حجز الشوارع للركن (ضروري حد يفيدني)

**mam2** · 25-05-2009 12:10 PM

طبعا كلكم عارفين موضوع حجز الشوارع
كل واحد يجيب له عمودين حديد و يحفر الشارع و يثبتهم عشان يبقى مكانه الخاص للركنة

و أنا خلاص زهقت مش لاقي مكان في أي جراج و كمان الشارع كله محجوز و بالتالي بركن بعيد و العربية كل يوم فيها حاجة شكل

أنا أعرف ان موضوع الحجز ده غير قانوني

فممكن حد يفيدني أشتكي فين و آخد حقي ازاي (على أمل ان البلد لسة فيها قانون)

ده في واحد منهم بيسيب مكانه محجوز و يركن في مكان تاني عشان بيكسل يفك الحديد بتاعه
و واحد تاني اتخانق معايا عشان ركنت في مكانه (كان ناسي يحط الحديدة طبعا)

بجد أعصابي تعبت خلاص

**abzoabzo** · 25-05-2009 12:31 PM

فى ظل الانحطاط وعدم توافر الذوق فى عامة الشعب حجز مكان للعربية قبل ماتشتريها اهم امالك ومتخفش الشرطة مش فاضيالنا مشغولة بحاجات اهم مننا

**HeMa_LanCeR** · 25-05-2009 12:52 PM

لو حاطط عواميد حديد
اتفضل اطلع علي الحي الخاص بك
وهما هيقومو بالواجب
انا كل اسبوع بخليهم يشيلو 3 او 4 عواميد من الشارع
ولو حاطط حجر شيله واركن وابقي خليه يتكلم بقي
اعمل زيي كده لسه متخانق مع واحد بسبب الموضوع ده
والباشا طالعلي الساعه 4 الفجر علشان اشيل عربيتي روحت قفلت الباب في وشه
وتاني يوم شلت عربيتي وحطيتله عربيه 128 مش بنستخدمها وبقالها 11 يوم واقفه مكانه
لدرجه انه بلغ عنها الحكومه وقال انها مسروقه ولما الحكومه عرفت انها بتاعتي مشيت وبقي هو واقف هيتجنن
شعب غريب جدااااااااااااااااااااااا ااااااااااااااا

**hossaam** · 25-05-2009 01:17 PM

اهو موضوع الحجز بالحديد والسلاسل وقوالب الطوب
من مظاهر الهبل في الشارع المصري للاسف

حاجة تقرف

**A.Saad** · 25-05-2009 01:23 PM

قانون المرور الجديد فيه مخالفة للموضوع ده
ممكن تظبطوا فيه

**M_Nabil** · 25-05-2009 01:35 PM

" مادة 81 مكررا (2) :
مع عدم الإخلال بأية عقوبة أشد فى أى قانون أخر ، يعاقب كل من أقام مطبا صناعيا دون ترخيص ، أو قام بغلق مكان ، أو اقتطاع ، أو احتجاز ، أو منع استخدام جزء من نهر الطريق بشكل يؤدى إلى تضييقه ، وإعاقة المرور ، أو تعريض الأرواح أو الأموال للخطر ، بالحبس مدة لا تزيد على سنة وبغرامة لا تقل عن ألف جنيه ، ولا تزيد على ثلاثة آلاف جنيه . أو بإحدى هاتين العقوبتين وتضاعف العقوبة السالبة للحرية ، والغرامة المالية عند العود لارتكاب الفعل خلال سنة من تاريخ الحكم النهائى بالإدانة .

ولضباط المرور المختصين والأمناء والمساعدين إزالة أسباب المخالفة على نفقة المتسبب بالطريق الإدارى ."

عاوز تظبط الناس دى صح يبقى اطلاع على الحى وقدم شكوى واطلاع على القسم واعمل محضر وقولى حصل معك ايه :)

**jisso82** · 25-05-2009 02:33 PM

المشاركة الأصلية كتبت بواسطة HeMa_LanCeR

لو حاطط عواميد حديد
اتفضل اطلع علي الحي الخاص بك
وهما هيقومو بالواجب
انا كل اسبوع بخليهم يشيلو 3 او 4 عواميد من الشارع
ولو حاطط حجر شيله واركن وابقي خليه يتكلم بقي
اعمل زيي كده لسه متخانق مع واحد بسبب الموضوع ده
والباشا طالعلي الساعه 4 الفجر علشان اشيل عربيتي روحت قفلت الباب في وشه
وتاني يوم شلت عربيتي وحطيتله عربيه 128 مش بنستخدمها وبقالها 11 يوم واقفه مكانه
لدرجه انه بلغ عنها الحكومه وقال انها مسروقه ولما الحكومه عرفت انها بتاعتي مشيت وبقي هو واقف هيتجنن

شعب غريب جدااااااااااااااااااااااا ااااااااااااااا

+100000000000000000000000000000000000 بجد جدع

**kh_talaat** · 25-05-2009 03:14 PM

المشاركة الأصلية كتبت بواسطة M_Nabil

" مادة 81 مكررا (2) :
مع عدم الإخلال بأية عقوبة أشد فى أى قانون أخر ، يعاقب كل من أقام مطبا صناعيا دون ترخيص ، أو قام بغلق مكان ، أو اقتطاع ، أو احتجاز ، أو منع استخدام جزء من نهر الطريق بشكل يؤدى إلى تضييقه ، وإعاقة المرور ، أو تعريض الأرواح أو الأموال للخطر ، بالحبس مدة لا تزيد على سنة وبغرامة لا تقل عن ألف جنيه ، ولا تزيد على ثلاثة آلاف جنيه . أو بإحدى هاتين العقوبتين وتضاعف العقوبة السالبة للحرية ، والغرامة المالية عند العود لارتكاب الفعل خلال سنة من تاريخ الحكم النهائى بالإدانة .

ولضباط المرور المختصين والأمناء والمساعدين إزالة أسباب المخالفة على نفقة المتسبب بالطريق الإدارى ."

عاوز تظبط الناس دى صح يبقى اطلاع على الحى وقدم شكوى واطلاع على القسم واعمل محضر وقولى حصل معك ايه :)

الله ينور يا باشا :k32:

وفعلا الموضوع دة زاد قوي والناس توحشت وقانون الغاب بقى هو اللي بيحكم لكن وصدقوني والله لو كل واحد بقى ايجابي وبلغ عن الحالات دي الناس دي هتتلم لأن الناس دي تخاف ما تختشيش وانا شوفت حالات قبل كدة وناس بلغت عنها وجت الشرطة وشالت الخوازيق دي وأصحابها مقدروش يقولوا بم ومكرروهاش تاني ابدا .... يعني من الآخر الحكاية محتاجه شوية إيجابية مننا

**Karim_Monir** · 25-05-2009 03:21 PM

شوف لو الحى اللي انت ساكن فيه ممكن يستجيب طبعا بلغ مرة واتنين وشوف
لو ساكن في منطقة عشوائية او منطقة الحي بتاعكم مش فاضيلكم
اعمل زيهم ماهو مفيش فايدة
وهاقولك على طريقة ظريفة
هات ماسورتين قطر كبير مفرغين وااحفرلهم واغرزهم في الارض وساويهم بالارض بالظبط(نتاية) ويكون في شفتها خرم لقفل صغير

والماسورة التانية (العاشق) تشيلها في شنطة عربيتك لما تركن واول ما تخرج تركبها مكان وتورح مشوارك
طبعا ماسورتين على قدر مقاس عربيتك
ولما تشيلها تقف فوقيهم مش جواهم عشان لو جت بلديه ماتعملكش مشكلة ولا محضر