-
حصريا صور للبونتو كلاسيك 2009
-
-
-
عربيه تحفه
سواء البونتو او الجراند بونتو الاتنين بياخدو العقل
عربيات مميزة جدا و الشكاوي منهم تعتبر مش موجودة
بس اللون النبيتي بيجنن علي البونتو
ميرسي لحضرتك يا دكتور امير علي الصور
و ان شاء الله احاول اجمع الوان تانية للبونتو و اضيفها للموضوع
-
شكرا على المجهود الرائع ده
انا كان عندى استفسار,سعر العربيه دلوقتى 68000 هل ده عرض لفتره محدوده ولا ده سعر العربيه الثابت حاليا؟
-
-
الف شكر صور جميلة بس اعتقد حاليا سعرها 65900
كده افضل عربية في فئة السعر ده
-
العربية دي جميلة جدا انا سقت عربية بنت خالتي روعة
ناعمة جدا وال controlبتاعها ناعم واكتر من رائع
-
تسلم إيدك يا دكتور.....بس كنا محتاجين صور أكتر للعربية من جوه! :)
وعلى فكرة كده مش فاضل غير صور اللون الأسود في موديلات 2008/2009..........عاوزين حد يجيبلنا صوره بقى
-
شكرا علي الصور بس فاضل حتة باينة في العربية !
كدة احلى :
http://img37.imageshack.us/img37/3209/puntomotors.jpg
بهرج معاك طبعا يا استاذ امير :) شكرا علي مجهودك .
-
متشكر يا جماعه
و انا اسف لو الصور الكتابه عليها مضايقه البعض
بس مش عايز حاجه المنتدي تتاخد بالساهل و الصور انا اللي مصورها و لفيت كنير و الله علشان اجمع اكبر عدد من الالوان المتاحه, و بعدين انا كاتب نايل موتورز مش كاتب اسمي او حاجه
يمكن الصور لما تتنشر و تتنقل حد جديد ييجي المنتدي و ينورنا كعضو مشارك ويانا بفكره و اراءه
بس انا كده جبت اخر حاجه ممكن اعملها في موضوع الوان البونتو حاليا
ياريت بقي بلاش تكاسل و مش هقول الناس تنزل المعارض تصور
ياريت الاعضاء مالكي البونتو يغيرو شويه صغيرين و يكملو باقي الالوان
طلب صغير اهوه و بسيط لكن اللي يغيظ ان ودن من طين و التانيه.........
زي برضو موضوع اسعار قطع الغيار بتاعت البونتو كلاسيك 2008-2009
http://www.nilemotors.net/Nile/showthread.php?t=77063
هس هس ولا حس ولاخبر
و لغايه النهارده اهوه 20 واحد شافو الموضوع ولا حد رد ولا حد كلف نفسه مجرد كتابه الاسعار
مش بقي تصوير و تحميل و رفع و تجيب لينكات و وجع قلب
بجد عيب بقي و كفايه تكاسل
المنتدي مش بس علشان الناس تاخد منه لازم تشاركو و تفيدونا
لغايه النهارده برضو هما عضوين اتنين تقريبا من ملاك البونتو اللي بشوفهم بيشاركو و يساعدو الناس من حيث تقييم العربيه و استهلاك البنزين
بشكرهم جدا هما عارفين نفسهم و بعيب علي الباقي
و بالنسبه لموقع رفع الصور للي ناوي يتعب نفسه و يساعدنا www.photobucket.com بس اللي هيرفع صور مينساش بأي برنامج صور يكتب عليها نايل موتورز الاول
و شكرا و اديني وياكم مستني لعل و عسي الناس تتحرك
-
اقتباس:
المشاركة الأصلية كتبت بواسطة GMakram
شكرا على المجهود الرائع ده
انا كان عندى استفسار,سعر العربيه دلوقتى 68000 هل ده عرض لفتره محدوده ولا ده سعر العربيه الثابت حاليا؟
اقتباس:
المشاركة الأصلية كتبت بواسطة ahmed azab
الف شكر صور جميلة بس اعتقد حاليا سعرها 65900
كده افضل عربية في فئة السعر ده
انا كنت حاطط البونتو في قايمه اختياراتي
و عملت الموضوع ده علشان اشوف مين ممكن يشتري معايا لو هاشتري
http://www.nilemotors.net/Nile/showthread.php?t=73567
بس هو واحد بس من المنتدي ناوي تقسيط و واحد تاني من بره المنتدي ناوي برضو
انما لو معايا عدد محترم ممكن ننزل بالسعر عن السعر المخفض المعلن عنه
لكن لا حياه لمن تنادي
-
اقتباس:
المشاركة الأصلية كتبت بواسطة amir
لو معايا عدد محترم ممكن ننزل بالسعر عن السعر المخفض المعلن عنه
لكن لا حياه لمن تنادي
هو انت قدامك قد ايه لحد لما تشترى يا استاذ امير؟
-
في ظرف الايام دي لو ربنا سهل
-
يا شباب أنا مش عايز أفتي
بس لاحظوا حاجة غريبة
أن العربية دية هي العربية الوحيدة في الفيات اللي عليها لوجو فيات القديم مش الجديد الأحمر في الفضي
و دية مخليني مصدق الإشاعة اللي بتقول أن العربيات دية موديل 2008 و بتتباع علي أنها 2009 علشان عندهم مخزون عايزين يخلصوا منة
أرجو برضة الأخوة الخبراء يفيدونا في الحكاية بس فعلا شئ غريب اشمعنا العربية دية بالتحديد اللي عليها اللوجو القديم؟؟؟
-
اقتباس:
المشاركة الأصلية كتبت بواسطة amrbakly
يا شباب أنا مش عايز أفتي
بس لاحظوا حاجة غريبة
أن العربية دية هي العربية الوحيدة في الفيات اللي عليها لوجو فيات القديم مش الجديد الأحمر في الفضي
و دية مخليني مصدق الإشاعة اللي بتقول أن العربيات دية موديل 2008 و بتتباع علي أنها 2009 علشان عندهم مخزون عايزين يخلصوا منة
أرجو برضة الأخوة الخبراء يفيدونا في الحكاية بس فعلا شئ غريب اشمعنا العربية دية بالتحديد اللي عليها اللوجو القديم؟؟؟
بص لو العربيه هيا هيا موديل 2008 هيبان في الورق بتاعها
ز اساسا مادام هتتكتب انها موديل 2009 في الترخيص هيفرق ايه بقي لو كانت موديل 2008 فعلا
انا فاهم قصدك و تخوفك لكن في اسوء الظروف عربيتك هتترخص موديل السنه
و لو علي موضوع اللوجو فمش هاتكلم و اسيبه للادري مني
-
استفسار
هي العربية دي صيني زي ما بيقولوا ولا ايه, وايه اخبار قطع الغيار
-
اقتباس:
المشاركة الأصلية كتبت بواسطة bondok1978
هي العربية دي صيني زي ما بيقولوا ولا ايه, وايه اخبار قطع الغيار
لا موأخذه اعذرني
مين قال عليها صيني
هو اللي ميعرفش يقول بطيخ ولا ايه
العربيه ايطالي بالكامل تقفيل بلدها
قطع الغيار اسعار بعضها جبتها من التوكيل بص في قسم البونتو هتلاقي الموضوع تحت اسم اسعار قطع غيار البونتو 2008-2009
-
-
اقتباس:
المشاركة الأصلية كتبت بواسطة amir
انا كنت حاطط البونتو في قايمه اختياراتي
و عملت الموضوع ده علشان اشوف مين ممكن يشتري معايا لو هاشتري
http://www.nilemotors.net/nile/showthread.php?t=73567
بس هو واحد بس من المنتدي ناوي تقسيط و واحد تاني من بره المنتدي ناوي برضو
انما لو معايا عدد محترم ممكن ننزل بالسعر عن السعر المخفض المعلن عنه
لكن لا حياه لمن تنادي
أنا لسه شارياها من الوكيل ب 66900 وفى كل المعارض بتبدأ من 67000. ومن أسبوعين السعر فعلآ كان 65900 ولما جيت استلم قالولى انها بقت ب 67500 علشان الوكيل غلاها، وطبعا لما سألت فى الوكيل لقيتها ب66900 علشان كده جبتها منهم. و سمعت من الوكيل بعد ما استلمتها ان السعر هايزيد على آخر الشهر ويرجه لسعره الأول اللى هو 73000. من رأيى اللى ناوى يشتريها يلحق لأن اليورو عمال بيغلى والعربية كمان.
-
pictures exactly like real
but this is last year for punto production which will affect price aftersale
-
مجهود رائع، شكراً يا دكتور
-
اقتباس:
المشاركة الأصلية كتبت بواسطة azmeralda
pictures exactly like real
but this is last year for punto production which will affect price aftersale
ماهو الصور طبيعيه لأني انا اللي مصورها بنفسي مش من علي النت!!!
بيني و بينك و بين الاعضاء كمان
موضوع سعر اعاده البيع ده حاجه سخيفه قويييييييي
اللي عايز استثمار لفلوسه يشتري ارض او شقه
انما عربيه تمشي في الشارع و تتخبط و تتكحت و يقولك لما اعوز فلوس ابيعها تتباع!!!!!
فكر نابع من فقر في الجيوب و العقول
و للاسف بقي مسيطر علي تفكير الناس زي بالظبط موضوع فابريكه ولا رشه(سبعاوي اتكلم فيه و ياريت يتكلم عن سعر اعاده البيع ده كمان)
العربيه ممتازه و هتعيش معاك سنين ايه المشكله بقي ان انتاجها هيتوقف زي ما انت يتقول؟
ماهو ال127,128 و غيره و غيره موجودين في الشوارع و لهم قطع غيار و لهم سعر بيتباعو فيه
بصراحه الله ينتقم من سماسره العربيات و بالذات سوق الجمعه
قدرو بجهلهم و فهلوتهم يحددو معايير للسوق جاهله و فاشله زيهم بالظبط
-
ياريت كل الاعضاء عندهم نفس المجهود بتاعك السيارة جميلة جدا بس يعيبها الحجم واللى مغليها انها تقفيل ايطالى بلد المنشأ
على فكرة السيارة البونتو كلاسيك نزلت السنة دى ب 66 الف جنيه اللى هى 1240 سي سي تقريبا
-
اقتباس:
المشاركة الأصلية كتبت بواسطة topfield
ياريت كل الاعضاء عندهم نفس المجهود بتاعك
و الله في ناس في المنتدي بتعمل حاجات احلي و اروع من كده انما فعلا ياريت الاعضاء ينهضو بالمنتدي اكتر من كده
السيارة جميلة جدا بس يعيبها الحجم واللى مغليها انها تقفيل ايطالى بلد المنشأ
و الله حجمها مقارب جدا جدا لمثيلاتها في الحجم العام و شنطتها يمكن تكون من اكبر الشنط في الفئه دي
انا شايف ان اللي بشتري البونتو دلوقتي واحد ذكي جدا و مش عايز من العربيه غير انها تنقله هو و اسرته و تقضي مشاويره ببنزين قليل موت و اداء عالي و عمر افتراضي طويييييييييييل
و بعد ما بقت ب 66 الف زي ما حضرتك بتقول بقي سعرها ممتاز و التقفيل الايطالي ده ميزه مش عيب نهائي لا في السعر ولا في الجوده
على فكرة السيارة البونتو كلاسيك نزلت السنة دى ب 66 الف جنيه اللى هى 1240 سي سي تقريبا
-
العربية جميلة فعلا وتقفيل نضيف جدا ايطالية المنشأ بس لوحطيتها جنب البولو 2009 هتحس تماما بالفرق بس طبعا مهو كمان فى فرق فى السعر بينها وبين البولو او السيات ابيزا الصراحة العربيتين دول (البولو هاتش باك والسيات ابيزا بياخدو العقل فى الفئة دى) البونتو تاتى على استحياء بعدهم بس برده تحس انها ماشيه على نفس الخط بتاعهم تصميم عصرى اعتمادية عالية طبعا مع فرق السعر اللى انت بتحس بيه مجرد انك تدخل البولو او الابيزا وبعدين تدخل البونتو
-
بس ممكن من فضلك تقوللى يا استازى الفاضل البونتو 2009 اللى هى ب 66 الف نازلة بكماليات ايه من فضلك
-
مفيش جديد فى اسعار البونتو كلاسيك 2010
-
ازيك يا امير باشا
ايه الاخبار
بقلك انا شفت عربية بونتو كلاسيك على طريق الساحل الشمالي ماشية كان لونها فراني و عليها علامة فيات الجديدة اللى هي العلامة بالخلفية الحمراء
عندك فكرة عن ان كان موديل جديد للبونتو كلاسيك او معدل منه او ايه هو بالضبط؟
او حد عنده فكرة عن الموضوع ده يا ريت يفيدنا
و شكرا
-
للاسف معنديش فكره خالص عن الموضوع ده
-
ممكن حد يدلنى على توكيل فيات او موزع معتمد بيبع فيات تقسيط
بس يكون فى الكيت كات او المهندسين او اى منطقة قريبة من دول
اخوكم يوسف
-
اقتباس:
المشاركة الأصلية كتبت بواسطة amir
معلش يا جميل ممكن تبعتلى الصور الاصلية من كلمة نايل موتورز عشان عمى مش عارف يشوف حاجة من الكلام اللى مكتوب عليها:dzey:
اتمنى ذلك سريعا
اخوكم يوسف
-
للاسف الصور راحت من علي الجهاز