الصلاة , حد لاحظ فيها حاجة؟؟!!

**Mohamed.Raafat** · 26-05-2009 11:50 AM

يا جماعة بدل ما نخش في خلافات ولا حاجة
لازم نعرف حاجة الاول ان اي حاجة ربنا امر بيها اكيد اكيد ليها فايدة عظيمة
سواء كانت الفايدة هتفيد الجسم مثلا او هتفيد الانسان في الاخرة ( بدخوله الجنة - يارب اوعدنا- )
و سواء الحركات دي ظهرت قبل ظهور الاسلام في الجزيرة العربية او بعدها مش هي دي النقطة

النقطة في ان الناس دي بتدفع فلوس عشان تتدرب عليها
و احنا بنعملها مجانا خمس مرات في اليوم لأ و بناحد عليها اجر
في حا جة اعظم من كده فيه دين ممكن يعمل كده
بجد الحمد لله الذي انعم علينا بالاسلام

**SeiffoZ** · 26-05-2009 12:14 PM

المشاركة الأصلية كتبت بواسطة ams

الكلام ده مينفعش ابدا
انا قريت شوية عن اليوجا و التامل لقيتهم بيتكلمو عن حاجة اسمها الوجودية و اتحاد الخالق و المخلوق و الطاقة الكونية و كلام كتييييييييير جدا
يعنى فى اختلاف عظيم بين الصلاة و حركات التأمل فى الاساس

رسالة الاسلام بدأت مع خلق سيدنا أدم نفسه و كل نبى مسلم

أنا بتكلم عن رسالة الدين الإسلامى إللى أتى بها سيدنا محمد ...
ثانيا أنا بتكلم عن الوضعيات مش التفكير أو الكلام ده ...
لكن وضعية الجسد ..
على سبيل المثال أيام الأيكيدو كنت بقعد قعدة إسمها سيزا و دى مشابهة جدا جدا لوضعية التشهد . ممكن حتى تكون هى هى ..

فى بداية الصلاة بترفع إيدك إلى جانب ودنك و تقول الله أكبر و تنزل إلى منطقة السرة (و الحركة دى بالظبط من ضمن حاجات التاى تشى ) لأن السرة مركز الطاقة (شاكرا) ..
أنا مليش دعوة بالمعتقدات الجنوب أسياوية و لا أى حاجة من الفلسفة ..
أنا كل إللى بتكلم فيه وضعية الجسد إللى بتسبب الصفاء الذهنى و الإسترخاء الشديد جدا لو حصلت بتركيز ...

فالرسول صلى الله عليه و سلم كان أمى و لا يعرفون شيئا عن هذه الأشياء ...
فيمكن الصلاة فعلا بتساعد على الإسترخاء و تجميع الطاقة الإيجابية .. لأن التشابه الشديد ده ملحوظ ...