ارجو المساعدة فى استهلاك البنزين فى النوبيرا

**khaled02001** · 26-05-2009 03:07 AM

انا معايا نوبيرا موديل 97 مشتريها من شهر واستهلاك البنزين فيها عالى الى حد مخيف الصفيحة 20 لتر بتعمل حوالى 100 كيلو بس وبتطلع دخانة سودة شديدة من الشكمان . وديتها عند ميكانيكى قالى دى حساسات و نضفهم بعد كدة الدخانة السودة قلت شوية عن الاول بس برضة موجودة لكن الاستهلاك لسة زى ما هو عاااااااااللىىىىىىى
اية رايكم المشكلة تبقى منين؟

**MMamdouh** · 26-05-2009 11:49 AM

حط العربية على سكانر و اتاكد من حالة حساس الشكمان

هل العربية بتغيب فى الدوارة و البوجيهات بتلاقيها مهببة؟؟

MMamdouh

**MMamdouh** · 26-05-2009 01:43 PM

لا

MMamdouh

**kimoo2002** · 26-05-2009 09:03 PM

دة عموما حساس شكمان
انا مغيرة فى النوبيرا وان بتاعتى ب 110 استعمال
كانت العربية بتاكل بنزين جامد جوة البلد وعلى السرية بتتحسن لدرجة انها كانت ساعات بتعمل فى التر 14.5 كيلو
ولمة التشك مش بتنور الميكانيكى بتاعى بيعمل رستار ت فى الكمبيوتر بتاع العربية وبيعد اللمبة الى بتئيد وتفطى قالى ان دة حساس الشكمان لان الميكاميكى بتاعى كان شغال فترة كبيرة فى توكيل عيسىولما غير ت الحساس العربية بقت تمام الحمد لله

**marawanshahin** · 26-05-2009 09:06 PM

السلام عليكم
غير اليديل كنترولر أو بص على المسامير بتاعته جايز مفكوكة أو بص على الفيشة جايز مش راكبة مظبوط لأن واحد صاحبى عنده لانوس كان عنده نفس المشكلة كان التنك كله بيعمل معاه 250 كم فى السفر و كانت بتطلع دخنة سودة من الشكمان راح لميكانيكى بتاعه قال له ممكن يكون العيب فى حساس الشكمان أو الأيديل غيرله الأيديل بواحد تانى من عنده لأن ده أسهل الحمد لله العيب راح وعلى العموم حط العربية على السكانر.

**samirayad** · 26-05-2009 09:51 PM

المشاركة الأصلية كتبت بواسطة khaled02001

العربية مش بتغيب فى الدوارة بتدور عادى والبوجيهات غيرتها مرتين لان العربية بتقطع معايا والدخانة السودة رجعت زى الاول واكتر واستهلاك البنزين بقى حوالى 70 كيلو فى الصفيحة. ومش عارف اعمل اية؟

فيه فى آخر مسطرة الرشاشات بلف خاص بتنظيم ضغط البنزين ......رايحله خرطوم رفيع من آخر مجمع الهواء اللى بعد البوابه علشان يشغل البلف ده................حل الخرطوم ده .......وشوفه فيه بنزين ولا مكتوم كده ....................وبرضه راجع على خرطوم البنزين اللى راجع للتنك ......وذلك بالكشف على العربيه كويس من تحت

**samirayad** · 26-05-2009 10:36 PM

لان العربية بتقطع معايا

راجع برضه على قوة الشراره اللى طالعه من الأربع مخارج بتوع البوبينا ....لأن ممكن تكون البوبينا على وشك التلف [gdwl]..لما بتسخن[/gdwl]

**khaled02001** · 30-05-2009 01:45 AM

الف شكر لمن قام بالمساعدة وانا فعلا حطيت العربية على الجهاز وطلع الغيب من حساس الشكمان فعلا وراحت الدخانة السودة وبدا يرجع استهلاك البنزين لمعدلة الطبيعى بس لسة محسبتش استهلاك البنزين