موضوع الفصال في اسعار العربيات الزيرو

**جمال** · 28-06-2008 01:28 AM

لسه امبارك شارى عربية لبنت اخى وفاصلت مع صاحب الصاله ( اصله معرفة ) ونزل الف جنيه من ثمن العربية و كمان ادانا النمر التجارية مجانا لحد انتهاء الورق و الترخيص

**Yarisawy** · 25-07-2008 11:56 AM

يا جماعه انا عايز اعرف طبعا كل الكلام ده للعربيات الكاش ... مفيش حد نزل لو هايجيب عربية تقسيط ؟؟؟

**دموع الثلج** · 06-08-2008 12:17 AM

لما رحت اشترى عربيتى من المعرض طبعا بيكون بسعر اغلى من سعرها فى التوكيل بحوالى الفين او ثلاثه الالف

فاصلت مع صاحب المعرض وخدتها بسعر ااقل من سعر التوكيل ب 500 جنيه

وبعدين اللى بيشتغل فى المعرض قالى ان التوكيل بيدى المعرض خصم بسعر 3000 جنيه ااقل من سعر العربيه فى التوكيل
فالمعرض حتى لو باعها بسعر التوكيل يبقى برضوا كسبان فيها

**M_HaFeZ** · 20-08-2008 08:30 AM

انا بقى شفت السافى فى الشارع عندنا وكان لونها احمر
اللذيذ فى الموضوع انى اول ماشوفتها مفكرتش ... وبصوت مرتفع لصاحبى اللى كان معايا
ساااااااااافى :)

**Osama_soliman** · 03-11-2008 10:34 AM

لازم تفاصل وتفاصل وتفاصل

المعرض بيكون كسبان اد كده فى العربية

بس طبعاً بعد ما تسأل فى معارض كتير وتعرف اقل سعر للعربية وتقرب له

**HAMADA3110** · 01-06-2011 02:44 AM

ألعن حاجة الفصال بالنسبة للتجار
بس لازم تـــــــفـــــــــاصـــــ ـــــل

**aminibrahim** · 01-06-2011 03:07 AM

المشاركة الأصلية كتبت بواسطة tutankhamoun

لاءة ممكن يكون الكلام على نفس العربية لأسباب كتيرة
سوق العربية واقف
موديل قديم و محدش عايز يشتريه
و شوفتها بعيني في عربيات كتيرة
سيتروين .,.... أوكتافيا ....... بي إم ....
التاجر لو أدرك أن سلعته هاتقعد كتير مركون فبيضطر أنه يبيع من غير مكسب علشان يأخذ الفلوس يصرفها في حاجة تانية

و ده في حالة إن السلعة تكون غير مطلوبة
على عكس السلعة المطلوبة اللي التاجر بيبالغ في سعرها زي بعض الحاجات الياباني

--------------------------------------------------

للآسف أنا بكره الفصال جدا ........... و ليه التاجر يحط مبلغ زيادة على ثمن العربية تحسبا للفصال ؟؟؟
طيب ما يحط السعر الرسمي ............ و خلاص و يبقى سعر واحد لكل الناس
مفيش حاجة مظبوطة في البلد دي
ثقافة البيع و الشراء كلها غش في غش و كدب و نصابين
البياع يعملك البحر طحينة علشان يبيع و ملوش دعوة أنت تعبت في الفلوس دي أد أيه
التاجر عايز يكسب أكبر مكسب ممكن بغض النظر عن المبالغة في السعر
تاجر تاني يستورد عربيات من غير ضمان و أصحابها بيلوصوا بعد كدا
عميل يخرب حاجة في العربية و يبقى عارف و متأكد مليون % إن المشكلة بسببه و يوقولك خليك ناصح ...... لبسها للتوكيل
و في الآخر لا يوجد مصداقية ما بين الوكيل و العملاء
و الكل بيغش الكل
و مفيش أخلاق ............ و مفيش أمانة

الله يرحم أيام الأخلاق و الأمانة و الذمة

وليه متقولش ان الزبون هو الي بيبقي اهبل وعايز يشتر ومستعجل انا حصل معايا كده لكن الزبون التقيل تقيل

**calipha3** · 04-10-2012 02:08 AM

لسه هفاصل ياراجل كبر مخك

**maheralsisi** · 04-10-2012 02:11 PM

انا مش هاتكلم ع الفصال انا هاتكلم على المعارض
من حوالى 4 شهور كنت بادور على عربية و لفيت معارض كتير جداااااا
و كنت باخد اسعار اقل من الوكيل بالفين و تلاتة و الله من غير فصال ده من فم مندوب البيع
و اكيد لو فاصلت كنت هانزل اكتر من كده ده غير التسهيلات الخرافية فى التقسيط اللى بيوفرها لك المعرض عشان العمولة طبعا عمولة بيع عمولة من البنك اللى هاتقسط معاه عمولة من شركة التامين اللى هاتامن معاها فى بعض الاحيان بيوجهك (او بيفرض عليك شركة معينة)
وواحد زميلى لما جه يشترى و قالهم انا هأمن عند شركة تبعى قالوا له العربية هاتزيد فى السعر مش فاكر تقريبا الف او الف و نص
بس كذا واحد من اصحابى قالولى روح الوكيل احسن حتى لو هاتدفع اكتر او ع الاقل موزع معتمد للوكيل و ابتديت الف ع الوكلاء كمااااان .... تعب قلب
المهم الوكيل ما رضيش ينزلى جنيه و بيتعاملوا بتناكة التنين بس ما يتدخلوش معاك لا فى البنك و لا التامين يعنى انت اللى بتدوخ
بس العربية فعلا فيها فرق بين التوكيل و المعرض يا اما الكاسيت مختلف مش بتاع التوكيل يا اما عاملة كيلو كتير يا اما الفينيش مش هو
طبعا دى الحاجات اللى ظاهرة الله اعلم ايه اللى مش ظاهر
خبطة فى الشاسيه - عوجة فى المقصات ؟ الله اعلم

مشاهدة نتائج الإستطلاع: تفاصل في تمن العربيه الزيرو و انتا بتشتري؟

الموضوع: موضوع الفصال في اسعار العربيات الزيرو

LinkBack

أدوات الموضوع

عرض

-

-

-

-

-

المواضيع المتشابهه

هتبقى ايه اسعار العربيات المستعمله بعد ارتفاع اسعار البنزين

ادخل شوف اسعار العربيات الزيرو كانت ايه من سنتين والنهارده ايه ؟؟؟

العربيات الزيرو غليت يا شعب

حتى في العربيات الزيرو

الكلمات الدلالية لهذا الموضوع

المفضلات

المفضلات

ضوابط المشاركة