موقف غريب جدا جدا حصلى النهاردة!!

**shaky** · 26-05-2009 09:05 PM

نزلت زى كل يوم ادور عربيتى اللانوس المهم دورت لقيت خرفشة فى الكبوت فتحت الكبوت والعربية دايرة لقيت قطة نايمة وافقة على وش الموتور ونايمة اول ماشافتنى جريت جوة الموتور من تحت من ناحية سيور الدينامو والتكيف اول مارجلها نزلت على سير الدينامر قام واخدها فرمها جوة العربية من ناحية اليمين من تحت واتحشرت القطة وماتت وبصيت لقيت سير الدينامو قطع والعربية بطلت

المهم اتخطيت جدا وقولت بس العربية راحت ولقيت لمبة التشك منورة والعربية مش راضية تدور طبعا بقى خدت يوم كامل وطبعا مرحتش الشغل وقعدت عشان اجيب حد ينظف الدنيا دى ويطلع القطة اللى اتحشرت ومحدش عرف يجيبها لحد ما الميكانيكى جة وفك الريداتير وفلتر الهوا اللى موصل للمانفولد وخراطيم انا بقيت واقف والله حاسس انى انا اللى بيتعمل فية عملية جراحية .

بعد ما القتيل خرج والحمد لله ونظفنا الدنيا جيبت سير من برة كورى بسعر 35 جنية وكمان جركن مية خضرا عشان طبعا مية الريداتير كلها اتصفت على الارض وركب والحمد لله

بس فية حاجة الوقتى لما بدور الصبح بسمع لمدة ثوانى كدة صفارة من الموتور او من السير ممكن اعرف دة اية

شكرا جزيلا

**waleedrahmy** · 26-05-2009 09:28 PM

القطة دي لازم كانت عيانة عشان يحصل كده..........أنا الحكاية دي حصلتلي مع فأر سمين قبل كده............عموما أحمد ربنا علي كده وابقي بعد ما تغير السير لاحظ رومان بلي الدينامو او البكر يكون اتعوج او اي صوت غريب في المنطقة دي ....وابقي اغسل الموتور غسلة مضبوطة

**samirayad** · 26-05-2009 09:35 PM

انا طبعا ببقى متاكد من الكاوتش لانى بعمل check سريع على كل حاجة

ياريت تبقى تعمل check على الغرفه بهدوء .....ولا تتعجل فى التحرك بالسياره ( برضه دى نصيحه ليك من أخيك ).......................

**ahmedsrs** · 26-05-2009 09:44 PM

ممكن يكون السير عاوزو يتشد شوية

**moby** · 27-05-2009 06:10 AM

المشاركة الأصلية كتبت بواسطة ahmedsrs

ممكن يكون السير عاوزو يتشد شوية

++++++++++++

**shaky** · 27-05-2009 07:56 AM

المشاركة الأصلية كتبت بواسطة samirayad

ياريت تبقى تعمل check على الغرفه بهدوء .....ولا تتعجل فى التحرك بالسياره ( برضه دى نصيحه ليك من أخيك ).......................

خلاص يابشمهندس سمير كل شىء من هنا ورايح فحص بدقة

**tutankhamoun** · 27-05-2009 08:00 AM

فعلا زي ما الأستاذ ahmedsrs قال
ممكن يكون السير عايز يتشد شوية و حصلت معايا في عربية بونتو قبل كدا و كان السير بيصفر خصوصا لما أقرص على الموتور .... ( كان بيصفر في كل الأوقات !! ) بس لما أقرص كان بيصفر أكتر .
و الموضوع ده ظهر لما غيرت سيور الكاتينة و الدينامو ....... و في الأخر طلع أنه عايز تشديد عليه بس .
ربنا يوفقك ........

**mohamed808** · 27-05-2009 09:09 AM

ان شاء الله بسيطة .. السير محتاج شد .. مش اكتر من كدة

**khalid9411** · 27-05-2009 09:52 AM

حصلت معايا بس قبل ما ادور فتحت الكبوت لقيت قطة سمينة وهى نازله اة بتهرب اخدت راس وقاس الزيت الاصفر قلت الحمد لله على كده علشان كده المفروض فتح الكبوت قبل الدوران فكرت فى فكرة وياريت حد يفكر معايا فيها وهى عمل صاجة من تحت عن البسمكرى زى بعض العربيات كده ويتعملها من تحت مكان الطبه وفلتر الزيت وطبه الفتيس والصاجة هتون مثلا بست مسامير او اكتر ياريت حد يفكر معى الاخ سمير ومحمد ايه رايكما منعا لدخول القطط والفيران علشان يدفوا وكما علشان التراب مش هيطلع لفوق يبقى محافظة من كل النواحى واسف للتطويل يا جماعة كل السيارات كده ليها صاجة من تحت بتحافظ على الماتور واجزائه الداخليه والخارجية

**nasroo** · 27-05-2009 11:11 AM

المشاركة الأصلية كتبت بواسطة khalid9411

حصلت معايا بس قبل ما ادور فتحت الكبوت لقيت قطة سمينة وهى نازله اة بتهرب اخدت راس وقاس الزيت الاصفر قلت الحمد لله على كده علشان كده المفروض فتح الكبوت قبل الدوران فكرت فى فكرة وياريت حد يفكر معايا فيها وهى عمل صاجة من تحت عن البسمكرى زى بعض العربيات كده ويتعملها من تحت مكان الطبه وفلتر الزيت وطبه الفتيس والصاجة هتون مثلا بست مسامير او اكتر ياريت حد يفكر معى الاخ سمير ومحمد ايه رايكما منعا لدخول القطط والفيران علشان يدفوا وكما علشان التراب مش هيطلع لفوق يبقى محافظة من كل النواحى واسف للتطويل يا جماعة كل السيارات كده ليها صاجة من تحت بتحافظ على الماتور واجزائه الداخليه والخارجية

الفكرة حلوة بس
طب لو حبيت تعمل شغل في العربية من تحت هتعمل ايه؟
ولو العربية بتسرب زيت هتعرف ازاي؟

الموضوع: موقف غريب جدا جدا حصلى النهاردة!!

LinkBack

أدوات الموضوع

عرض

موقف غريب جدا جدا حصلى النهاردة!! - انشر الموضوع فى :

-

-

-

-

-

المواضيع المتشابهه

موقف صعب حصلى الصبح

موقف غير عادى حصلى

حصلى موقف غريب مع الكلكس النهارده

حصلى شىء غريب النهاردة اول لما دورت العربية

حصلى موقف غريب اوى فى لجنة من اللجان

الكلمات الدلالية لهذا الموضوع

المفضلات

المفضلات

ضوابط المشاركة