الموضوع: لية 128 موديل 1975 افضل من النيو سيراتو

انا حبيت اعمل موضوع تفاريحى كدا واعرض مميزات ال 128 واثبت انها افضل من النيو سيراتو

1- الباور غنى عن التعريف طبعا والحورات الى علية فا طبعا ال 128 مفيش فيها الكلام دا ولا يفصل ولا ما يفصلش على السرعات العالية والفائدة التانية ان الدركسيون هيكون عضلات للسائق فا هنا فائدة من جميع النواحى

2- قطع الغيار توافر قطع الغيار فى كل مكان حتى فى السوبر ماركت يعنى لو انت نازل تشترى طلبات البيت ممكن تشترى قطع الغيار لعربيتك وانت فى الماركت ومش محتاج تنزل شارع دمشق او حتى الحرفين

3- الميكانيكا والتصليح طبعا فى ال 128 اى حد هيشتغل فيها حتى لو العجلاتى الى تحت البيت وهتتصلح وهتمشى كويس ولا الحاجة انك تروح لميكانيكى وانت نفسك ممكن تشتغل فيها بأيدك وهتتصلح وهتمشى وهتكون زى الفل

4- الصاج طبعا غنى عن التعريف لان صاجها حديد لو دخل فى الحيطة هيوقعها وهى ولا الهوا ولو حصلها حاجة مش هتصرف كتير فى السمكرة والدهان

5- التكيف ولا عمره دخل العربية دى ودا طبعا لان العربية بتحافظ على البيئة لان التكيف والفريون بيأثرو على طبقة الاوزون فا العربية صديقة للبيئة

بعد المواصفات الى انا قولتها طبعا دى انا بقول ان ال 128 افضل من النيو سيراتو وافضل من العربيات الحديثة لان كلة 4 عجلات والمهم انهم بيوصلو

و كدا اقدر اكون اثبت للجميع وبالدليل ان ال 128 افضل عربية فى السوق

المشاركة الأصلية كتبت بواسطة enas75

بتقارن ايه بايه
دي ال128 عمرها اطول من عمر شركه كيا وهيونداي اصلا
وبعدين فيها ميزه اضافيه ابعادها محدده مش زي السيراتو اللي مش بشوف وراء خالص ولولا الباركينج سينسور كان زماني جايبه الرفرف
ده غير انها صغنونه حلوه تعرف ترميها في اي حته ومتخافش عليها......مش السيراتو من يوم ماجبتها ومش لاقيه حته اركن فيها وماشيه احسس عليها....دي وجع قلب السيراتو دي

والله يا استاذة ايناس انا مش عارف اقول لحضرتك اية بجد متشكر على الروح الطيبة والتعاون المثمر دا حضرتك معاكى نيو سيراتو وفى نفس الوقت بتشكرى فى ال 128 بجد انا مش عارف اقول لحضرتك اية انا لو فى ايدى ادى لحضرتك جايزة انا مش هتأخر وعالطول هقدم لحضرتك الجايزة تقدير منى لحضرتك واعجابى برد حضرتك والكلام الى حضرتك قولتية عن ال 128 ودا بيدل على ان حضرتك بتتكلمى بحيادية وعدم التعصب وهى دى الروح الى بنفتقدها هنا وميرسى اوى اوى اوى على تأيد حضرتك لكلامى فى ال 128 وهديتى لحضرتك انى همنع زياد من خطف ابن حضرتك ومن انة يأكلة المسقعة وياريت حضرتك ما تنيسش الدرة والشواية