الموضوع: موضوع الفصال في اسعار العربيات الزيرو

انا مش هاتكلم ع الفصال انا هاتكلم على المعارض
من حوالى 4 شهور كنت بادور على عربية و لفيت معارض كتير جداااااا
و كنت باخد اسعار اقل من الوكيل بالفين و تلاتة و الله من غير فصال ده من فم مندوب البيع
و اكيد لو فاصلت كنت هانزل اكتر من كده ده غير التسهيلات الخرافية فى التقسيط اللى بيوفرها لك المعرض عشان العمولة طبعا عمولة بيع عمولة من البنك اللى هاتقسط معاه عمولة من شركة التامين اللى هاتامن معاها فى بعض الاحيان بيوجهك (او بيفرض عليك شركة معينة)
وواحد زميلى لما جه يشترى و قالهم انا هأمن عند شركة تبعى قالوا له العربية هاتزيد فى السعر مش فاكر تقريبا الف او الف و نص
بس كذا واحد من اصحابى قالولى روح الوكيل احسن حتى لو هاتدفع اكتر او ع الاقل موزع معتمد للوكيل و ابتديت الف ع الوكلاء كمااااان .... تعب قلب
المهم الوكيل ما رضيش ينزلى جنيه و بيتعاملوا بتناكة التنين بس ما يتدخلوش معاك لا فى البنك و لا التامين يعنى انت اللى بتدوخ
بس العربية فعلا فيها فرق بين التوكيل و المعرض يا اما الكاسيت مختلف مش بتاع التوكيل يا اما عاملة كيلو كتير يا اما الفينيش مش هو
طبعا دى الحاجات اللى ظاهرة الله اعلم ايه اللى مش ظاهر
خبطة فى الشاسيه - عوجة فى المقصات ؟ الله اعلم

انا لما كنت بسال فعرفت ان فى معارض تختلف عن معارض فى سعر الزيرو مش موضوع فصال
بس انى افاصل فى عربيه زيرو لا لا مش بتحصل
انما ادور على معرض تانى