إحترسوا من ظبط زوايا فى محطة التعاون - صلاح سالم

**kh_talaat** · 27-05-2009 09:13 AM

الحمد لله انك فلت من النصبه دي

وأنا بحذر كل الناس فعلا من البنزينه دي لأني حصل معايا فيها برضه موقف نصب وكنت بكشف على عربية فيرنا هناك والصنايعية عمولوا عليا نظام حلق حوش وأن العربية زي الفل وفبريكا وبعد ما خرجت مطمنتلهمش ورحت بنزينه تانية وأكتشفت ان العربية جايبه شاسييييييييييييه

وطلع صاحب العربية مظبط معاهم كمان بس الحمد لله اني نفدت

إذن من كلام الناس ان محطة بنزين التعاون أمام عمارات العبور شغلها نصب في
1- الكشف على السيارة موتور وشاسيه
2- زبط الزوايا
3- زبط الكاوتش ولحام
وطبعا ناس زي كدة اكيد بيغشوا في البنزين لذلك انصح كل الناس بمقاطعه البنزينة دي مقاطعه تامه

**M_55** · 27-05-2009 09:26 AM

شكرا علي التنبيه . جزاك الله خيرا

**شاهين - بنز** · 27-05-2009 10:13 AM

بنزينة التعاون بتاعت صلاح سالم أوسخ بنزينة شفتها في حياتي كمية نصابين فيها مش طبيعية وموضوع الزرجينة دهإتنصب عليا فيه ودفعت 150 جنيه أونطة (الله يلعنهم)
وبرضه كنت بصلح كوتشة فيها خرم واحد قعد يخرمهالي وأنا مش واخد بالي لحد أما دفعني 70 جنيه إبن الحرامية

**Ashraf_Ashraf** · 27-05-2009 10:57 AM

الحمد الله انى قدرت الفت نظر الاعضاء للناصبين دول واتمنى محدش يقع تحت اديهم
ولى رجاء حار للجميع اى حد يتعرض لاى موضع فيه غش ولا نصب ارجوا انه يلفت نظر الاخرين وقنا ربنا من شر الكدابين والطماعين

بالنسبه لاستفسار ايه هى الزرجينه
دى عباره عن جهاز بيعمل بضغط الهواء بيوضع بين ( فى حاله العفشه ) بين الشاسيه والمقص لاستعدال المقص فى حاله تعرضه لخبطه
ربنا يحمينا جميعا

**topgear** · 27-05-2009 11:00 PM

شكرا جزيلا على التنبيه

بس لى سؤال هوا ليه انتا طلبت منهم ورقه بالكلام ده
وبرضوا العضو ahmed_su قال انوا طلب وصل ورفضوا
ليه انتوا طلبتوا الورقه ومختومه
شكرا جزيلا