مساعدة بسرعة أرجوكم

**matta** · 25-05-2009 08:57 PM

يا جماعة أنا الحمد الله جبت نيو أكسنت أوتو بس ملحقتش أتهنى ميكرو باص خبط اللي الكصدام اللي ورا فطبقة من الجنب وكسر لس الفانوس الخلفي وفي حتة صغيرة قوي قوي من الرفرف الخلفي متنية فرحت سنتر صيانة معتمد من هيونداي قال قالي تغير أكصدام وفانوس وسمكر ورش والمصنعية بس ١٢٠٠ تقريباً بالدهان من غير تمن الكصدام والفانوس مش عارف أعمل أيه هل ينفع الأكصدام يترد و أيه رأيكم في الفانوس التايوني لأنه الفانوس الأصلي معدي ١٠٠٠ والتايوني ٢٥٠ تقريباً ساعدوني ارجوكم محتاج رد بسرعة عشان العربية صعبانا علي قوي قوي

**matta** · 27-05-2009 03:17 PM

هو محدش بيرد على أي حاجة بكتبها ليه؟؟؟؟؟

**Mohamed.Fawzy** · 27-05-2009 03:47 PM

هوا حضرتك مأمن على العربيه ولا مش مأمن ؟؟

**ezzatfox** · 28-05-2009 12:22 AM

لو التايوانى نفس الشكل و مش هيفرق خليك فى التايوانى ، الاكصدام سمعت ان فى منة صينى و كويس و مش هيبان بعد ما يترش انة متغير و سعرة فى حدود 250 جنية .
انت محتاج تسأل شوية شوف الاسعار فى التوكيل و انزل التوفيقية بردة اسأل .
بالنسبة للتركيب و الرش ممكن تعمل القصة دى كلها فى الحرفيين و مش هتتكلف نص المبلغ اللى انت قلتة و هتبقى تمام انشاءاللة .

**matta** · 28-05-2009 04:36 PM

أنا متشكر قوي يا جماعة على الرد أيوه أنا مأمن على العربية مع مصر للتأمين بس هما بيصرفو الشيك بعد ما أصلح وأنا الدنيا مزنقة فلوس شوية فمش هينفع أدفع وبعدين يركنوني شهرين ٣ لغاية ما يصرفوا الشيك بصراحة أنا محتاج حد يكون اتعامل في الموضوع ده يقولي عمل ايه بالظبط ومتشكر مرة تانية

**ezzatfox** · 28-05-2009 05:16 PM

المشاركة الأصلية كتبت بواسطة matta

أنا متشكر قوي يا جماعة على الرد أيوه أنا مأمن على العربية مع مصر للتأمين بس هما بيصرفو الشيك بعد ما أصلح وأنا الدنيا مزنقة فلوس شوية فمش هينفع أدفع وبعدين يركنوني شهرين ٣ لغاية ما يصرفوا الشيك بصراحة أنا محتاج حد يكون اتعامل في الموضوع ده يقولي عمل ايه بالظبط ومتشكر مرة تانية

يا راجل مش تقول كدة من الاول .. كدة الوضع مختلف و انسى كل الكلام اللى قلتهولك
اللى اعرفة ان ابو غالى العبور بيقوم بالاصلاح بالتعامل مع شركة مصر للتأمين مباشرة من غير ما حضرتك تدفع فلوس و طبعا هيركبلك قطع الغيار الاصلية .
و فى كل الاحوال ادام مأمن متجيبش غير قطع الغيار الاصلية كدة كدة انت مش دافع حاجة ... او على الاقل فلوسك راجعالك .. على الاقل تستفيد بمبلغ التأمين اللى انت دافعة و يا ريت تبقى تطمنا و تقولنا اية الاخبار .

**matta** · 28-05-2009 06:11 PM

شكراً جداً جداً ياريت موضوع أبوغالي ده ينفع أنا هاتصل بيهم وأسأل بس هل لازم أروح أعمل معاهم مقايسة الأول وبعدين أوديها لللتأمين وبعد معاينة التأمين أروح أصلح؟؟؟

**ezzatfox** · 28-05-2009 06:31 PM

المشاركة الأصلية كتبت بواسطة matta

شكراً جداً جداً ياريت موضوع أبوغالي ده ينفع أنا هاتصل بيهم وأسأل بس هل لازم أروح أعمل معاهم مقايسة الأول وبعدين أوديها لللتأمين وبعد معاينة التأمين أروح أصلح؟؟؟

و اللة مش عارف التفاصيل .. اسأل فى مركز صيانة هيونداى ابو غالى العبور و هما هيفيدوك

**bishoy02010** · 28-05-2009 07:25 PM

حضرتك توديها ابو رواش تتعمل وتضغط على نفسك وتدفع تمن التصليح عشان تاخد حاجة تضيفة وترجع العربية زيرو زى مكانت وبعدين المفروض الشيك بيطلعلك بعد 10 ايام !!! إيه موضوع 3 شهور ديه والسنة الجاية انشاءالله أمن مع كونتاكت ناس محترمين قوى وهما بيدفعوا اوتوماتيك :) للمكان اللى بتصلح فيه وبيدوك شوية خدمات حلوة قوى