اللى حضرتك بتقوله ده هو نفسه اللى كان مطبق فى شوارع القاهرة وحقيقة واقعة يجي من ستين سنة .... فى فترة ما قبل قيام الثورة ... كانوا كذا شركة قطاع خاص للنقل العام وكل واحدة واخدة عقود امتياز للنقل العام على خطوط معينة ... والشركة اللى واخدة خط كانت من ضمن مهامها - طبعا بجانب اعداد اسطول اوتوبيساتها والاشراف على الصيانة وسلوك موظفيها وظهور المفتش كل شوية فوق دماغهم للتأكد من قيامهم بمهام وظائفهم على أكمل وجه - كان من مهامها المساهمة فى تحسين الطرق الخاصة بخط السير واصلاح أى مطبات قد تظهر ... مساهمة مع البلديات ( اللى هى المحليات دلوقتى ) .......
وكانت الأوتوبيسلت فيها درجات زى الأولى والتانية ... ودى حاجة أعتقد انها فضلت موجودة لفترة فى هيئة النقل العام عقب تأميم هذا المرفق ... كما أن الشركات دى كانت بطبيعة الحال درجات ..... يعنى شركات "أنظف" من شركات فى مستوى الأوتوبيسات واليونيفورم وخلافه ..... وبطبيعة الحال فإن تباين مستوى الشركات كان بيجعل هناك اختلاف فى أسعار التذاكر ... فتلاقى شركات أغلى من شركات ... وكل راكب يركب اللى على مزاجه .... وكان الكومسارى معاه صفارة لتنبيه الركاب بقرب المحطة القادمة لمن يريد النزول ... وكان وكان وكان ......
شوفت بقى ازاى احنا من ستين سنة كنا زى بلاد بره النهارده ؟
المفضلات