الموضوع: حجز الشوارع للركن (ضروري حد يفيدني)

المشاركة الأصلية كتبت بواسطة mam2

طبعا كلكم عارفين موضوع حجز الشوارع
كل واحد يجيب له عمودين حديد و يحفر الشارع و يثبتهم عشان يبقى مكانه الخاص للركنة

و أنا خلاص زهقت مش لاقي مكان في أي جراج و كمان الشارع كله محجوز و بالتالي بركن بعيد و العربية كل يوم فيها حاجة شكل

أنا أعرف ان موضوع الحجز ده غير قانوني

فممكن حد يفيدني أشتكي فين و آخد حقي ازاي (على أمل ان البلد لسة فيها قانون)

ده في واحد منهم بيسيب مكانه محجوز و يركن في مكان تاني عشان بيكسل يفك الحديد بتاعه
و واحد تاني اتخانق معايا عشان ركنت في مكانه (كان ناسي يحط الحديدة طبعا)

بجد أعصابي تعبت خلاص

سيادتك تطلع على الحي التابع له
وتعمل شكوى مكتوبة توضح فيها المشكلة والعنوان وإسم الفاعل الذي قام بوضع الخوازيق
وبعد كتابة الطلب وتسليمه تطلب رقم الطلب مهم جداً

اكتر شي بيستفزني بالشارع المصري

كل واحد يجيبله عامودين و يرزعهم في الشارع وهو هيك يبقي امتلك الكام متر هادول و ممكن كمان يورثهم لاحفاده...ماهو اشتري الشارع بقي.

و الله فعلا اجمل حل للناس اللي متل هادول انو الواحد يبلغ عنهم عشان يتعظوا

فاهمين الدنيا غلط و اننا عايشين في غابه و كل واحد ياخد اللي يقدر عليه بدراعه.

شي يقرف

المشاركة الأصلية كتبت بواسطة ak1981

بدون زعل

العمارة بتاعتك و ملكك و محدش ساكن غيرك على عيني و راسي

طيب و الضيوف و الزوار و عابري السبيل و الناس اللي جاية المنطقة تقضي مصلحة ما؟

بمنطقك ده يبقى كل واحد يركن تحت بيته و ما يروحش بعربيته في أي حتة لأن أي حتة هيروحها هيلاقي اصحاب البيوت بيقولوا له ما تركنش هنا عشان ده بيتنا و ملكنا و محدش ساكن غيرنا

و ايه يعني لو واحد من شارع تاني ركن و غطى قدام بيتكم؟


على فكرة ....... لا الرصيف ملكك و لا تحت الرصيف قدام البيت ملكك

دي ملكية عامة ... و الشارع ده مرصوف بفلوسنا كلنا

و ده شرعا قبل ما يكون قانونا ..... و الاحاديث في حق الطريق كثير


ايه شعورك اما تروح مكان زحمة عشان تقضي مصلحة (دكتور, بنك, معمل تحاليل, محل تشتري منه حاجة ...... إلخ) و تلاقي كل الاماكن محجوزة و تقعد تلف ساعتين على ركنة؟

+10000000000

الله يفتح عليك

انا كنت بسال ياجماعة الماسورتين الحديد دول بجبهم منين؟ انا عايزهم لاني فعلا قرفت من الغباء المتمثل في الناس دلوقتي عشان احطهم قدام الجراج بدل الطوب اللي كل واحد ظريف بيشيلوا عشان يركن عربيته قدام الجراج واتفلللأ انا.
شكرا