح جديد

الياريس: بس سعرها كان غالى ولسه غالى اوى ومستخسر ادفع 105 فى عربية 1300 سي سي

التريوس: محترمة وجميلة بس تقريبا على الميزاينة دى مش حتبقى دفع رباعى بس الحقيقة بيقولوى بلاش التريوس علشان سنك صغير والناس حتقعد تنبر وهى قسط اصلا:beatdeadhorse5:

السيتى: اغلاهم تقريبا


لانسر القديمة: سمعتها كويسة بس الشكل خلص بقاله اكتر من سنة فحتبقى قديمة اوى لكن مفيش مشكلة


افانزا: مش معروفة وشكلها غريب شوية بس تعتبر ارخصهم بس مش منتشرة وتقييمها مش اوى وخاصة فى الثبات


سمعت ان المازدا ممكن تكون فى نفس الفئة السعرية بس معرفش عنها حاجة وبسمع عن السيراتو وبرده مش عارف حاجة وبرده فكرت فى الماتيرا بس طبعا حخد تريقة للصبح



ايه رايكم ولو حد عنده اقتراحات تانية

شكرا لكم

---

اولا: انا لي راي شخصي في الموضوع ده ...لان حصلي نفس حالتك وعملت اللي هقولك عليه، طالما انك تقدر تدفع في عربية من 100 الى 130 الف ..فاحسن حاجة انك تشتري شقة في 6 اكتوبر وهتلاقي شقق كويسة جدا بالسعر ده...
ثانيا:انت لو جبت عربية وعشان تروح بيها يوميا من مدينة نصر الى 6 اكتوبر يعني بتتكلم في 160 الى 200 كيلو يوميا رايح جاي يعني هتعمل في السنة 52000 الف كيلو تقريبا (حسبت الشهر 22 يوم عمل)..يعني في خلال سنتين فقط العربية هتكون عاملة تقريبا 100 الف، يعني بقت قديمة ومستهلكة..هتبيعها هتخسر ثلت ثمنها ده لو فضلت بحالتها ومحصلهاش اية مضاعفات ..ناهيك عن حرقة الدم في السواقة اليومية وخصوصا في مشوار زي مشوارك...
وده رايي واتنمى لك التوفيق في اختيارك

انا راي بروتون برسونا عربية ممتازة في كل شئ وعيوبها قليلة جدا

اقتباس:

---

المشاركة الأصلية كتبت بواسطة enas75

مبدائيا في الي انت قلتهم
لانسر تكسب كل دول.........
بلاش التريوس لان ثباتها مش كويس وانت بتمشي 6 اكتوبر كل اليوم
الماتيريا مشكلتها شكلها بس بصراحه العربيه كويسه جدا
الياريس تخرج بره المقارنه اساسا
هوندا سيتي ...معرفش عنها حاجه
الافانز.....معتقدش
السيراتو حلو جدا وفيها كل اللي بتقوله....بس لو انت دماغك بتقول ياباني وغيره مش حتبقي مستريحلها
الكورولا كسر الزيرو خليجي او مصرع ....كويسه بس شوف البنك ....لان معظم البنوك بترفض تقسيط كسر الزيرو
المازدا متنفعش معاك لانها عند التحميل بتخبط الارض ...الا لو ده مش فارق معاك ومش واسعه من كنبتها
فيه اقتراح تاني وهو ....نيسان تيدا سواء الهاتش باك او السيدان
العربيه ياباني وممتازه وحلوه وثباتها بيشكرو فيه...وممكن ترجع لقسم نيسان حتشوف تققيمها بنفسك
الهاتش باك الفل اوبشن بلاس ب 127500
وممكن ارخص كمان وفيها ميزه ان الكنبه بتطلع لقدام وبتتحرك زي الكراسي بتدي مساحه للشنطه وقابله للطي
والعربيه واسعه جداجدا
علي فكره انا معايا النيو سيراتو

---

استاذي الكريم مين اللي قال ان التريوس ثباتهاتها مش كويس ...... بص انا الوالد واصحابي شغالين في توكيلات غير اني مهتم جدا بالعربيات من كل النواحي ..... في الرانج ده يبقى التريوس والمنافس الوحيد مع الفارق هو الفورد فوكاس ولو تقدر تعلى شوية تبقى الهوندا سيفيك ..... ماتفكرش دي عن خبرة وتجربة

هيونداي النترا وعلى حظك الحلو النهادره غبور نزل النترا بعرض جديد ( النترا ب abs+ ايرباجز للسائق والراكب الامامي) بسعر كويس. وكده العربية مش ناقصها حاجة.

والله جت في الوقت المناسب ليك.

الالنترا ما شاء الله عربية ممتازة واعتمادية وقليلة المشاكل.

لو 130 الف يبقى ليه تتعب نفسك بالتفكير وعندك الكورولا فعلا الكورولا عربيه من اجود ما يمكن فعلا تويوتا ابدعت فيها لو 100 الف النترا لو 90 الف يبقى البيرسونا وعلى فكره البيرسونا عربيه قيمه ومصنوعه باحترافيه

عليك وعلى السيراتو

الكورولا العربية الإعتمادية رقم واحد في العالم كله ومصر والخليج وآسيا وأمريكا الجنوبية وفي كل دول العالم عارفين ان الكورولا رقم واحد في الإعتمادية.

والف مبروك مقدماً

السيراتو من غير منافس

السيراتو عربية ممتازة