انا ان شاء الله هستلم بكرة العربية بتاعتي من عند الميكانيكي بعد معملتلها عمرة و شوية شغل في الكهرباء هي فورد فيستا 99 فعاوز اعرف استلم العربية ازاي و اشيك على ايه قبل ماخودها و امشي
الحاجة التانية هو تليين العمرة يكوون ازاي؟!
شكرا
عرض للطباعة
انا ان شاء الله هستلم بكرة العربية بتاعتي من عند الميكانيكي بعد معملتلها عمرة و شوية شغل في الكهرباء هي فورد فيستا 99 فعاوز اعرف استلم العربية ازاي و اشيك على ايه قبل ماخودها و امشي
الحاجة التانية هو تليين العمرة يكوون ازاي؟!
شكرا
ايه يا جماعة حد يرد انا هستلم بكرة ان شاء الله مش عاوز اتخم من فضلكم
انت اهم حاجه تسمع صوت الماتور وتشوف اذا كان فى اى اصوات غريبه وتراقب السخونيه بتاعت العربيه كويس
وتشوف استهلاك البنزين وشوف مستوى الزيت على طول هل فيه اى نقص
وبالنسبه للتليين انت المفروض متحملش على الماتور طول الفتره دى يعنى متشيلش حاجات كتير فى العربيه ولا تركب معاك ناس كتير
ومتقرصش على العربيه ومتجريش بيها جامد يعنى اخرك 70 او 80
والزيت اللى هيبقى فيها لازم يتغير هو والفلتر بعد اسبوع
واتأكد ان لمبه الزيت شغاله ومؤشر الحراره
هى دى الحاجات اللى افتكرتها دلوقتى ولو فى اى حاجه تانيه هقولك عليه واستنى برضه رأى باقى الناس
وابقى طمنا عملت ايه والعربيه عامله ايه
كلام الاخوة سليم مائة بالمائة و مسافة التليين هي حوالي الف كيلو بالنسبة للزيرو لكن يهيئ لي و الله اعلم أرجو التصحيح هي حوالي 500 كيلو فقط للموتور المتعمر تمشي فيهم بسرعة لا تزيد عن 60 كيلو في الساعة .
ممكن كمان بعد انتهاء فترة التليين تكبس الموتور في أي بنزينة و تشوف حالته أيه
شكرا على ردودكم يا جماعة بالنسبة لصوت الموتور انا اثناء مكنا بنلين على الواقف الموتور بصراحة الحمد لله شغال زي الساعة، مؤشر الحرارة كان واقف و الحمد لله اخت بالي فظبطو، بس لمبة الزيت دي مش عارف اشوفها ازاي هي لما بفتح كونتاكت بتنور مع الدينامو و الهاند بريك فكدة تبقى شغالة صح؟
في بس مشكلة هي ان طريقي فيه كوبري هو كوبري الفنجري و انا نازل على السواح من مدينة نصر طلعته مش جامدة فايه النظام في القصة دي؟
بالنسبة للزيت الميكانيكي قاللي هاقعد 500 كيلو و اروحلو يغير زيت و فلتر و يظبط تاكيهات و انتو هنا بتقولو اسبوع انهي انا مش عارف
اعزروني يا جماعة دي اول مرة اعمر عربية فحاسس اني هاغرق في شبر مية :lol: و شكرا مرة تانية
انا ان شاء الله هستلم العربية على الساعة 5 كدة تقريبا و هطمنكم بمجرد ماستلمها
ان شاء الله العربية يا باشا هتبقي زي الفل ان شاء الله متخفش :
1 - بالنسبة لطلعة الكوبري ان شاء عادي مفيش مشكلة طالما مش هيبقي كذا مرة اثناء فترة التليين
2- بالنسبة لتغيير الزيت بعد 500 كيلو .. ده كلام سليم من الميكانيكي ... خلصتهم في اسبوع في يومين في شهر مش فارقة .. المهم تخلصهم و تغير الزيت و الفلتر و اتظبط تاكيهات زي ما قالك الميكانيكي
3- موضوع لمبة الزيت طالما بتنور مع الكونتاكت يبقي شغالة تمام .. و برضو مش هتخسر لو خليت كهربائي يشيك علي كهربا العربية و يشوف الاسلاك و الفيوزات عشان تبقي مطمن من ناحية الكهربا
و ربنا يطمنك عليها ... عمرة موفقة :verygood:
+1111111111اقتباس:
مسافة التليين هي حوالي الف كيلو بالنسبة للزيرو لكن يهيئ لي و الله اعلم أرجو التصحيح هي حوالي 500 كيلو فقط للموتور المتعمر تمشي فيهم بسرعة لا تزيد عن 60 كيلو في الساعة
هو بالنسبة لطلعة الكوبري فهتبقى مرتين في اليوم نظرا للطريق الي بمشي منو اما بالنسبة لاستلام العربية بقى فاتاجل نظرا لوجود اويل سي او جوان في الكارتيرة لسه هنحدد بكرة بيسرب زيت :_Alshmokh11: كان نفسي اخودها في حضني انهاردة العربية وحشتني اخر حاجة:k10:
و شكرا لكل اللي ردوا و في انتظار المزيد و متشكر جدا يا جماعة و الله مش عارف اول ايه :verygood: