عرض للطباعة
عندي سؤال مهم يا خبراء المنتدى
وبعد إذنكم ردوا عليا
أنا معروض عليا سيارتين دايو
الأولى دايو زاز بمبلغ 30000 جنية كاملة من حيث الكماليات وموديل 1997
الثانية دايو إسبيرو بمبلغ 38000 جنية كاملة برده وموديل 1999
وأنا أول مرة اعرف السيارتين وأنهم دايو
يا ريت تردوا عليا بسرعة وتفيدوني بإمكانيات كل سيارة ومواصفاتها
وشكرا" مقدما"
الزاز دي كانت شركه في شرق اوربا و دايو اشترتها ايام مجدها(و كانت شاريه شركه سانج يونج اايضا)
و حاليا العربيه اتوقف انتاجها و غير كده مكنتش بتوزع منها كتير يعني حكايه انك تلاقي قطع غيار ليها في دا صعب و متعب و لذلك نصيحه ابعد عنها احسن.
الدايو اسبير تعتبر الاب الشرعي للدايو نوبيرا :) نفس الفئه و علي ما اعتقد نفس المواتير او فيه اختلاف طفيف نظرا لان كل المواتير عباره عن مواتير اوبل و بكده حتضمن توافر قطع غياره للموتور و العفشه لكن بالنسبه للفوانيس و الاجزاء الخارجيه معنديش علم بيها.
forget about ZAZ
MMamdouh
الزاز عربيه اوكرانى نزلت مصر سنه 2001 تحت اسم دايو زاز سلافوتا وكانت نزله بمحرك 1200 سى سى من غير كماليات
فى اواخر سنه 2004 نزلت تانى الزاز بس بعد ما انفصلت عن الدايو نزلت تحت مسمى زاز سلافوتا بفس شكل الموديل القديم
نزل منها محركين واحد 1200 سى سى فاضيه والتانى سى سى 1300 بكماليات (تكيف اختيارى- زجاج كهرباء امامى -سنتر بريموت -سبويلر خلفى- عداد كليو متر ديجتال - حقن الكترونى للوقود)
كانت سعرها 35000 الف لل1200 سى سى
41500 الف لل1300 سى سى
مميزات السياره صاج قوى جدا جدا اعتقد اقوى من الادا
متور قوى ايضا
سهوله فى الصيانه
عيوب السياره
عفشه سيئه
شكل غير مقبول
متور صوته عالى بس مش اعلى من الادا
تقفيل سيئ جدا
تقيله جدا فى اعاده البيع
نيجى بقة لنقطه قطع الغيار
العربيه ليها قطع غيار بس عند ناس معينه وكمان قطع الغيار موجوده فى الشركه بتاعها فى السواح وعلى فكره قطع غيارها معقوله مثلا تيل امامى اصلى ب 75 جنيه ووش فانوس امامى اصلى ب40 جنيه فانوس اصلى كامل ب210 جنيه سير كاتينه ب 30 لو عايز تلفونات محلات قطع الغيار ابعتلى
بس انت متأكد من ان العربيه الى معروضه عليك مو 97 اصل الزاز مفيش منه فى مصر غير موديلين هم 2001 و 2004 و 2005 وكمان مو 2004 و2005 هوه الى فيه بس كماليات
كمان السعر الى معروض عليك ده سعر غالى اوى انا شايف انها لو موديل 2001 فاضيه نتعمل بالكتير 25 الف
انا تحت امرك فى اى استفسار
شكرا" جدا" على المعلومات يا شباب
وأنا كده هبعد عن الزاز وأفكر فى الدايو إسبيرو
بس موضوع قطع الغيار بتاعتها هتبقى زي النوبيرا
ولا فى إختلاف
وشكرا" على الإهتمام
اعتقد حيبقى فيه اختلاف بينها و بين النوبيرا بس هى موجودة استيراد
MMamdouh
الزاز كان في منها 97 لكن كان هاتش باك
الزاز كان في منها 97 لكن كان هاتش باك
ده التافريا ؟؟؟ ولا كان اسمها زاز برضواقتباس:
المشاركة الأصلية كتبت بواسطة hazem_khidr
كان اسمها زاز تافريا برضه و كان الخنوط بتاعها عامله زي بتاع البيتلز القديمه لو تفتكرها(الجنك اللي بتلات مسامير و رفيع زي بتاع الفيسبا كده)
خليك في الاسبيرو بس لو اوتوماتيك اطمن علي الفتيس الاول و اتاكد انو سليم 100%
ممكن أعرف سعر موتور 2001 جديد أو إستعمال خارجي أو تكلفة العمره الكامله ممكن أعرف تليفونات بتوع قطع الغيار أخوكم في أسوان و أعاني عند شراءها و كذا عند الإصلاح عند خبراء الصيانه في أسوان
متزود 2000 جم علي الاسبيروا وتجيب حته دايو لانوس 99 او 2000 نظيفة افضل ليك وقطع الغيار عند البقال ومشاكلها اتحفظت
المكنة تعمل فى حدود 2500 جنية استيراد... جديد فى حدود 25000
MMamdouh
لسه سأل البقال قلى معنديش غير جبنه وحلاوةاقتباس:
المشاركة الأصلية كتبت بواسطة tarek_2005
السلام عليكماقتباس:
المشاركة الأصلية كتبت بواسطة limo
لو سمحت انا عندى عربية داويو زاز سلافوتا
لو ممكن المكان ال بيبيع الحاجات بتاعتها الاصلية ال فى السواح ال انت بتقول عليه فى مشاركاتك
انا بعتلك رسالة على ايميلك الهوت ميل
ياريت تكلمنى او تبعتلى رسالة لأنى بجد محتاج حاجاتها
أو ابعتلى رقم تليفونك فى رسالة ايميل وانا هتصل بيك
جزاك الله خيرا