مهم : بنزين 80 يضعف ماتور العربيات القديمة 27 ، 28 وغيرهم

**نور العمر** · 25-05-2009 11:24 PM

صديقة لي أثرت على أن بنزين 80 بيهلك ويضعف الموتور .. أصلها سويقة من كتيييير قوي
هل هذا حقيقي ... وهل له سبب في صوت عالي للمحرك .. يعني 90 ممكن يحل شوية موضوع الصوت ...
بحس إني مركزة مع العربية بزيادة ... وساعات بمشي جنب عربيات صوت محركها اعلى بكتيير .. واللا صوت شكمانها قذائف جوية ... المهم ... طمنوني في ال 80 ...
أصله كفاية على السفنتينا

**yuyu0000yuyu** · 25-05-2009 11:34 PM

اولا العربيات ال28و 27 سنت ما صنعوه مكنش فى بنزيت 90 اصلا ف العربه اصلا مصممه انهى تمشى على 80 ولو حطيتى 90 هتلاقى العربيه سحبه اسرع واهدى فى الصوت بس هيائر علىالمتور بمعن ان ال 90 فى العرببيات القديمه بيبوظ المتور وانتى ممكن تجربي بنفسك جربيى تحطى 90 وهتلاقى العربيه بتسخن اوى

**نور العمر** · 25-05-2009 11:48 PM

بجد ... بتسخن
سبحان الله
يعني مش غلط بنزين 80
ده واحدة بتقوللي
بتحط لل 27 بنزين 92
رايقة

**egyptianmafia** · 25-05-2009 11:51 PM

for 128 and 127...it is ok to put 80 and even if there is 70 you can put it lol

anything new should put 92.....

all new cars now even if it is a crappy car require 92 or the warranty will be terminated....

**نور العمر** · 26-05-2009 12:52 AM

واضح إن للسفنتينا فوائد عظيمة

**thegoodhacker** · 26-05-2009 02:57 AM

المشاركة الأصلية كتبت بواسطة نور العمر

واضح إن للسفنتينا فوائد عظيمة

اكيد و ده اللي مخلي الواحد يكبر دماغه وما يجيبش عربية حديثة علشان اللي حاوفره في الصيانة حادفعه في البنزين ال90 او ال92 ......

**ozy2026** · 26-05-2009 03:31 AM

المشاركة الأصلية كتبت بواسطة yuyu0000yuyu

اولا العربيات ال28و 27 سنت ما صنعوه مكنش فى بنزيت 90 اصلا ف العربه اصلا مصممه انهى تمشى على 80 ولو حطيتى 90 هتلاقى العربيه سحبه اسرع واهدى فى الصوت بس هيائر علىالمتور بمعن ان ال 90 فى العرببيات القديمه بيبوظ المتور وانتى ممكن تجربي بنفسك جربيى تحطى 90 وهتلاقى العربيه بتسخن اوى

يعنى ونبى ال 90 بيبوظ الموتور وال 80 هو اللى بيحافظ عليه
يا استاذى اى ماكينه احتراق داخلى فى الدنيا لو اتحطلها وقود كفائته اعلى هتديك قدره اعلى و هتقلل صوتها وكمان هيحافظ على الماكينه وهيطول عمرها مش يبوظها
انا عاوز اعرف حضرتك جبت الكلام ده منين وعلى اى أساس ان العربيه بتسخن لما يتحطلها 90

**aYaBooY** · 26-05-2009 10:27 AM

اختي الفاضلة نور
نصيحة من ركيب نصر قديم شاف الويلات مع الـ 128
عرفتني ما لم اتخيلة و بشر و اماكن
موضوع الـ 80و 90 و 92
ديه نسبة اكتان في البنزين مش شوائب اكتر و الكلام ده
العربية ال127 الي مع حضرتك موتورها قديم و غالبا بيكون خفيف
و ليه نسبة انضغاط قليلة يبقى لما نحط 90 او 92 ده معناه حرق عالي داخل المحرك مما يترتب عليه زيادة الحرارة الي بدورها بتعجل من تاكل الاجزاء الداخلية
يعني العربية هاتسحب كويس بس بتاكل في نفسها طيب لما نحط 80 هايكون حريق اقل مما يساعد على تكوين طبقة كربون اكتر على الاجزاء الداخلية تعمل زي عازل من التاكل لحد ما
طيب نعمل ايه علشان نخلي العربية تمشى كويس بـ 80 حضرتك تفولي مرتين ورا بعض 80 و بعد كدة تروحي لميكانيكي يظبط الكربراتير و الكهربا على وضع العربية مع الـ 80 هاتلاقيها ماشية بعد كدة زي الفل
و سيبك من العالم الي بتعامل العربيات النصر على انها مرسيدس بجد افضل طريقة ارتحت بيها مع المرحومة اني اديها على دماغها
يعني مكنتش بتمشي غير لما كنت احطلها اسوء زيت في السوء او احط زيت نضيف و امشي عليه مسافة طويلة اوي و احطلها بنزين 80 و اديها على دماغها في كل مشوار
ممكن تراجعي الموضوع ده زميل هنا شارح موضوع البنزين كويس اوي
http://www.nilemotors.net/Nile/showthread.php?t=16758

**sab3aawy** · 27-05-2009 10:12 AM

المشكلة فى بنزين 80 فى مصر مش انه 80، المشكلة فيه انه بيطلعوه من زبالة البنزين وبالتالى يحوى على البلاوى الآتية

1-كبريت: يتأكسد اثناء الحريق الى ثانى وثالث اكسيد الكبريت، ثم يختلط ببخار الماء الموجود فى العادم لكى يتحول الى حمض كبريتيك يلتهم الاجزاء الخلفية للمحرك والشكمان مع الوقت
2-فوسفور: يتأكسد الفوسفور ثم يتفاعل مع بخار الماء ليكون حمض الفوسفوريك وهو بدروه حمض قوى يلتهم الاجزاء المعدنية مع الوقت
3-صمغيات: مكونة من الهيدروكاربونات الثقيلة وتسبب سدد اجزاء دورة البنزين
4-شوائب صلبة: من اتربة وخلافه وبدورها تسبب سدد اجزاء دورة البنزين وكذلك اتلاف اجزاءها بالاحتكاك مع الوقت
5- ماء: يسبب الصفع(التسقيف)الذى يسرع باتلاف اجزاء المحرك وتآكلها كما يسبب صدأ الصبابات وفرن الشمكان والشكمان

بالطبع فان هذة الاشياء لا تحدث فى لحظة لأننا فى النهاية نتكلم عن شوائب بنسب قليلة فى الوقود وليس كمية الوقود كلها، لكن الفكرة ان هذة الشوائب بالفعل تقصر بعمر المحرك جدا بالمقارنة بمثيلاته، كما انها تسسب بسرعة بظهور اعراض البرجلة والتسقيف وضعف السحب

**dr_abooody** · 29-05-2009 10:56 AM

يا جماعة انا كنت بحط لل 128 بنزين 90 و احيانا بنزين 92

و لا كانت بتسخن و لا اي حاجة من الكلام دة

لما حطيت 80 و ظبط الكهربا العربية بتمشي كويس و بتسحب حلو مع ان الموتور محتاج نصف عمرة

من تجربتي لا يوجد فرق بين ال 80 و ال 90 بالنسبة للصوت او السحب و دة لأن العربيات دة ساعت ما عملوها مكنش فية غير بنزين 80 و الموتور متصمم على كدا

انا بشوف عربيات جديدة بتحط 80 و تكسيات من بتاعت العاصمة اللي لونها اصفر بتمون 80 برضو

الموضوع: مهم : بنزين 80 يضعف ماتور العربيات القديمة 27 ، 28 وغيرهم

LinkBack

أدوات الموضوع

عرض

مهم : بنزين 80 يضعف ماتور العربيات القديمة 27 ، 28 وغيرهم - انشر الموضوع فى :

-

-

-

-

-

-

المواضيع المتشابهه

طالب مساعدة من أهل الخبرة في العربيات القديمة

مشكلة الزيت فى كل العربيات القديمة

شوفتم ان العربيات القديمة افضل من الجديدة

العربيات المصرية القديمة

العربيات القديمة مش هتتسحب

الكلمات الدلالية لهذا الموضوع

المفضلات

المفضلات

ضوابط المشاركة