اقتباس:
متشكر جدا لزوق حضرتك ممكن تقولى اجيلك فين علشان اشوفها ؟؟
انا موجود في المنصورة...
وممكن ان شاء الله ميت غمر او القاهره يوم الجمعه الجايه.
اقتباس:
متشكر جدا لزوق حضرتك ممكن تقولى اجيلك فين علشان اشوفها ؟؟
انا موجود في المنصورة...
وممكن ان شاء الله ميت غمر او القاهره يوم الجمعه الجايه.
فى دواسات كبيرة شوية ممكن تجربها و كمان ممكن تجيب كام متر سلك و توصل كهربة مكنسة البيت من الشقة و تبقى العربية فى الشارع زى ما بعمل أنا كدا
ارضية جلد افضل عشان التنظيف ومتنساش ان لو اتكب اى سوائل الجلد حيحمى الارضية من تسريب السائل للارضية الصاج وطبعا ده مستحيل تنظيفة وحيطلع ريحة وحشه وكمان شكلة حلو روح لسروجى كويس وهو يعملهولك بحرفية من غير ما يبوظ حاجة من البكتات البلاستيك ده فى ناس بتروح من المعرض للسروجى على طول عشان تركب ارضية جلد وفرش وبعدين المكنسة ممكن تبوظ من كثرة الاستعمال وبعد كده تقول ياريت عملت ارضية جلد ولك الاحتيار
بصراحة انا برجح موضوع عمل الارضية جلد لانة بيحافظ على نظافة الارضية الفابريكة وسهل التنظيف وشكلة شيك بس دة بيتوقف لمهارة السروجى لانة تقريبا بيفك معظم الفيبر والعتب والكنسولة وعشان تتفك وتركب زى ما كانت محتاجة واحد يكون فاهم كويس واشتغل فى عربيات حديثة كتير قبل كدة يعنى تشوف واحد لية سمعة كويسة انا واحد صحبى معاة اوكتافيا لسة عامل فرش كامل للعربية وارضية هو مكلف حوالى 1800 جنية بس لو شوفت تقفيل الجلد والغرز معمولة ازاى هتحس انة بجد طالع من مصنع مش صنايعى عادى عاملة وقررت انى اعمل شغل السروجى عند الصنايعى دة لو حضرتك فى الاسكندرية ممكن افرجك على الشغل وحضرتك تحكم بين الجلد والموكيت
الفرش الجلد وتريح دماغك، بعد كده المكنسه للدلع بقه وما تجيبش الرخيص .. تعبانه جدا
خليك بى بلاك اند ديكر
بص يا باشا انا برضة معايا نفس المكنسة اللى ب 200 جنية وجبتها من كارفور اسكندرية مع انى اصلا من القاهرة لكن كل المكانس اللى لاقيتها فى القاهرة ما بين 40 ال 70 جنية كلها تعبانة وحرام اصلا يقولو عليها مكنسة , وانا استعملتها وبصراحة جميلة
لكن موضوع انك تركب فرش على الموكيت الاصلى بصراحة انا لا افضلها ابدا لسببين
ان ماحبش افك او العب فى اساسيات العربية خاصة لو جديدة لان منظر الكراسى وهى بتتفك وتطلع برة العربية عبارة عن فيلم رعب دة كمان لو كان السروجى صنايعى و محترف مابالك بقى لو وقعت فى واحد مابيفهمش او حتى وسخلك ولحوسلك الكراسى او مربطش المسامير
الحاجة التانية ان اللى بيعمل كدة بتوع التاكسى فقط او اللى هيأجر عربيتة لشركة لكن اللى بتعملة بنتك الجميلة اسمحلى دة شيى عادى مع كل الناس ودلع وانتى بتتكلم عن بنت واحدة ربنا يخليها لك... انا عندى بنت وولد شوف بقى المعركة فى العربية بتبقى ازاى!
تم الشراء و الحمد لله المكنسه زى اللى فى الصوره دى
النوع Black and Decker
الموديل ACV 1205
تعمل على الولاعه مباشره
السعر 218 جنيه
الضمان ----- سنه من تاريخ الشراء من المستورد شركه أنسيا
مكان الشراء (الفا ماركت) الزمالك و كانت اخر واحده من الموديل اللى بيشتغل على الولاعه مباشره و الباقى كله بيشتغل بالشحن بعد ما دخت عليها فى كارفور و هايبر 1 و وسط البلد و ملقيتهاش بس الحمد لله انى لقيتها
بعد التجربه المكنسه اكثر من رائعه و معاها اكسيسوريس كتير و ليها استخدامات كتير جدا و بصراحه ادائها فاق توقعاتى بكتييييييييير
http://blackanddecker.ae/ProductImag...CV1205_PA1.jpg
http://blackanddecker.ae/en/homeprod...catno/ACV1205/[/QUOTE]
شكرا لكل من ساعدنى فى هذا الموضوع و كل من شارك فيه :8_8_13::8_8_13::8_8_13:
مبروك عليك المهم راحتك