رزعة بين الغيار و التاني او لما اكون علي غيار منخفض واغير الضغط علي الدواسة

**SBkr** · 26-05-2009 01:41 AM

انا ياجماعة معايا نوبيرا 99 كوري وبيحصل مع الغيار الأول زي رزعة (الصنايعية بيقولو عليها سكة) لما بحرر الدبرياش وبتقل مع الغيار التاني وهكذا لكن وانا ماشي علي نفس الغيار الأول او التاني وبدون الضغط علي الدبرياش لما ازود وارجع اخفف رجلي من علي الدواسة الرزعة دي بتبقي ملحوظة جدا مع التزويد لكن علي الغيارات الأعلي طبعا موش ملحوظة وكذلك التشبيع في النقلات حتي 3500 لفة بيقلل جدا من هذة الظاهرة لكن برضة موجودة مع ملاحظة أنها موش موجودة في سيارات نوبيرا أخري تحت نفس ظروف القيادةز موش عارف اية السبب انا بحاول اسايس الغيار قد الإمكان لمنع الضرر لحين عودتي للمنصورة لعلاج هذة المشكلة التي تشعني بعدم الراحة وعدم تماسك آلات الجر !!!!

انا عضو قديم sayandro بس تم التغيير للأسم الجديد Sayed Bkr

**zocor742** · 26-05-2009 05:32 AM

بص ياباشا عندى تخمين بص مش عارف صح ولا ملوش علاقة مش فى حوض الماتور طالع من كابينة العربية للحوض زى ماسورة تكملة للجير بوكس للمكنة ممكن تكون مبوشة من عند نقطة التماسك بينها وبين المكنة( زى ترس او شبة صامولة بينقل الغيار للمكنة ) فاهم حاجة

بس متعتمدش على كلامى اعتبرة تخمين لحين معرفة السبب

**mohamed808** · 26-05-2009 01:33 PM

السلام عليكم
اذا كان تقديرى صحيح فان هذه الرزعة بتكون من سببين :-
1 : قواعد الموتور والفتيس
2 : الديسك
يجب مراجعة قواعد الموتور وخصوصا الشدادت الامامية والخلفية اللى ماسكة الموتور والفتيس فى جسم العربية
لو كانت سليمة اعتقد هيكون السبب من الديسك بنسبة كبيرة جدا

اللاون الاحمر مخصص لاستخدام الادارة

يرجى مراجعة قوانين المنتدى

مشرف القسم

**SBkr** · 26-05-2009 11:51 PM

قواعد الماتور سليمة وزي الفل يبقي غالبا من الديسك متشكر ياجماعة يارب تطلع حاجة بسيطة بس فين محمد ممدوح مقلناش رأية في الموضوع . ZOCOR742 اعتقد اني لم الاحظ اي حاجة طالعة من الماتور للفتيس !!!!!! هو فين الحاجة دي اصلا بالضبط ؟ عموما غالبا زي ما mohammed 808 بيقول ممكن الديسك

**zocor742** · 27-05-2009 12:00 AM

بص ياباشا افتح الكابوت واقف بعد باب السواق فين قربة المياة مش جنبها فى حوض الماتور مكان فاضى لو بصيت تحت شوية هتلاقى زى مسورة قصيرة او زى دراع كدة بيوصل حركة الفتيس للماتور طالعة من كابينة العربية للمكان الى وصفتهولك بالظبت

**SBkr** · 27-05-2009 11:55 PM

وصلتلها ياباشا و متينة موش مبوشة ولا حاجة

**zocor742** · 28-05-2009 04:02 PM

طيب شوف كدة الاستاذ محمد ممدوح والمهندس سمير عياد عندهم خبرة وهيقدروا يفيدوك
انا فى الاول قولتلك دة مجرد تخمين لحد ما نوصل للعيب عشان كان فية واحد صحبى معاة نوبيرا وكان عندة الفتيس فية تبويشة لما بيزود بنزين تحس ان الفتيس بيتحرك ولما يسيب رجلة من البنزين برضة بيتحرك فالما راح للميكانيكى قردلة على الصامولة دى والدنيا اتظبتت معاة فخمنت ان ممكن البوش عنك يكون اكبر وبيعمل الرزعة دى
وان شاء اللة تطلع بسيطة وتتحل

**SBkr** · 29-05-2009 11:40 AM

هة الحركة دي في كل الدايو لانوس و نوبيرا لما تضغط علي الدواسه او الدبرياش الفتيس بيتحرك لكن الحركة دي عندي بسيطة التكة مصدرها الأمام من المحرك وليس الفتيس موش عارف هل دة موش في السيارة لما بتكون جديدة وبيكون بسبب استهلاك الفتيس او الديسك مثلا عموما انا نازل المنصورة بكرة بإذن الله وهاروح عيس وكيل دايو اشوفها هناك