استفسار من خبراء التيدا عن موديل 2009

**astalavistaghost** · 26-05-2009 11:57 AM

انا ان شاء الله نويت اجيب تيدا 2009 جير اوتوماتيك بسعر 110000 و بصراحه عاجبانى جدا بس عندى كام سؤال شاكك فيهم
اول واحد ان فيه عربيات منها فيها الكاسيت mp3 و عربيات تانيه audio و ده غريب و لما سألت الراجل البياع قاللى احنا مانعرفش ايه اللى ممكن ييجى كده او كده ده حسب ما الوكيل بينزلها و الغريب ان اللى اتنين نفس السعر مع انكو عارفين ان الفرق بره لو حاولت اجيبه هايبقه عالى شويه

الحاجه التانيه هما مش بيبقه عارفين اذا كان الفرش الداخلى لونه اسود ولا بيج و ده غريب يعنى انا كنت عاوز اللون الفرانى و قاللى انه هاييجى فرش اسود مع ان انا باشوفها فى حتت كتير فرشها بيج فقالى ممكن تكون خليجى
همه الناس دى مش بيبقو عارفين حاجه ليه و الموضوع ده ملخبط ليه كده
و آخر حاجه واحد قاللى هيه بتيجى منغير حاجات كتير و بيتقفل حاجات فى مصر زى الفرش
هل ده صحيح و هل هيه فعلا بقيت يتتجمع منها حاجات فى مصر
أفيدونى افادكم الله انا فاضل اروح ادفع و آخد العربيه بس متردد بصراحه و بدأت اقلق و خصوصا ان انا كنت ها اجيب زمان صنى و تخليت عن الفكره لأن انا ركبت الصنى بره فى سنغافورا كنت رايح فى رحلة عمل و ركبتها فى مصر و نفس الكماليات لكن المصرى كانت ناشفه جدا و الدريكسيون بتاعها كان تقيل اتقل من اللى هناك فأعرضت عنها
فلو التيدا بيتصنع منها حاجه فى مصر احب اعرف
و لكم جزيل الشكر

**tata12001** · 26-05-2009 01:43 PM

التيدا مبيتأفلش فيها أي حاجة في مصر، التيدا ياباني ١٠٠٪ سواء خليجي أو مصري مش فرئة
وبالنسبة لا حوار الكاسيت فهي لو ٢٠٠٩ حتبئى Mp3 سيدي Changer لو جبتها الكاملة.
بس واضح إن بتوع المبيعات إلي إنت بتكلمهم مش عارفين هما بيتكلم عن اى أصلاً!!
بص زوالهم! واسألهم علبيت زيت ال-Power فين ؟؟ علشان الباور بتاعها كهربا مش عادي. ولو تلعلك علبة تأكد إن كداب ١٠٠٪ وملوش في أي حاجة.
وبالمناسبة العربية د سير الكتينة بتاعها جنزير، وبوجيهات بتتغير كل ١٠٠٬٠٠٠ وطرمبات البنزين فيها الفلتر ومش بيتغير غير لم تغير الطرمبة يعني مش حتشتري كل شوية فلتر بنزين.
المهم صلي صلاة استخارة وتوكل على الله وإن شاء الله مش حتندم لأنها عربية بسم الله مشاء الله عليها محترمة جداً.
طبعاً لو مكنتش سؤتهه ياريت تعملها Test-drive

**abou_ruqi** · 31-05-2009 02:32 PM

المشاركة الأصلية كتبت بواسطة astalavistaghost

انا ان شاء الله نويت اجيب تيدا 2009 جير اوتوماتيك بسعر 110000 و بصراحه عاجبانى جدا بس عندى كام سؤال شاكك فيهم
اول واحد ان فيه عربيات منها فيها الكاسيت mp3 و عربيات تانيه audio و ده غريب و لما سألت الراجل البياع قاللى احنا مانعرفش ايه اللى ممكن ييجى كده او كده ده حسب ما الوكيل بينزلها و الغريب ان اللى اتنين نفس السعر مع انكو عارفين ان الفرق بره لو حاولت اجيبه هايبقه عالى شويه

الحاجه التانيه هما مش بيبقه عارفين اذا كان الفرش الداخلى لونه اسود ولا بيج و ده غريب يعنى انا كنت عاوز اللون الفرانى و قاللى انه هاييجى فرش اسود مع ان انا باشوفها فى حتت كتير فرشها بيج فقالى ممكن تكون خليجى
همه الناس دى مش بيبقو عارفين حاجه ليه و الموضوع ده ملخبط ليه كده
و آخر حاجه واحد قاللى هيه بتيجى منغير حاجات كتير و بيتقفل حاجات فى مصر زى الفرش
هل ده صحيح و هل هيه فعلا بقيت يتتجمع منها حاجات فى مصر
أفيدونى افادكم الله انا فاضل اروح ادفع و آخد العربيه بس متردد بصراحه و بدأت اقلق و خصوصا ان انا كنت ها اجيب زمان صنى و تخليت عن الفكره لأن انا ركبت الصنى بره فى سنغافورا كنت رايح فى رحلة عمل و ركبتها فى مصر و نفس الكماليات لكن المصرى كانت ناشفه جدا و الدريكسيون بتاعها كان تقيل اتقل من اللى هناك فأعرضت عنها
فلو التيدا بيتصنع منها حاجه فى مصر احب اعرف
و لكم جزيل الشكر

دول مين اللي مش فاهمين حاجة دول ؟