فتيس اسبيرانزا 113

**mero2008** · 25-05-2009 09:36 PM

يا جماعه محدش لاحظ ان الفتيس بتاع العربيه دي بيعض وبعمل صوت لما بسقط غيار من الرابع للثالث او من الخامس للرابع ولو حد عندو فكره يفيدني
اللي بيحصل معايا ان انا لما باجي اسقط غيار من الخامس للرابع قبل منزل عن 60ك بيعض معايه الفتيس وبيعمل صوت جامد ولما بتقل السرعه عن 60 وبسقط الغيار مبيحصلش الصوت ده ومن الرابع للثالث نفس الموضوع قبل الـ40 يعمل الصوت وبعد الـ40 مبيعملش الصوت ده دا انا حتى بحس بالعضه في عصاية الفتيس
أفيدوني أفادكم الله

**khaledazizeg** · 26-05-2009 01:49 PM

المشكلة ديه كانت بتحصل معايا فى اللانوس والfrv لما بنقل السرعات بدرى
يعنى اجيب من التالت للتانى فى سرعة قليلة مثلا

**mero2008** · 28-05-2009 07:21 PM

على فكرة انا غيرت زيت الفتيس ونفس الموضوع بيحصل معايه

**ali2008** · 30-05-2009 12:52 PM

احسن حاجة روح الصيانةةةةة

**bishoy02010** · 30-05-2009 01:04 PM

على التوكيل وطلع ..................... لغايو ميحلوا المشكلة ومتسبش حقك ولو محلوش المشكلة عليك وعلى حماية المستهلك ده انتة جايب عربية زيروووو مش عربية مستعملة

**khaledazizeg** · 30-05-2009 02:26 PM

المشاركة الأصلية كتبت بواسطة bishoy02010

على التوكيل وطلع ..................... لغايو ميحلوا المشكلة ومتسبش حقك ولو محلوش المشكلة عليك وعلى حماية المستهلك ده انتة جايب عربية زيروووو مش عربية مستعملة

كلام مظبوط
بس حاول خلى حد يسوق عربيتك ويشوف هل المشكلة ديه من العربية والا من سواقت حضرتك

**mero2008** · 04-06-2009 11:15 PM

يا جماعة كل اللي انتو قلتوه واللي عيزين تقولوه واللي بتفكرو تقولوه عملتو عليت الدبرياج وكشفت وغيرت زيت الفتيس وخليت واحد بتاع فتيس يسوقها بردو بتعمل نفس الصوت وعلى فكره الصوت ده مش عضةه دا صوت التروس لما بتخش في بعض على سرعات مختلفه و المشكله في التوكيل انو ايدك منه والقبر والمشكله الثانية اني معملتش الصيانات المطلوبه الـ5000 ك والـ10000ك والـ15000ك فتقريباً الضمان بتاعها سقط بس في واحد أعرفه يعرف ناس في التوكيل حيخليني اعمل صيانة الـ15000ك بس ويصلحولي المشكله دي وتخش ضمان تاني وان شاء الله حروح التوكيل يوم الاثنين اللي جاي وربنا يسهل لأن الراجل ده بيصلح العربيات الصيني وهو في عابدين وقاللي ان المشكلة دي موجوده في كل الاسبيرانزا والمشكلة دي في الغوايش اللي ماسكة التروس وربنا يسهل ادعولي لما اروح التوكيل العربية عامله 18000ك

**ossama121** · 12-06-2009 02:59 PM

على فكرة _ وما اقصدش حاجة وحشة - بيقولوا ان ده عيب سواق ، لأنك لازم تخفض للسرعة المناسبة للترس اللي ها تنزل له بغيار العكس ، جرب وها تلاقي نتيجة كويسة ، لأني كنت باعاني من المشكلة دي