عايز أجيب الحاجات لدي لعربيتي ال 305 ، ياريت ذكر التكلفة لكل حاجه

**walids** · 26-05-2009 01:08 PM

السلام عليكم

ناوي اجيب شوية حاجات لعربيتي و عايز اعرف هتتكلف كام ، فياريت تذكرولي التكلفه بالظبط لكل حاجه

1- عايز اشتري تابلوه قوي بدل اللي عندي لأن اللي عندي مش قوي و بيترجرج ، فياريت هيتكلف كام و اجيبه منين ؟ و ينفع اني ابدله بالتابلوه اللي عندي و ادفع فرق ؟ (علشان أقلل التكلفه عليا)

2- عايز أشتري 2 كبالن ، لأن اللي عندي عايزين يتغيرو ، فاشتريهم منين ؟ و اشتريهم استيراد ولا صيني جديد ؟ ناس نصحوني اشتري صيني جديد احسن ، و انا برده شايف ان للقطعه دي الجديد احسن ، فياريت تقولولي سعرها للكوبلن الواحد الجديد بكام ؟ و سعر الكوبلن الاستيراد بكام ؟

3- عايز اشتري 4 فرد جنوط سبور ، فدي هتتكلف كام ؟ و اشتري جديد ولا استيراد احسن ؟ و لو عايز ابيع ال 5 فرد التيوبلس اللي عندي بالجنوط بتاعهم يتباعوا بكام؟ و اشتريهم منين (3 مسمار)

دول حالياً اللي بفكر اشتريهم

**walids** · 27-05-2009 02:10 PM

:):):):):)

**kzizo** · 27-05-2009 04:30 PM

معلش أنا معرفش كل الي إنته طالبه بس أعرف التالي
التابلوه الطياره بحاله الزيرو ب 850 ده من بورسعيد بس ماعرفش تقدر تبدل الي معاك ولا لا
أنا من فتره قريبه ركبت كبالن صيني عندي في العربيه ب 1200 الحمد لله لحد الوقتي شغالين كويس
أنا ماشفتش خالص جنوط سبور 3 مسمار مستعملين بس الجديد بيعمل في حدود ال 1300
معلش ده كل الي أعرفه

**walids** · 27-05-2009 04:34 PM

ألف ألف شكر يبوحميد ،

كنت سألت في القاهره واحد قالي التابلوه ب 650 ج

بخصوص الكبالن كان فيه واحد قالي ان الكوبلن الصيني الجديد يعمله 250 جنيه او 200 جنيه لكن 1200 ج مش عارف :d !!

**m_gewelly** · 28-05-2009 02:53 PM

يا برنس التابلوه فى حدود 1200 جنيه فى الوكاله او فى بور سعيد

**kzizo** · 30-05-2009 03:24 AM

آسف سعر الكبالن الي عندي 900 جنيه مش 1200 الكلام ده من فتره أما التابلوه الي شفته في بورسعيد كان لوحده ب 850 بحاله الزيرو اما في حاجات تانيه بتيجي معاه الكونسوله والقطمه بيبقي سعره 1200 لو سعره لوحده ب 650 وبحاله الزيرو وبتاع الطياره يبقي سعره كويس

**walids** · 30-05-2009 10:45 AM

أهلاً يبو حميد

900 جنيه لل 2 كوبلن ؟

ولا سعر الكوبلن الواحد 900 ج ؟
ههههههههه مش فاكر مين بس اللي قالي ان سعر الكوبلن الصيني يعمله بحدود 250 جنيه :d

و بخصوص الكبالن القديمه ؟ هل ممكن ابيعها ؟ و تجيب كام ؟ أو أبدلها بصيني جديد ؟ و ادفع الفرق ؟

ولا هناك طريقه اني اصلحها و ترجع زي ماكانت ؟ و دي تتكلف كام ؟

**kzizo** · 30-05-2009 01:03 PM

900 لل 2 كوبلن أعتقد 250 ده سعر كوبلن ال فيات 128 مش عارف بصراحه ممكن تبيع الكبالن القدام ولا لا

**bee** · 30-05-2009 02:27 PM

بالنسبة للتابلوه .. لو الحديث او الي بيسموه الطيارة اعتقد حوالين ال 1000 جنيه قابل للزيادة او النقص ..
بس لو التابلوه بيرجرج عندك ممكن يكون من الكبالن تكون راس الكوبلن الداخلية هي ال فيها مشكلة يعني لو تابلوهك سليم متغيروش ..
بالنسبة للكبالن مش عندي سعر بتوعك لكن انا جبت ال 205 بتوعها كانوا استيراد بــ 400 جنيه وبعد كده جبت عفشة خلفية كاملة وكوبلينين بـ 750 جنيه ..

الجنوط التلاته مسمار اكاد اجزملك انك مش هتلاقي استيراد اصلااااااا ولو لقيت هيبقوا الحديد مش سبور ..
كله بيعمل فلنشات ويركب اربعة مسمار .. بس مجربتش الفلنشات بصراحه .. لو اتاكدت انها امان اعملها وركب الي يعجبك اربعة مسمار ..
بالتوفيق