الموضوع: تحب تاكل إيه النهاردة

المشاركة الأصلية كتبت بواسطة نور العمر

شكرا على مداخلاتكم بكل الآراء
الهدف مش أن الزوج يدخل المطبخ ويتعذب .. ده ممكن يعمل ولو بيض بالبسطرمة ويفتح علبة تونة .. أو مكرونة وبطاطس محمرة ... حاجات سهلة ... الهدف إنه يحب زوجته ويريحها ... ويحسسها إن دورها مش بس خدمته وخدمة البيت والولاد ... دي دورها أعظم من كدة بكتيير وغلاوتها عنده كبيرة ... وعشان خاطرها يعمل أي حاجة ... طبعا دخول الزوج المطبخ شيء يخوف ... لإنه حيعمل الأكل وقصاد كدة ... حيبقى فيه أشغال شاقة في المطبخ نتيجة للوقفة دي ... ههههههههههههههههههههههه ... وطبعا هي يا عيني إللي حتدبس
الرسول عليه الصلاة والسلام ... كان قدوة في كل حاجة .. وكان بيخدم زوجاته ويساعدهم ويعمل لنفسه وليهم ولولاده ... محدش يقوللي زمنه غير زمانا ... ده كان عليه حمل ميستحملوش حد فينا ... وهو حمل تبليغ الرسالة والنبوة....
على كل ........
مرسيه لكل واحد شارك بمداخلة... حتى ولو بلا تعليق
مرسيه لكل واحد بيعمل كدة فعلا وبيريح زوجته ولو عن طريق عزومة من برا برا
مرسيه لكل واحد فعلا بيساعد زوجته وبيشيل عنها وقت التعب والشدة
مرسيه لكلامك يا pop3

كان نفسي تطلبوا أكلات ونعمل خط ساخن هههههههههههههههههه
تحايل على المنتدى .... ونختلق قسم للمطبخ ههههههههههههه
عموما ... بالهنا والشفا

والله انا قلت بلا تعليق ... عارفين ليه .. علشان زي ما بتقولي كده لما بخش المطبخ بتبقى كارثة عليها (ودي من النوادر) لأني في الأساس مش بكره ده أنا ممكن تجيلي حالة خنقة لو عديت قدام المطبخ .

ومع ذلك فيه حاجات تانية بساعد فيها لو فيه وقت (الحاجات التي تحتاج لمجهود عضلي) مش لازم المطبخ يعني .. وبحاول في كتير من الأحوال الأكثار من كلمات المدح والتقدير للمجهود (لأنه فعلاً جبار وخصوصاً لو الست بتشتغل) والكلمات دي بيكون ليها مفعول السحر .. لأن الستات بيحبوا يسمعوا جداً حتى لو مفيش فعل .. حاجة غريبة وسر من أسرار الستات .